AU ROI D'ESPAGNE, RELATIVEMENT A LA DOTATION DE L'UNIVERSITÉ

DE DOLE

(BruxelW*. 7 juin 1571)

Sire, j'ay suyvant le commandement de vostre Majesté pourveu à l'augmentation du dot que V. M. a accordé aux universitez de Dole au conté de Bourgoigne et de Douay respectivement, aiant ordonné que Ton leur paye le revenu annuel sur les receptes des confiscations, tant que l'on ait moyen de les consigner en terres certaines, qui ne s'est peu faire si tost. Et alin que la distribution s'en face au plus grand bien desdites universitez, et au plus prés de l'in-* tenlion de V. M., et que d'ieyen avant l'on observe aussi meilleur ordre non seulement en cest endroict, mais aussi en beaucoup d'aultres choses qui ne s'est observé du passé, j'ay faict despescher deux actes par forme de provision sur Tordre que l'on debvra tenir et guarder esdites deux universitez respectivement, tant et jusques à ce que de par V. M. il y soit aultrement pourveu, desquels actes feray joindre copie à ceste, où V. M. le pourra voir s'il luy plaist particulièrement.

Ung point m'a-t-il semblé se debvoir résumer icy à l'endroict des quatre prébendes qui se réserveront à Dole au

proufflt des professeurs en théologie et droict canon mentionnez en l'acte de l'université de Dole, dont je supplie très humblement à vostre Majesté (si elle tient mon concept en cest endroict pour agréable) ordonner qu'il en soit tenu note au rolle des bénéfices estant à la collation de V. M. à cause de son droict de patronaige, afin que advenant que lesdits professeurs l'acceptent ainsi, l'on en puist après dresser ledespeschequi conviendra, en quoy, me semble, se doibt considérer que au lieu que souventes fois les places données par tour de rolle tombent sur gens peu qualifiez, les applicquant de ceste sorte, le collège en sera de plus honoré et mieulx gouverné et les professeurs plus facillement trouvables, puisque par ce moyen ils en seront de plus soulagez et auront meilleur moyen de s'entretenir honestement.