LOYS, RICHARD

LO YS

Amour premier de nostre vie Inventa la bourellerie , Et cruauté, comme je croy :

Car assez en moy j'apperçoy Combien sa rage est redoutable, Moy qui suis le plus misérable Qui soit en ce monde vivant.

Je suis ébranlé comme au vent, Je suis espoind et tormenté , Demi-mort, rompu, transporté.

Tourné dans la roue d'amour :

En mon esprit ne fait séjour Aucun repos ; je suis ja las ; Là je suis où je ne suis pas ; Mon esprit n'est là où je suis; Je veux cela que je ne puis :

"Vivant et mourant je demeure; Ce qui me plaist en la mesme heure, Me tourne en mescontentement.

Tant desja l'amoureux torment S'est acquis sur moy de puissance :

Il me met en routte , il m'élance ,

Il désire, il ravit , il tient;

Ce qu'il me donne , il le retient :

Il me faict à l'instant deffaire

Ce que luy mesme m'a faict faire ,

Et l'œuvre faicte à sa poursuitte

Est tout incontinent destruitte.

Et encor' avec ces malheurs ,

Ce seul poinct cy faict que je meurs.

RICHARD

Monsieur.

Ce peult-il faire,

Que ce gentil Protenotaire Soit jouissant de mon mérite ?

RICHARD

Je vous ay l'affaire descrite , Hors mis le sault tant seulement.

N'est-ce donc pas assez ?

LOYS

Comment ?

RICHARD

Demandez vous comment j'ay sceu Ce beau chef-d'œuvre ? je l'ay veu De mes deux yeux : et d'avantage, J'ay entendu tout leur langage , Et la conduitte de l'affaire.

Mais qui est ce Protenotaire?

Le pourras tu bien recognoistre ?

Ha ! je voy bien que c'est ; mon maistre Ne croira Dieu que sur bon gage.

liOYS.

Je perds le sens et le courage , Tant ce dur rapport me tormente.

Qui eust pensé que ma Constante M'eust voulu faillir en amour, Et me faire un si lasche tour?

Encore ne le puis-je croire.

As-tu veu ce Protenotaire Entrer dedans ?

RICHARD

0"y?jfi lay veu.

LOYS

As-tu veu qu'elle l'a receu ?

RICHARD

J'ay veu mesme qu'ell' le baisoit , Et le flatant le courtisoit.

LOYS

Tout cela n'est que courtoisie; Je ne pren point de fantasie Pour un baiser : car maintenant Gela se fait honnestement.

RICHARD

Mais quand avecque ce baiser On adjouste le deviser, Qui monstre assez l'affection De l'amoureuse passion , Je crois qu'il ne fault plus de doute, v. 17

LOYS

Est-ce ainsi donc qu'ell' me redoute ?

Seray-je donc si peu prisé ?

RICHARD

Elle vous a dévalisé.

LOYS

Encore ne le croy-je point.

Raconte moy de poinct en poinct Comment le tout s'est démené. •

RICHARD

J'estois en un lieu détourné Où j'ay entendu tout TafTaire.

liOYS.

Je suis donc contrainct de le croire : Tu ne voudrois estre menteur.

RICHARD

Je n'en suis que le serviteur ; Et pour le devoir de service, Je fais au moins mal mon office Qu'il m'est possible. Au demeurant, Tousjours véritable, espérant Faire tousjours de mieux eti mieux.

LOYS

L'eau 5 la terre , l'air et les deux , Et mille autres fureurs esprises , Contrarient mes entreprises.

Mais je veux monstrer combien peult Mon ire depuis qu'ell' s'esmeut.

« Celuy qui vouldra s'empescher,

JACQUES GREVIN. aSg

« Qu'il entreprenne estre nocher, « Pour dessus la grand' mer conduire « Par son conseil une navire a Et une femme : car au monde , « Il n'y a rien qui plus abonde « En toutes affaires nouvelles « Que les nefs et les damoiselles. »

Et pourtant si mon maistre est sage , Qu'il ne s'en fasche d'avantage.

Puis j'ay entendu bien souvent , Que d'une femme le devant Ressemble ceste lampe ardante Qui est dans l'église pendante , A fin d'alumer les chandelles De tout' les offrandes nouvelles :

Elle en alume infinité Sans perdre rien de sa clarté :

Aussi la femme a beau changer Un familier à Testranger, L'estranger au premier venu, Tousjours son cas est maintenu En son entier, si d'aventure Elle n'y mesle quelque ordure.

Et si , dit-on communément , Qu'après le doux esbatement Du jeu d'amour, il n'y pert plus, Le tablier rabaissé dessus.

iî

■lA -■■•'■

a6o JACQUES GREVIN.