L'y contraint

Et qui penssent de lor preu fère 1 ;

Que jà ne fineront de brère 2

Parmi Paris jusqu'à la nuit.

Ne cuidiez vous qu'il lor anuit 3,

Que jà ne seront à séjor4.

Oiez c'on crie au point du jor :

Seignor, quar vous alez baingnier

Et estuver sanz délaier 5,

Li baing sont chaut, c'est sanz mentir.

Puis après orrez retentir

De cels qui les frès harens crient.

Or au vivet 6 li autre dient.

Sor et blanc harenc frès poudré 7,

Harenc nostre vendre voudré.

Menuise 8 vive orrez crier,

Et puis alètes de la mer 9.

Oisons, pijons, et char salée,

Char fresche moult bien conraée 10,

Et de Faillie 11 à grant plenté n.