A NOSTRE DAME
A toy, royne de hault garage , Dame du Ciel et de la terre, Me vien complaindre de l'outrage De Vennemy qui me fait guerre.
Mon poure cuer au corps me serre :
Helas! Dame, secoures moy, Quar ie ne say ou confort guerre, Vierge , se ie ne l'ay de toy.
De toy nous vient toute bonté , Très doulce dame gracieuse.
S' aucun péché m'a surmonté , Vueilles moy estre gracieuse.
La mort qui est si très hideuse Me vient haper, ie ne say Veure, M'ame en est si angoisseuse , Que de paour chascun iour pleure.
Pleurer me fault mes grans mes fais , Quar i'ay vescu toute ma vie En péché par ditz et par fais, Helas f Dame , ie te supplie,
XVllJ
Prie ton filz, le fruit de vie, Que tu alaytas doulcement, Qu'il luy plaise par courtoysie A moy pardoner humblement.
Humblement te fay prière, Mère de nostre redemptour^ Que ta bénigne grâce acquière, En perseuerant en t amour.
Tu es le chastel et la tour Ou les pécheurs se mènent rendre.
Si te suppli, oy me d'amour Et a mon fait vueilles entendre.
Atten a moyy très sainte vierge, Qui portas le doulz Ihesus, De qui tu fus mère et concierge , Cyerge, lumière sans refus.
Oncques refusante tu ne fus Vers les pécheurs 7 vierge pucelle.
Celle tu es de plus en plus, Plus doulce, gracieuse et belle.
XVIIÏJ
Belle sans per et sans nul si , Plus doulce fleur que n'est la rose , Met mon ame hors de souzi Que de tous péchés est enclose, Tant que a ton filz parler ie n'oze, Pour les grans péchés ou ie suy.
Si te suppli sur toute chose, Pries luy qu'il ait de moy mercy.
Mercy requier a iointes mains
A toy, trésorier e de grâce ,
Fay que mes maulx soient estains ,
Et que ton filz pardon me face,
Quar l'ennemy o luy me lasce ,
Se par ta grâce nyay secour,
Et d'aultre part la mort me chasce ,
Par quoy ie vifz en grant tristour.
Tristour me fait plus noir que meure , Dame plaine de cour toy sie,
Quar orgueil si m'a couru sure, Et le péché d'ire et oVenuie.
Luxure ausy et gloutonie, Auecque auarice et paresse, Auront sur moy leur seigneurie, Se o moy ta grâce ne s'adresce.
Dresce mon cueur, ie te requier, En la uertu d'umilité; Charité ausy que requier Me soit donnée par pitié, Bonne abstinance, chasteté, Avecque largesce et pacience.
Soufflsance par ta bonté Me soit donnée et diligence.
Diligence m'est nécessaire.
Mère Dieu, fay donc que ie l'aye , Tant que a ton filz ie puisse plaire En quelconque lieu que ie soye.
l'ay prins de touz péchés la uoye , Se par toy n'ay miséricorde,
xxj
Tant que de Dieu ie me deuoye , Se o moy ta grâce ne s'acorde.
Acorde donc ma pouure ame A Ihesu crist le roy des cieulx , Et te suppli , très chiere Dame , .
Prie luy qu'il me soit gracieux, Et que son saint corps précieux Dignement puisse recepuoir, Tant que au royaume délicieux le puisse paradis auoir.
Auoir ne pourray aduocat Quant vandra au point de la mort ; Si toy, Dame, n'y metz débat, le suy en péril d'auoir tort.
Si suy en si grant desconfort Que ie ne say que deuenir ; Si par toy ne suy a bon port En grant dangier me fault tenir.
