Nouvelles archives de Vart français, t. I (1872), p

chapelle de la Trinité, — et bien à tort attribuée par divers auteurs1 à Germain Pilon, décédé depuis longtemps, — elle ne se rapporte malheureusement qu’à la partie basse et à l’ensemble de la décoration inférieure. Le pourtour des fenêtres du premier étage ne comporte du reste aucune sculpture, bien que certainement l’auteur du plan primitif eût dû en concevoir. Et nous en sommes encore réduits aux conjectures tant au sujet des sculptures de la voûte, merveilleusement harmonieuse, que pour les anges en bronze d’une facture si noble qui dominent les quatre colonnes de l’autel, et également contemporains.

Devis des ouvrages de sculpture de piastre que Sa Majesté veult et entend faire faire pour seize pilles qui seront faictes au pourtour et costéz de la grande chappelle du chasteau de Fontainebleau, pour Faornement et décoration d’icelles, dont la première desdictes pilles sera faicte ainsy qu’il est cy après déclaré :

Premièrement, la première desdictes pilles sera revestue par la face de devant de deux architraves d’un pied de large, contenant de hault en bas de la dicte pille deux thoises et demyes de hault ou environ, et d’une thoise de large entre lesdictz architraves, une ovale avecq plusieurs moullures convenables, qui aura de hault sept piedz, de large quatre piedz et demy, sur laquelle ovalle sera posé par les costéz deux petites car-

i . Notamment par R. Pfnor, Guide artistique et historique au palais de Fontainebleau (1889), p. 20 : « Germain Pilon en fît toutes les sculptures. »

touches et deux coquilles, qui serviront d’ornement à ladicte ovalle, et au-dessus et au dessoubz de ladicte ovalle se pose un compartiment faict de plusieurs mullures, dans lequel compartiment sera posé quatre rozes, et au-dessus et au dessoubz dudit compartiment sera posé deux testes d’anges avecq petitz festons à roulleaux qui serviront d’ornement ausdictes testes; et au-dessus et au-dessoubz dudit compartiment sera posé deux tables avecq leurs moullures.

Plus sera posé au bas de ladicte pille deux roulleaux, sur Iesquelz sera posé deux petits enfans tenans en leur main une couronne et un chiffres, et des autres mains deux sceptres.

Plus sera posé une teste de chérubin ornée de roulleaux et d’un grand feston pendant avecq deux autres petits des deux costéz de la dicte teste qui se pose entre les croisées, et le tout par la face de devant.

Plus sera revestu les espaisseurs des pilles d’entre les croisées de plusieurs compartimens avecq leurs moullures.

Touttes lesquelles ouvrages ont esté faictes et parachevées à la première desdictes seize pilles par Me Barthélemy Tremblet , sculpteur de Sa Majesté, ainsy qui luy a esté monstré et figuré par le sieur Fréminet, premier peintre ordinaire de Sa Majesté, conducteur desdits ouvrages suivant son desseing.

Et pour cest effect l’entrepreneur sera tenu faire et parfaire les quinze autres pilles qui reste à faire semblables et de mesmes ordonnances, manière, fasson, estoffes et mathéreaulx que celles cy dessus déclarées par le menu, le tout au désir et contentement dudit sieur Fréminet; et sera tenu aussy de fournir de bon piastre, crampons de fer et autres estoffes et mathéreaux, peine d’ouvriers, pour la perfection desdictes seize pilles, et rendre lesdits ouvrages bien et deuement faictes et parfaictes, comme dict est, au désir dudit sieur Fréminet, dedans le plus brief temps que faire se pourra sans discontinuation, à la charge toutesfois que lesdictz entrepreneurs seront tenuz jetter en piastre tout premièrement les pilles et enduictz d’icelles desdites quinze pilles qui restent dans trois mois prochains, affin que ledict sieur Fréminet puisse ensuivre son intention.

Et pour le regard des eschaffaux, l’entrepreneur s’aydera et servira de ceux qui sont en ladicte chappelle, et sy manque desdits eschaffaux, ledit sieur Fréminet en fera fournir par Sa Majesté audit Tremblet. Plus et outre ledict entrepreneur sera tenu de crespir et enduire de bon piastre une arcadde estant au bout desdits pillastres attenant les peintures de Nonciades1, affïn de la pouvoir enrichir sur ledit piastre. Faisant touttes lesquelles ouvrages cy-dessus sera payé audit entrepreneur, pour chacune pille ornée et enrichie, comme dict est, la somme de cent cinquante livres, compris celle qui est jà faicte, qui sera comptée au mesme prix; et en ce faisant ne sera payée aucune chose audit entrepreneur du crespy et enduict de ladicte arcadde cy devant déclarée, sinon que ladicte somme de deux mil quatre cens livres pour lesdictes seize pilles.

Par devant Allain Langloix, notaire royal héréditaire à Fontainebleau, fut présent en sa personne Berthélemy Tremblet , me sculpteur de Sa Majesté, estant de présent en ce lieu de Fontainebleau, lequel a faict marché au Roy nostre Sire, ce acceptant par noble homme Sébastien Zametz, gentilhomme ordinaire de la chambre du Roy, superintendant et ordonnateur des Bastimens du chasteau de Fontainebleau, en la présence de Jean de Donon, conseiller du Roy et controlleur général de ses bastimens; c’est assavoir que ledit Tremblet a promis et sera tenu faire à neuf les ouvrages de sculptures de piastre de seize pilles accompagnées et enrichies de plusieurs moullures, architraves, compartimens, testes d’anges, chérubins, avecq autres ornemens mentionnéz par le menu aux articles des devis cy-dessus déclaré, dont l’une desquelles seize pilles a esté jà faicte et parachevée entièrement par ledit Tremblet, ainsy qu’il luy a esté monstré et figuré par le sieur Fréminet, premier peintre ordinaire de Sa Majesté, conducteur desdits ouvrages, suivant son desâeing, lequel icelluy Fréminet à ce

i. Il s’agit de la peinture de Fréminet, Y Annonciation de la Vierge , grande composition dans un compartiment de la voûte placé, au-dessus du maître-autel.

présent a eu pour agréable icelle pille, et pour le reste qui sont quinze pilles, sera tenu les rendre faictes et parfaictes ainsy que celle qui est faicte à présent, de mesme ordonnance, manière, fasson, estoffes et mathéreaux, comme dict est par ledict devis, au désir et contentement dudit sieur Fréminet, à la charge de fournir par ledit Tremblet de bon piastre, crampons et fers, autres estoffes et mathéreaulx à ce nécessaires, peyne d’ouvriers, pour la perfection desditz seize pilles et rendre lesdits ouvrages bien et deuement faictes et parfaictes, comme dict est, au dire dudit sieur Fréminet, dedans le plus brief temps que faire se pourra, sans discontinuation, à la charge toutesfois que ledit Tremblet sera tenu de sertir en piastre les pilles et enduicts desdites quinze pilles qui restent dans trois mois prochains, affin que ledict sieur Fréminet puisse en suivre son intention ; pour faire lesquelles ouvrages ledict Tremblet s’aydera et servira des eschaffaux qui sont en ladicte grande chappelle, et sy ne peuvent suffire, ledict sieur Fréminet en fera faire fournir par ledit sieur Zametz audit nom de stipullant pour Sadicte Majesté : ce marché faict ausdictes charges et pour et moyennant le pris et somme de deux mil quatre cens livres, qui est pour chascune pille enrichye comme dessus la somme de cent cinquante livres, en ce compris l’une desdictes pilles qui est à présent faicte; et en ce faisant et moyennant ladicte somme de deux mil quatre cens livres ledit Tremblet sera tenu de crespir et enduire de bon piastre une arcadde estant au bout desdits pillastres attenant les peintures de la Nonciade, affin de la pouvoir enrichir sur ledit piastre, sans que pour ce il y soit compté ny payé aucune chose que icelle somme de deux mil quatre cens livres qui lui seront payéz par le sieur trésorier des bastimens du Roy, scavoir présentement six cens livres pour avoir plus de moyen d’advencer lesdits ouvrages, et le reste au fur et ainsy qu’il travaillera ausdits ouvrages; car ainsy a esté accordé; promettant, obligeant corps et biens comme pour les propres deniers et affaires du Roy, renonceant, etc. Faict et passé audit Fontainebleau, le septiesme jour d’octobre mil six cens treize, ès présences de Louis Cauchois et François Brossard, clercs tes-

moings, qui ont signé à la minutte des présentes avecq lesdictes partyes, et ledict notaire suivant l’ordonnance.

Signé : Langlois,

Par devant Claude Letellier, notaire roial héréditaire à Fontainebleau, est comparu en personne Germain Gissey , me sculteur à Paris, y demeurant rue des Yielz Augustins1, parroisse Sainct Ustache, estant de présent en ce lieu de Fontainebleau, lequel, comme gendre et héritier de deffunct Berthelemy Tremblet, vivant me sculteur ordinaire du Roy; et après avoir ouy la lecture du devis et marché dont copies sont cy dessus transcriptes et par moy notaire soubz collationnées, a promis et promectau Roy nostreSire, ce acceptant haulte et puissante dame Jehanne de Rouillac, veufve de feu Messire Jehan Zamet, ayant la charge et surintendance générale des bastimens du chasteau de Fontainebleau, et noble homme Jehan Donon, conseiller de Sa Majesté et controlleur général de ses bastimens, de continuer, faire et parachever bien et deuement les ouvraiges de scultures de piastre à Fontainebleau mentionnés et déclarés dans le devis et marché suivant et au désir d’icelluy ; par lequel marché appert ledit feu Tremblet estre obligé faire lesdits ouvraiges moyennant la somme de deux mil quatre cens livres, sur lesquelz il auroit par devant receu dix-huit cens livres; et ne reste du pris d’icelluy que la somme de six cens livres que ladicte dame et le sieur Donon audict nom ont promis faire payer audict Gissey par le sieur trésorier général des bastimens de Sa Majesté au fur et à mesure qu’il advanceralesdits ouvraiges, ausquelz icelluy Gissey s’est obligé travailler journellement sans discontinuer jusque en fin de perfection, et le tout suivant et conformément audict marché, clauses et conditions y contenues; promettant, obligeant de mesme ledit Gissey corps et

i . Sans doute dans la même maison que son beau-père.

biens comme pour les propres affaires du Roy, renonceant, etc. Faictet passé audict Fontainebleau, en la salle de la conciergerie dudit chasteau, où est logée ladicte dame Zamet, l’an mil six cens vingt neuf, le vingt trois jour de septembre, avant midi, en présence de Augustin Letellier et Robert Sermagnac, clercs tesmoings, qui ont signé avec lesdits sieurs, et ont scellé et controllé suivant les ordres du Roy.

J ANNE DE RoiLHAC.

De Donon.

Letellier, notaire roial.

Gissey.

A. Letellier.

Sermaignac.

Fontainebleau. — Maurice Bourges, imp. brevete

T.w»^wÇ£.^.k«i . - *'