MATHURIN REGNIER

Elégie (p. 14).

Celuy qui pour aimer trouve le mourir doux

Vous donne le salut qu'il espère de vous,

Encor que la douleur l'aist rendu si débile

Que tout humain secours luy soit or inutile ;

Mais comme le malheur l'outrage de tout poinct

Il le fait espérer où l'on ne le doict point

Afin qu'il ny aist peme icy bas réservée

Qu'il n'aist pour vos beaux yeux en mourant esprouvée.

Et que par l'espérance allaictant son tourment

Ce qui le deust ayder l'affligeast doublement.

Or si vous escrivant le respect j'outrepasse

L'amour et vos beautez en excusent l'audace

Qui m'ostant tout discours et de mal et de bien

Faict que contre le Ciel la raison ne peult rien.

Et bien qu'à mes amours le désir ne succède,

Il m'est au moings permis de chercher du remède.

Et dois bien pour confort à si triste langueur

Perdre encore des vers où j'ay perdu mon cœur.

Puis il m'est impossible au mal qui me commande

Qu'outragé de tout poinct des plaintes je ne rende.

Et qu'estant poursuivy du beau traict dont je meurs

Je n'exale avec l'âme encore des clameurs

Qui font foy de ma vie en douleurs consommée.

Non du regret que j'ay de vous avoir aymée,

Car las je n'en ay poinct, mais de voir qu'en mourant

Voz rigueurs par ma mort vous vont deshonorant.

En ces tristes pensers de regret je me pasme,

POÉSIES INEDITES DK BERTHELOT, REGNIER ET SIGOGNES. 561

Voiant que si je meurs vous en aurez le blasme, Et en ce qu'à présent je vous vay escrivant Je tasche de rester plus longuement vivant. Et retenir mon âme en vostre object ravie Qui vous auroit desjà comme une ombre suivye ; Car si des yeux du cœur sans fin je ne vous voy L'ingratte me délaisse et s'envolle de moy, Afin qu'en prolongeant ma mort toute certaine Moings malade on méjuge et vous moings inhumaine, Et de taire le bruict que l'on feroit courir Si pour vous aymer trop vous me faisiez mourir. Dieu qu'il faull que mon mal soit d'une estrange sorte Puis que hors du debvoir folement il m'emporte, Et que je sois navré bien rigoureusement Quand l'extresme douleur m'oste le jugement. On dict vray, la raison n'est royne de nostre âme Que durant les effortz d'une débile flame, Mais ces feuz dont Amour va mon cœur eschautïant , Pour ny perdre l'esprit ne sont point jeuz d'enfant. J'ay tasché sur le poinct que naissoit mon martire De le peindre en mes vers et de le vous escrire ; Mais avant, trop craintif, jamais je ne l'ay sceu. Ou bien si je l'ay faict je l'ay mis dans le feu. Jugez donc à présent mon amour violente Qui de se descouvrir ores ne s'espouvante, Et se purgeant devotte aux rayons de vos yeux Espère que la foy la mettra dans les Cieux. D'oià ma crainte naissoit provient mon asseurance, Car voiant que du Ciel vous avez pris naissance Vous serez plus facile, estant d'un lieu si hault, Belle et saincte Déesse à couvrir mon defîault, Et vous-mesmes excusant mon vol trop téméraire Vous direz, vous aimant, que je le devois faire ; Que d'adorer les Dieux ce n'est leur faire tort Et que le bien aymer ne mérite la mort, £t que plus en amour une entreprise est haulte L'honneur de la poursuivre en excuse la faulte ; Joinct que persécuté pour ma vive amitié Je crois qu'un cœur gentil s'esmeult à la pitié, Et qu'une âme bien née à la douleur aspire, Car l'on croist volontiers un bien que l'on désire. Aussi divin suject de mes gemissemens Qu'est-ce qu'en leurs amours n'espèrent les amans ? -Je dis pour reconfort à ma peine cruelle : l,e Ciel pour mon malheur ne la fist point si belle,

56iî POÉSIES INÉDITES DE BKRTHELOT, REGNIER ET SIGOGNES.

Et son œil tout divin, mon céleste flambeau,

Ne peult qu'il ne soit doux et puis il est si beau.

Voilà comme d'Amour l'indomtable malice

Faict qu'en un tel malheur l'espoir m'est un supplice

Qui trompant mon désir l'apaste et le repaist

D'un bien qui par le temps me tourmente et me plaist.

Croire que de l'absence aucun bien ne succède,

Aux communes amours c'est un commun remède,

Puis je vous voy tousjours et veillant et dormant,

Vostre idée à mes yeux se monstre incessamment :

Si j'escris, j'estudie, ou bien si je compose.

Autre object en l'esprict Amour ne me propose.

Et par l'imaginer d'un pensement si doux

Vous estes tout en moy et je suis tout en vous.

Incessamment présent à vostre image sainte

Ainsi qu'on faict aux Dieux je lui dresse ma plainte.

Je luy conte mon mal, je luy dis mes douleurs.

Comme pour vostre amour en jeunesse je meurs.

Mais beauté trop cruelle aux tourmens que j'endure,

De penser ou d'efîect tousjours vous m'estes dure,

Et ne vous puis former en l'esprit vous parlant

Douce ny pitoiable à mon mal violent.

Aussi dedans ces pleurs où mon penser me noyé

Dieu sçaict comme le temps et les heures j 'employé :

D'ennuys comme de joye en extase ravy

Mes sanglots seulement tesmoignent que je vy.

Mes amis me voiant si troublé de visage

Que je ne parle plus, que je suis tout sauvage.

Que dans des lieux desers je m'esgare en resvant,

Que j'ay l'œil enfoncé et la cervelle au vent,

Pensif, mélancolicque, affreux et solitaire,

Et que je ne sçay plus que dire ny que faire.

Inquiété, incertain, de moy-mesme estrangé.

Me disent : qu'avez-vous, que vous estes changé ?

Mais moy qui n'ay l'esprict qu'en vous ma chère image.

Amour de leur parler me desrobe l'usage.

Je passe comme un fou et leur laisse à penser

Quel est le mal cruel qui me peult ofîenser.

Chacun en ce jour où le debvoir m'exile

Trouve à sa passion quelque remède utile,

Un chacun se contente et donne à son désir

Tout ce qu'en passe-temps invente le plaisir :

L'un joue, l'autre saute, et l'autre en un boccage

Surprend d'un art trompeur quelque animal sauvage^

L'autre dompte un cheval et en mile façons

POESIES INÉDITES DE BERTHELOT, REGNIER ET SIGOGNES. 568

De trot et de galot luy donne des leçons ;

L'un lutte et l'autre danse et l'aultre moings chanipestre

Se tenant plus suject fait la cour à son maistre ;

Mais moy suject d'ailleurs je passe tout le jour

Amant infortuné comme il plaist à l'Amour,

Et maudissant du Ciel l'outrageuse injustice,

Crier, plaindre et pleurer est tout mon exercice.

Et ne fais, o malheur, en ce tourment amer,

Et de jour et de nuict autre chose qu'aimer.

Or donc estant reduict à si grande misère.

Amour, cruel enfant, que veux-tu que j'espère ?

Attens-tu que je serve en ces maux vehemens

D'esbat à l'espérance et d'exemple aux amantz !

Non, si je dois attendre aucune ayde à ma peine

Il la fault espérer par ma mort s'a prochaine.

Et croire que l'Arnour voulant rescompenser

Mon mal, à ce suject attache mon penser.

Afin que s'oposant le Ciel à ma constance

Je receusse à ma fin assez de rescompence.

Et mourant glorieux par un si doux efl^ort

Une si belle plaie éternisast ma mort.

C'est ce qu'il fault penser de ma vaine poursuitte

Et où pour bien aymer ma fortune est réduicte.

Car d'attendre autre chose il n'apartient qu'aux Dieux

D'espérer en servant des faveurs de voz yeux.

Et puis je suis si faible en si grande misère

Que mesme de m'ayder le Ciel ne le peult faire ;

Amour et ma douleur m'ont percé si avant

Qu'aucun désir de vie en moy n'est plus vivant.

Une froideur de mort me palist le visage.

Mes yeux demi-sillez se couvrent d'un nuage,

Et mon cœur haletant en ces derniers eff'ortz

Forme à peine ces cris que je pousse dehors ;

Mes yeux premiers sujetz et motifs de ma perte

Et ma bouche qui fust aux plaintes si ouverte.

N'ont larmes ny souspirs que je puisse tirer

Si ce n'est ce dernier que je vay souspirer :

Mon sang en eau changé dans mes veines se gelie,

Mes esprictz sont troublez, tout le corps me chancelle,

<lhose estrange, et mon mal m'assouspist à tel poincl

Que je me voy mourir, et si ne le sens poinct.

Si vous voulez qu'en vie encor on me conserve

£e miracle à vous-mesme icy bas je réserve ;

> ous seule me pouvez empescher de mourir,

\ ous estes le démon qui me peult secourir,

POESIES INEDITES DE BERTHEI-OT, REGNIER KT SIGOGNES.

Qui donnez la santé après l'avoir ravie,

Aussi bien qu'à ma mort présidant à ma vie.

Aussi nulle autre sainte il me fault réclamer

Et si ce mal cruel me vient pour vous aymer,

11 fault que du suject ma guérison procède.

Mais c'est trop discourir d'un tourment sans remède,

Or mourant donc pour vous je ne me fasche pas

Que vostrs œil, mon doux mal, m'ait donné le trespas,

Car je tiens à faveur, o ma belle adversaire,

De ce qu'il m'a blessé et qui l'ait daigné faire ;

Mais je me plains du Ciel qui de moy ne se chault,

Et qui mist mon salut en un suject si hault,

Que je ne peux tant faire et pour dire et pour plaindre

Que la flesche d'amour y peult jamais atteindre.

Puis donc que tout espoir est esloigné de moy.

Mourant comme martire en l'amoureuse foy,

J'ay ce seul réconfort en ma mort enflammée

Que femme ne fut onc si dignement aimée,

Et que jamais mortel amoureux devenu

Ne fust si malheureux ny si mal recongnu,

Mais afin que ce siècle à mon bien infldelle

Ne vous taxe à jamais d'avoir esté cruelle,

Contraignez vostre humeur et lisez par pitié

Ces vers tesmoings derniers de ma ferme amitié,

Puisqu'il ne plaist au Ciel qu'autre grâce j'attende

Pour digne rescompence à ma peine si grande :

Passant d'un jeune amant icy gisent les os

Dont le dernier souspir fut le premier repos,

Combattu du malheur enfin il rendist l'âme

Au sort plus obligé qu'il ne fust à sa dame.

Imitation d'Apulée (p.

Si à mon amour esperdue

La jouissance est deffendue,

En un supplice si amer

Qu'il soit au moings permis d'aimer.

Le bien d'autruy ne me tourmente.

Qu'un autre en amour se contente.

Enivré d'un plaisir si doux, Je n'en suis fasché ny jaloux.

Ceux qu'amour d'un bon œil advise Contens jouissent de leur prise, Quant à moy perclus au plaisir Sans l'effect j'en ay le désir.

M. Renier.

Que dessus leurs lèvres pourprettes Les Amours, ainsy comme avettes.

S'aillent l'un à l'autre effleurant L'âme en douceur s'esvaporant.

Qu'eschauffez de pareilles flammes.

Par leurs baisers meslant leurs âmes, Ils puissent nager à soushait Dans un lac de sucre et de laict.

Que sur une couche de roses, Les paupières demy escloses, Hz reposent en roesme temps Leurs esprictz lassés et contens.

l'Ol^SIES INÉDITES DE BERTHELOT, REGNIER ET SIGOGNE«.

Mais non, plustost sans qu'ils se lassent, Languissans d'amour qu'ilz s'enlassent, Kt qu'en ces plaisirs infinis A jamais ilz restent unis.

Oue leurs amoureuses blandices Inventent nouvelles délices, Et que féconds en leurs désirs Les plaisirs naissent de^plaisirs.

Or comme les choses se passent Souspirans d'amour qu'ilz trespassent, Et qu'en ces souspirs languissans Hz perdent la vie et les sens.

Que leurs espritz collez ensemble, Sans que la mort les desassemble.

Puissent vivant en leurs esbatz Se baiser encore là- bas.

Le bien d'autruy ne me tourmente.

Qu'un autre en amour se contente Enivré d'un plaisir si doux, Je n'en suis fasché ny jaloux.

Si donc à ma flame esperdue La jouissance est detîendue, En un supplice si amer Qu'il soit au moings permis d'aymer.