RUTEBEUF

Du siècle vueil chanter Que je voi enchanter; Tels vens porra venter Qu'il n'ira mie ainsi.

Papelart et Béguin Ont le siècle honi.

Tant d'Ordres avons jà:

Ne sai qui les sonja,

i . Cette pièce a été publiée par Barbazan et Méon, Fabliaux et Contes, t. II, p. 299; par A. Jubinal, Œuvres de Rutebeuf, t. 1, p. 170, etc. — Le manuscrit est conservé à la Bibliothèque nationale, fonds français, n° 837, f° 3l4-

Ainz Diex tels genz non i a, N'il ne sont si ami.

Papelart et Béguin Ont le siècle honi.

Frère Predicator Sont de molt simple ator, Et s'ont en lor destor Mainte bon Parisi.

Papelart et Béguin Ont le siècle honi.

Et li Frère-menu Nous ont si près tenu, Que il ont retenu De l'avoir autressi.

Papelart et Béguin Ont le siècle honi.

Qui ces IJ n'obéist, Et qui ne lor gehist Quanqu'il onques féist, Tels bougres ne nasqui.

Papelart et Béguin Ont le siècle honi.

Assez dient de bien, Ne sai s'il en font rien; Qui lor done du sien, Tel preudomme ne vi.

Papelart et Béguin Ont le siècle honi.

Cil de la Trinité Ont grant fraternité, Bien se sont aquité, D'asnes ont fet roncin K Papelart et Béguin Ont le siècle honi.

Et li frère Barré 9 Resont cras et quarré, Ne sont pas enserré, Je les vi mercredi.

Papelart et Béguin Ont le siècle honi.

Nostre frère Sachier 3 Ont luminon fet chier; Chascuns samble vachier Qui ist de son mesni.

Papelart et Béguin Ont le siècle honi.

Set vins filles ou plus A li Rois en reclus 4,