DUC DE PARME, AU PARLEMENT DE DOLE

(19 janvier 1582.)

Très chiers et bien amez, il y a jà fort bonne espace de temps que vous avons escript, aussy aux distributeurs de l’université de Dole, comme il estoit mal séant que ceste université, (principalement en ung trouble si général des

Pays-Bas par où l’université de Louvain estoit pour les empeschements de la guerre si petitement furnie d’escoliers) fut si longtemps sans estre pourveue des principal lecleuret professeurs en droit, dont la république souffroilsi grand interest, sur quoy n’avons eu response de vous et moings (comme entendons) s’est ensuyvy en ce quelque ordre ou remede. Et treuvans encores absens par années quelques autres professeurs, pourceste cause, voullans encecy l’ordre requis et ne laisser plus longuement perdre temps à la jeunesse studieuse, nous vous requérons et de la part de sa Majesté ordonnons que incontinent ceste venue ayez à appeler vers vous lesdits distributeurs et autres soit du magistrat de Dole ou autres, si besoing est, et qui soit requis, leur faictes lecture de ces présentes et teniez bonne main que devant six sepmaines de la date de cestes, toutes excuses cessantes, il soit à ce que dessus pourveu et la place du premier professeur remplie d’hornme bien ydoinesoufflsant et qualifié. Autrement vous déclairons que ledit temps expiré y pourvoyrons par envoy d’ung bon et docte professeur en droit, soit de l’université dudit Louvain, celle de Douay ou d’autre lieu, afin que plus grand tort ne soit faict aux estudians qui perdent le temps et par occasion que n’est bien pourveu aux lectures dudit Dole sont contrainctz allervers quelques autres lieux et demeures, contre le vouloir et intention de sa Majesté. De Tournay le xix* de janvier 1582.

Alexandre.

[Minute.)