Jonc frais et très-long

Or ça à la longue denrée.

Noël, Noël, à moult granz cris,

J'ai raïs de l'archaut, raïs *.

Cil qui crie, biau se déporte :

Qui vent le viez fer, si l'aporte 2.

Li autres dit autres noveles :

Qui vent viez pos, et viez paieles? 3

Li autres crie à grant friçon * :

Qui a mantel ne peliçon 5,

Si le m'aport à rafetier 6.

Li autres crie son mestier.

Chandoile de coton, chandoile,

Qui plus art cler que mile estoile.

Aucune foiz, ce m'est avis,

Crie-on le ban le roi Loys 7.

Si crie l'en en plusors leus 8

Le bon vin fort à xxxii,

A xvj, à xij, à vj, à viij 9;

Moult mainent criéor grant bruit 10.