LE PROTENOTAIRE, BONIFACE, CONSTANTE
LE PROTENOTAIRE.
Ma Constante se plainct de moy , Et m'accuse , comme je croy , De ce que je demeure tant A venir.
CONSTANTE
Ah ! trop inconstant !
Et moy, trop facille à le croire.
Je pensoy le Protenotaire Estre digne d'un plus grand heur :
Mais je croy^que son serviteur A pris sur luy plus de puissance Qu'il ne feit onc d'obéissance.
LE PROTENOTAIRE.
Ha , Boniface ! maintenant J'aperçoy que tout ce tourment Ne luy vient sinon que de moy.
CONSTANTE
L'amour donc n'aura plus de loy ?
On n'en fera dotic plus de compte ?
LE PROTENOTAIRE.
L'impatience me surmonté , Je n'en sçaurois plus endurer.
CONSTANTE
Encor' qui me faict espérer , C'est la mort après longue attente.
LE PROTENOTAIRE.
Las ! que pensez vous , ma Constante , En VOUS menassant du trespas ?
BONIFACE
Le voyla pris , il a son cas ; La dame le tient à son aise.
CONSTANTE
Helas ! monsieur , ne vous desplaise , Je vous pensoys estre plus loing.
LE PROTENOTAIRE.
Comment , mon cueur? comment, mon soing?
Penseriez-vous bien qu'en amour
Je voulsisse faire un tel tour ?
Vous n'avez expérimenté
Quel vouloir ha ma fermeté ,
Encor' vous n'avez asseurance
Quelle est en amour ma constance.
BONIFACE
Il en a tout au long du bras.
CONSTANTE
Pardonnez moy mon seul soûlas ,
« L'amour est tousjours soubçonneux. »
c'est l'ordinaire entre amoureux, Qui faict que la foy se renforce :
a Car c'est d'amour subfile amorse « Que les débats de deux amans. »
^5o JACQUES GREVIN.
LE PROTENO TAIRE.
La mort puisse mes jeunes ans Plustost retrancher en ma fleur, Que je soy jamais serviteur D'une autre dame que de vous.
Jamais l'amour ne me soit doux, Si par mon infidélité Je sers à une autre beauté.
Plustost me laisse tout amy, Et plustost me soit ennemi L'aspect de mon astre fatal.
BONIFÀGE.
U est au plus fort de son mal.
« U n'y a rien dessoubz les cieux « Ou pire , ou plus audacieux. »
CONSTANTE
Aussi vous sçavez, monseigneur, Que mon corps et tout mon honneur Vous fut abandonné par moy Sur l'asseurance de la foy, Comme seul digne d'estre aimé.
LE PROTENOTAIRE.
Aussi tousjours ay-je estimé Mon heur favorisé des dieux , Comme celuy seul sous les cieux Qui est heureux en ses amours.
BONIFACE
c'est la coustume; on voit tousjours Ces jeunes gens à marier Devenir fols.
''' ■tj
JACQUES GREVIN. a5l
LE PROTENOTAIRE.
Le Trésorier A-il desja gaigné le hault ?
CONSTANTE
Non pas encore ; mais il fault Entrer céans , et vous cacher :
Encor fault-il se dépescher ; Car il n'est pas loing.
liE PROTENOTAIRE.
Mais comment, S'il demouroit plus longuement?
CONSTANTE
Il est sur le poinct de partir.
