LE MÊME AUX MÊMES

(2 avril 1570.)

Messieurs, depuys mes aultres lettres escriptes, le gentilhomme de vostre cognoissance, porteur des vostreset des miennes, a long temps parlé à moy touchant nostre affaire et la vostre et luy ay rendu telle raison que, comme je luy ay satisfaict, aussy j'espère qu'il le fera en mon nom vers vous , l'ayant prié de vous en fairo le rapport et discours pour ce que tout cela ne se peult pas bien escrire. La conclusion a esté par une mienne offre que toutes fois et quantes que aurés dressé et estably l'université promise par vostre contract en forme deue et conformément aux lettres de l'Empereur dont m'avés baillé copie, je laisseray plus tost toute chose que de faillir à y avoir la première lecture suyvant ledict contract. Mais cependant que la raison et vostre descharge requiert que mez

livres et meubles soyent renvoyez, afin mesme que ce qui concerne le service des princes et seigneurs dénommez par mes aultres leltres ne soit retardé, qui seroit un interest inflny et irréparable, et afin qu'il n'y ayt plus de difficulté, et pour le faire plus court, le porteur vous dira un expédient, c'est puys qu'il vous plaist me demander compte et relique des deniers des bourses, qu'il vous plaise envoyer icy un home pour ouyr le compte par devant tel arbitre que vouldrés, comme ce porteur eut desja faict, s'il eut eu charge de vous. Tant y a qu'il n'y aura aulcune difficulté de mon costé, et vous prie de rechief de tout ce que dessus, d'autant plus que le délay emporte un plus grand inconvénient. Et mesmes je suis venu de la cour icy pour entendre de voz nouvelles et vous envoyer des miennes, et n'attends que l'expédition de ce quedessus pour y retourner, comme je y suis attendu pour affaires de conséquence. Au reste, Messieurs, vous ad viserez en quoy ce pendant je vous pourray faire service, comme de ma part je vous asscure que m'y trouverez tousjours affectionné. Ce pendant en vous présentant de rechief mes humbles recommandations, je prie Dieu vous conserver. De Paris ce 11e d'avril.

Vostre serviteur,

Baldlin.