Triple

J'ai coumencié ma matire Sur cest siècle qu'a dès 1 empire, Où refroidier voi charité ; Ausis s'en vont sans avoir mire Là où li Diables les tire Qui Dieu en a desérité.

Par maint samblant, par mainte guisse Font cil qui n'ont ouvraingne aprise Par qu'il puissent avoir chevance :

Li un vestent 2 coutelle grise, Et li autre vont sans chemise, Si font savoir lor pénitance.

Li autre par fauce samblance Sont signeur de Paris en France, Si ont jà la cité pourprise.

Diex gart Paris de meschéance, Et la gart de fauce créance, Qu'ele n'a garde d'estre prise.

Li Barré 3 sont près des Béguines 4, IX. xx. en ont à lor voisines, Ne lor faut que passer la porte, Que par auctorités divines, Par essamples et par doctrines