CONCLUSION

Divers pointz , divers argumens , Divers eflectz et qualité , Diverses façons et moyens Nous mettent en perplexité. (2)

Aux deux gist contrariété Qu'à peine peult-on décider ; Aux deux gist ambiguïté Assez difficille à vuider.

Reste doncques à regarder Des Armes , des Dames aussi , Se leurs faictz peuvent concorder, Et lequel doibt estre choisy.

L'ung veult ainsi et l'aultre ainsi ; L'ung veult telle opération ; L'ung veult joye et l'aultre soucy :

Aux deux a diverse action.

Et s*on pouroit selon raison, (3) Veu d'ung et d'aultre les effectz ,

Cy commence le lonologne de la Boite de Foing.

Vous semble-il point que pour dancer, (1) Fluster, ou pour paroUes faintes, (2) Pigner , mirer , ou* s'agencer , Un homme se peult advancer A parvenir à ses attainctes ?

Vous semble-il que pour mignotis , Aubades, virades et tours.

Entre nous mignons fringantis , Plaisans , gorgias et faictifs , (3) Puissions joûyr de noz amours ? (4)

Est-il possible pour servir Reveille-matin ou aubade , La grâce s'amye desservir , Sequin sequet, sans mal sentir , (5) S'esbattre pour une passade?

Est-il possible d'avoir bruyt Pour bagues , gorgiasetez , (6) Bailler aux Dames le deduyt , (7) Fenne, comme ung sanglier en ruyt , A faire les joyeusetez ?

De francz courages et voulentez, (8) Soyez enclins et apprestez , Franc pour dire : qui est céans?

Baves, gallez, raillez, saillez; (1) Et puis on dira : telz et telz Ont grant accointance leans. (2)

Danceurs , mignons , fringans et gentz , Chasseurs, voUeiu^, tous telles gens, (3) Lng songe , ung bniyt , ung angelot Vous semble-il que ce ne soit riens?

Ha ! par le corps bien je m'en tiens De ceuL\-là ; mais n*en dictes mot.

Je suis tousjours gent et mignot , Sus mon cheval qui va le trot , Pour faire le sault cop à cop. (4) Je faictz moy cela à tous cop :

C'est ce qui me faict estre en grâce , Ung fin mignon , ung dorelot , Arrière satin , camelot , (5) Puis que le veloux vient en place :

Plustost passe , plustost râpasse.

Voulentiers je deisse se j'osasse ; Mais qu'on se tinst de cacqueter.

Quant je la voy , tant je parlasse ; (6) Mais, par le corps bieu , je m'en lasse. Car er ne me veult escouter.

Avez vous point veu cy entrer N'î^eres une godinette , Oui vient rire , esbatre , dancer ?

C/est une petite noyrette , Non pas noyrette , mais brunette, Une mignonne tant sadine , Une robe d'ung gris bien faicte , D'ung fm gris changeant, bonne mine , La belle pièce à la poictrîne Tissu cramoysi , large au tronc , (7)

Et du hault jusque au bondon Elle est aussi droicte que ung jon.

— Pardonnez moy , elle n'y est don ?

Je cuydoye qu'elle fust céans.

— Il y a je ne sçay quantz ans Qu'ilz furent mariez ensemble Elle et Monsieur. Mais il luy semble Estre tout pesant, tout remis ;

Il vous a les yeulx endormis ,

Rouges , et le corps tant maussade , (1)

Penchant devant, la couleur fade ,

Les jambes aussi menuettes

Comme fuseaulx , les joues retraictes :

11 est si tendre et si flouet

Qu'il semble , à le veoir bien souvent ,

Qu'il eust besoing d'ung coup de fouet

Pour le faire tirer avant.

Il va tousjours traine gainant

Sur son cheval emmy les rues.

Tout en songeant , le bec au vent ,

Sçavoir s'il verroit nulles gruôs.

Unes jambes tant mal fondues,

Grant chapperon et large cotte ,

Les espaulles aussi boussuês

Qu'il semble droictes moules à hoste;

Et si a la mine si sotte

Que quant il parle , qui vouldroit

Dire qui songe ou qui radotte , (2)

Je vous promets qu'on le croyroit. (8)

Et sçavez vous quoy ? qui le verroit

Sans sa longue robe fourrée ,

En pourpoint, on le jugeroit

Une droicte souche couppée.

Mais elle , poac ! c'est une fée ,

Ung bon petit corf^et bien prins ,

Qui faict aussi bien la saffée (1) Que femme qui soit au pays.

Tousjours ung tas de petit ris , Ung tas de petites sornettes , Tant de petitz charivaris, Tant de petites façonnettes , Petis gans , petites mainnettes , Petite bouche à barbeter ; Ba, ba, ba font ces godinettes (2) Quant elles veuUent cacqueter.

Elle m'a faict souvent monter A cheval , faire mes effors , Aller, chevaucher, tempester Et couru* à cry et à cors.

Ung jour je venoye de dehors , Sur mon hacquenet, tout housé :

Or estoys-je de son gent corps Desja surprins et abbusé ; Et de faict j'avoye proposé , Pour Tamour d'elle , d'estre fin , Mignon , gorgias , bien prisé Des Dames : là estoit ma fin.

J'entendoye assez mon latin ; Car pour estre plus fricquelet , J'avoye le pourpoint de satin , ( J'entens satin par le colet) Et aux manches le chappelet , Joyeulx en la manche attachée , (3) De veloiu^s à ung beau fiUet (4) Troys doibs de large , la belle espée , Robe à grant manche descouppée Affin que l'on veist là dessoubz. (5)

Floc, floc faisoit ma hacquenée Quant elle vouloit marcher doulx :

Elle cuyda tomber deux coups ; Non pas tomber , mais el' choppa.

Les regardans estoyent là tous :

J'en oûy bien ung qui parla Et tout en raillant m'appella , Et me dist que je chevauchoye En clerc , en latin , tout cela.

Mais , par le sang bien , non faisoye « Car seurement je me tenoye , Genoux serrez , bien empeschez ; Et me semble franc, que j'estoye Pour faire bansler couvrechiefz.

Si ma beste feist ces meschiefz , Et qu'elle cuyda faire ung sault , Que voulez vous , sang bien I sçachez Que je sçay bien ce qu'il luy fault.

Je vous chevauchoys royde et hault :

La pluspart des gens me suyvit Disans : vêla ung beau ribault ; Se n'est pas dommaige qu'il vit.

Une Damoyselle me vit A son huys , à tout son attours ; Mais elle rentra, car elle craignit Que ma beste ne luy feist paour :

Et de faict , je feiz tous mes tours.

On me veit de tant de maisons Que, s'il eust faict ung peu plus jour, On m' eust veu de delà les pontz.

Or revenons à noz moutons :

Ma personne fust descendue , Et, pour faire les comptes rons , Je veiz ma Dame emmy la rue.

Je m'en voys la bouche tendue Là où elle estoit à sa porte ;

IS

Je la baise , je la salue , Demandant comme elle se porte.

El' ne me fist pas chiere morte ; Car tout au tel el' me rendoit, Et qu'il soit vray, je m'en rapporte Au page qui me regardoit.

Ma Dame sçet bien ma venue ; Lors elle m'a getté les doulx yeuh :

Quelz doulx regards ! quelz ris joyeulx ! Quel maintien I quel doulce manière !

— C'est vostre mignon, se m'aist dieux ! (1) Se va dire la chamberiere. ^

— Dieu gard' ma Dame ! et puis : quel chère ? Que dist Monsieur? est^il gaillard?

— Autant vaulsist une commère :

Par ma foy! ce n'est que ung paillard.

— Et si n'est-il pas si vieillard , Qu'il ne peut pencr ou suer?

— Voire : mais il est ai songeart, Que à peine se peult remuer.

Il est à cheval pour rimer Au refrain de quelque ballade; Il ne sert plus que d'estrivier, (2) Ou de dire qu'il est malade.

— Baillez luy , dys-je , quelque aubade , Quelque secousse, il s'amendera.

— Ha ! dist eUe , sa couleur fade A grant peine se changera.

Nous parlasmes tarin tara , Puis de Monsieur , puis de ma Dame.

Et me mist-on en telle game , Que la Dame et la chamberiere Me jonchèrent ; l'une derrière »

L'aultre devant me regardoit:

L'une farsoit , Taultre lardoyt. (1) J'estoye fort en grâce d'elle ; Parquoy je croy que on ne m'osoit Dire chose quil ne fust belle. (2)

On parle de tel et de telle; Mais pour ung galant amoureux Je suis devenu gratieulx 9 (3) ( Se disoyent les gens ) houppegay I (4) Et croy bien que l'on disoit vray ; De cela je n'en doubte jamais. (6)

Et si vous dictz bien , pour tous metz , S' on eust esté beau pour mirer , (6) J'avoye les membres les mieulx faitz Qu'au monde l'en sçeust declairer.

J'estoye ung homme adventurier , Gay , alegre , mignon , joyeulx ; Sang bieu I à tout considérer , n sembloit que j'en fusse deux.

Laissons ces soûlas et ces jeux.

Ma Dame me print par la main :

Et promis lors devant ses yeulx (7) De l'aller veoir le lendemain ; Et là devions nous plus à plain Deviser. — Or , à Dieu , ma Dame.

— A Dieu, dist-elle. — Mais sur mon ame, Combien que puis j'en fus martyr, Il me faisoit mal d'en partir.

Je m'en allay emmy la ville , Pour monstrer que j'estoye fricqu^ »

Ferme , duyt et rusé du stille , Esveillé comme ung saupiquet.

Pour dire : pic et pac , marquet !

Qui est-U? c'est ung tel — en somme

La belle bague, ou l'affiquet Pour monstrer le chemin à Romme.

En ce temps-là j'estoye ung homme Franc pour dire : d'ont venez vous?

Le beau mouchoir, voire ou la pomme (i) En la manche fadcte en deux coups ; (2) Le hoquetton , pourpoint dessoubz ; Anneletz (vous m'entendez bien); Les chausses percées aux genoulx , Pour bien dire , mais ce n'est rien.

Ifne falloit que dire : vien ; J'estoye prest — La robbe assez nette ; Je n'avoys rien qui ne fust mien , Excepté sans plus la cornette De velours, non pas trop hoifiieste ; Car elle sentoit son bas percé :

Mais vêla pour boucher ma teste , (3) J*en estoye desja tout bersé. (4)

Or d*adventure , je passé Par une rué , sur le tard ; Mais Dieu sçet si j'en fuz farce Au vif. Il y eust ung Goquard Qui m'appelloit : adieu gaignart !

Ilay ! hay ! passion d' Antioche !

— Qu'est-ce là? que le diable y ayt part ! Qui est-ce qui sur moy descoche ? (6)

Se pensoys à moy ; par sainct Josse ! Je suis perdu , ou je suis frit.

Il cryoit et chascun me veit Vestu ainsy que TEsplagant; (6) Mais sçavez vous que l'on en dit?

— Par mon ame c'est ung fringant Je m'en allay tout en gigant, (7)

Comme ung lévrier qui se resveille;

Bonnet renversé et guignant , (1) La belle ymage sur l'oreille.

Je fondoye carreaulx à merveille , Gay , alesgre , bien esmouché ; (2) Et me mussay soubz une treille , Pour attendre qu'on feust couché.

A coup, avant estre huche.

Faire ce qu'on vouldroit ; et puis Trie , trac , sans estre effarouché :

— C'est faict — c'est mon — [advisel'huys. Vêla de quoy servent les nuytz :

Sommeille qui vouldra sommeiller.

On n'a point peine à s'abiller, Le matin oster la brayère , (3) Après baiser et fatrouiller ; Dire adieu par l'huys de derrière , En effect vêla la manière.

Or sça, ma Dame me parla (A) Du lendemain ; la chose est claire Que le gaudisseur y alla.

Je m'en viens à l'huys — tac. — Qu'ella? (5) Je regarday par la serrure ; La chamberiere je veiz là.

Qui me vint faire l'ouverture Par une vis , en sa chambrette.

Quant je fus leans, je prins cure De saluer la godinette :

Sa chambre estoit fort sadinette. (6) Sans faire plus longue querelle , Bon jour. — Je m'assis auprès d'elle , Et puis : comment va? — quel' nouvelle?

— Nous desvisasmes là de baves , (7) Et des besongnes dismes tant ,

Et de langaiges et de brigages ,

Dequoy brief pas ne in*en souvient ^ Pour nous et à noz advantaiges :

Et entre aultres pour tous potaîges ;

— Cestuy-cy va — cestuy-là vien.

— Cest^ là ceste-cy vault bien.

-^ L'une ayme l'autre : l'autre àyme Tune.

— L'une blanche , et l'autre trop brune. Telz et telz , et telles et telles

Ne sont ne trop boMilx ne trop beUes.

— On faict cecy — on (aict cda.

— On va par cy ^- on va par Ut.

— Par tel pointz et par telles choses On brouille , on cliquette , on noise.

— L'ung est couard, l'autre est hardy.

— L'ung veult lundy , l'autre mardy.

— L'ung QsX rusé, l'autre gruppé. (1)

— L'ung est fort et l'autre huppé.

En effect , vêla , nous disons

Tant de regretz , tant de blasons , Tant de propos , tant de minettes Et tant de façons sadinettes.

Que par sa parolle mignotte J'en cuydoye jouyr à ma poste.

Tourner la main , ung aultre tnot , Le sang bien ! je devenoye sot.

Je la trouvay si inconstante , En langaige si véhémente.

Que aidcunesfoys , pour vous le dire , Mon couraige le vouloit dire :

Mais quant je la vois ainsi rire , Lors , par le corps bieu 1 je n'osay : J'escoutay , et si proposay.

J'oûyz ung bruit qu'on demenoit , Dont incontinent je glosay

Que c estoit Monsieur qui veuoit.

— Las I dist elle , s'il vous voyoit.

— Qu*est-il de faire ? — se musser :

Mais , montez en hault tout droit , Et vous en aller au grenier

Au foing. — Je montay sans compter Les degrez. Il vient , il caquette Puis de Gaultier, puis de Jacquette ; U tance puis la chamberiere.

Et moy qui oioye le mystère , N'estoye pas bien asseuré u Se j'eusse marché ou viré , Et qu'il s'eust peu appercevoir De moy , il y feust venu veoir.

Le corps bieu I j'estoye résolu; J'avoye tout cuyt et moidu.

Je ne feuz pas pourtant si fol , Que je n'entrasse jusques au col Dedans le foing ; et puis je prins La belle botte , et la tins Sur ma teste qu'on ne me vit.

Et pour me bailler le desduit , Je vous oûys^tantost le cry De petites souris (pipi) Fortfuisans à mon oreille (1) Parmy ce foing ; c' estoit merveille.

D'autre part estoyent en bas Les grosses paroUes et debas • De Monseigneur et de ma Dame , Qui se combatoyent : c' estoit blasme. (2) Hz estoyent, se croy-je, tous deux En leur chambre enfermés tous seulx.

L'ung parloit par une façon ;

L'autre chantoit autre chanson ; C'estoit ung plaisir que d'y estre :

Car chascun vouloit estre maistre.

Le soir vint ; il faut préparer Le souper et le vin tirer :

Monsieur fut sçis et appoincté , (1) Et dist-on benedicite.

Après souper voicy Chariot Le paige , à qui on dist ung mot ; Ce fut qu'il allast apprester La mule, sans plus arrester.

Se feist-il , et se meist en point , Et s'en vint au grenier au foing , Une grande fourche, — en son poing.

De fer ; et sans plus de riote , Il vous vient cheoir sur ceste botte Que je tenoye sur ma teste ; Or, le dyable ait part à la feste.

Le paillard paige fist merveille ; Car il fist si profonde enqueste , Qu'il me va larder une oreille De la fourche. — Je me resveille Lourdement et n'osay mot dire ; Chariot se peine et travaille D'avoir la botte ; il sache , il tire : (2) Je vis tout et cuiday bien rire.

Il print à tirer : — je la tien ;

— Il recula trois fois de tirej, Et jura Dieu qu'il l'auroit bien :

Et si la prmt. — Adonc I — rien — rien. Il s'esbahit fort et recuUe ;

— Qu'est-ce icy ? dist-il , quel maintien ? Dieu veult-il pugnir nostre mulle ?

Il prend son chappeau et Faffule, (I) 'Tout en barbetant ba , ba , ba, Et sans dire paroUe nulle n tira si fort qu'il tomba.

Chariot à Dieu se tempesta , (2) .

Dît qu'il n'y tireroit meshuyt.

11 trousse ses panneaulx , et s'en va Compter aux aultres le déduit.

Son maistre vint ; (j'oûyz le bruit) Dont viens tu ? — clic , clac , (sur ses joues Il frappe, il congne, et Chariot rit Des grosses dens. — Dea , tu te joue ! — Hon, hon, hon ! — Dea, tant de moue ! (3) Le plus beau ne fut dire mot.

Vêla comment tourna sa roiie Fortune , au pouvre Chariot.

Encore fut^il bien si sot Qu'il alla dire à Guilelmin , A petit Jehan et Phelippot , Et y mist gaige avant la main.

n monte ; j'entendy le train , Je saulx et quis mon advantaige , L'ung lieve le botteau de foing ; Povre Chariot perdit son gaige.

Vêla comment Chariot le paige* Fut du foing doublement pugny ; Chascun luy gettoit de la neige Après, et se mocquoit de luy.

Le soir vint ; il n'y eust celuy Ne celle qui n'allast coucher.

Et Dieu sçet se j'euz de l'ennuy Ceste nuyt ! je n'osoye bouger ;

Et me fist-on mon foing ronger Tout à par moy : à ceste enseigne Que je commençay à songer Que faisoys chasteaulx en Espaigne.

Or, affin que chascun appreignel Comment on y faict bonne chère , J'eusse voulu avoir la taigne Et j'eusse esté en la rivière.

Je ne sçavoye tenir manière ; Plustost couché dessus ces bottes, Plustost dessus la cheneviere , Plustost je descrottoye mes crottes. (1) J'avoye les fantasies si sottes , Que ceste nuict , de pointz en pointz , Je devisay plus de cent cottes Et plus de cinquante pourpointz ; Et sans remuer piedz ne poingz , Et tout en faisant bonne mine , En songeant de près ou de loing Je me prins à dire matines :

Et quant j'en euz bien dit deux lignes , Je me levay lors sur mes piedz , Et tout en ployant mes eschines Je voys regarder les clochiers : (2) Je marquois plus de cent montiers Où ilz n'avoyent esté jamais.

Or est-il minuyt pour tous metz ; Et ne voit on rien que la drille , Parquoy je prenoye Beauvais Aucunesfoys pour ceste ville.

Le jour vint , vray comme Evangile :

Je meis ma teste par un^^trou Sur la court ; la petite fille Tenoit ung souflet , hou , hou , hou ,

Et soufloit, mais je ne sçay où , En la cuysine , ça et là.

Le jour devint grant pou à pou ; Je croy que Monsieur se leva , Monte sur la mulle et s'en va Quelque part faire sa traînée.

Je descens sans dire qui est là; Je trouvay ma Dame levée.

Quant elle me vit , pour entrée Elle me bailla ung soubzris , Et , pour dire vray , sa risée M'estoyt ung petit Paradis.

Et vecy dequoy je me ris , Et dont je me riray tousjour3 ;

Car de tous mes maulx et perilz Elle me bailla deux fins tours ;

Et me dist , sans plus de séjours ,

Pour toute résolution ,

Que son mary dedans huyt jours

S'en alloit en commission.

Ainsy auray occasion

D'aller à l'hôtel à mon aise.

Adieu , ma Dame — or, adieu don ,

Dist-elle. — Mais, ne vous desplaise ,

Elle est assez fine et maulvaise

D'enquérir se je n'ay rien dict.

Pourtant , je vous prie qu'il vous plaise

D'en dissimuler ung petit.

J'en ay assez dit pour meshuy , Et n'en diray plus pour meshouen.

Tabourin ! à mon appétit; Beau Sire , le petit Rouen. (1)

Fin du Monologue de la Botte de Foing.

Cy eomeiee le lonologie do Pays Taiet par Goqaillart.

Gorriers mignons , haiitans banquetz , Gentilz , fringans , dorelos , Portés vous plus les affiquetz , Ne les robes de camelos ?

Mots argentés, petis œillades , (1) Entretenés vous plus voz tours De faire donner les aubades , Que souillés faire tous les jours ?

Où estes vous chantz de linottes , De chardonneretz, ou serins , (2) Qui chantés de si plaisans notes Soubz les treilles de ses jardins?

Où estes vous les tabourins , Les doulcihes et les rebecz , Que nous avions tous les matins Entre nous aultres mignonnetz?

J'ay veu que j'avoye Henriet A faire mes charivaris, Avec son compaignon Jacquet , Pour ses Bourgeoises de Paris. (3)

J'ay veu qu'estoye mignonnet', Chantant entre les Damoiselles ;

Ung corps fectis, sade, gronnet, (1) Pensés qu'avoye des plus belles.

Vous semble-il point que pour argent Qu'on peust jouyr de ses amours , Estre tousjoiu-s mignon , fringant , Portant cornette de velours?

Aultrefoys ay esté en Cours Pour faire balades et rondeaulx ; Et ne dormoye ne nuytz, ne jours, A penser les termes nouveaulx.

Ung jour m* en aloye pas à pas , Fort mignon , plaisant et habile , Tracassant, traignantle patin'; Car je sçavoye bien mon stille Et entendoys bien mon latin.

Je vous estois miste , friquet , ' Habillé comme ung Gentilhomme , Esveillé comme ung saulpiquet :

N'y avoit que pour moy en sommé Les beauh petit gandz , le bonnet Et la pemicque bien pignée.

Pour dire : morbieu , pas ung pec !

J'estoys ung fringant à journée.

D'aventure comme je passoye Et m'en alloye tout en paix , Sans que aucun mal y pensoye , Se me dit ung : — adieu Joannes , N'oublie pas ton escriptoire.

— Et je vous escoute ; quoy voire !

Ha ! ventrebieu , quel broquart!

Pensaige à moy : c'est ung coquart ;

C'est la façon , du temps qui court , De ses varletz dymencherës Qui sont vestus sur le gourt , De nous appeller tous Joannet.

Ilz portent les cappes couppées En la façon de maintenant ; C'est quant leurs robbes sont percées , Pour estre plus mignonnement.

Se vous les voyez tous les jours , Quant ilz ouvrent de leurs mestiers , Leurs robbes vestus à rebours, Vous diriés : se sont savetiers.

Et quant se vient aux jours des festes , Ilz semblent tous gros trésoriers ; Hz ne demandent que les festes Pour aller aux nopces dancer.

Faire les voustes et saulter, Affin qu'on die : c'est-il — c'est mon.

— Par la mortbieu ! il dance bien.

— Brief , c'est ung gentil compaignon , Et si a ung très beau'maintien ;

Par mon ame« c'est grand dommaige Qu'il n'est porteur de cotberës; Car il a ung très beau corsaige Pour porter assez de grans frais.

Hz vous portent , comme j'enten , De beaulz anneaulx (dedans leurs doitz) Qui sont dorés de beau saffran ; 11 semble que soient petitz Roys.' Et mectent la main au bonnet, Affin qu'on voye les anneaulx, Pour dire : j'ay ung afficquet Et n'ont pas vaillant deux naveaulx !

Au fort laissons ceste faerie ,

Et retournons à noz moutons ; C'est une droicte resverie D'oûir parler de leurs façons.

Je m'en alloye delà les pons , Avecques mon page Jacquet , Monté sur une belle hacquenée.

Et pensés que j'estoye de het , (1) La belle robbe fourrée , Les gentilz petitz brodequins ; Tracasser par mons et par vaulx , Aller, retourner par chemins , Faire feu dessus les carreaulx , (2) Monstrer partout mon beau corsaige.

— Par le sangbieu ! c'est grand dommaige , Se dient les gens de Paris , Il seroit ung beau personnaige Pour estre Abbé de sainct Denis.

Je ne pensoye point à leurs ditz , N'a leurs parolles, n'a leurs devis.

Je pensoye bien à aultres jeuz ; Car me monstroye pour la Dame De qui j'estoye amoureux.

Et si vous dy bien , par mon ame !

Que c'est la plus mignonne femme , Par Dieu , qui soit point à Paris ; Car elle a le plus plaisant ris , Les yeulx vers , la petite bouche.

— Quant elle marche sur espmettes.

Elle faict ung tas de minettes ;

On dit : celle femme n'y touche.

— Se vous la voyez quant elle rit , Vous'diriés : vêla ung enfant ; Sans faire noise . hy, by, hy,

Se faict elle tout bellement.

Je vous passe incontinent,

Sans faire semblant ne manière ;

J'ay advisé la chamberiere

Qui estoit assise à la porte ;

Viens à elle de bonne sorte ;

Et puis : — comment vous va, la belle ?

— Et très bien , Monsieur, dist-elle ; Où avez vous demeuré tant ? (1)

— Par ma foy, j'ai esté dehors

Où j*ay veu de bien mauvais temps :

Ce luy dis-je par bons accors.

Et puis , et puis où est ma Dame ?

Que faict elle ? y a il ame ?

— Ennement , elle est sur le lict ; Elle repose ung petit :

Ce me dit lors la chamberiere.

— Ouvrés moy dont Thuys de derrière , AfTm que j'entre en la maison*

— Je n'oseroye pour le garçon Qui s'esbat emmy le jardin :

Mais Monsieur s'en va demain , Se me dist-elle incontinent ,

Et pourrés venir seurement Céans coucher avec ma Dame.

Je m'en voys sans penser à ame , Rencontre mes deux compaignons ;

— Botta dies soit aux mignons ; Où allés vous? d'où venés vous?

— Nous en allons en ung banquet ; Voulés vous venir avec nous ?

— Je vous renvoyé mon baquet , Par^non petit garçon Jacquet ,

Et luy dis : apporte la torche , Et te tiens au plus près du porche , Affin que saiche où te trouver.

Quant nous fusmes tous en la salle , <3u est-il de faire ? — de dancer.

Et Dieu sçet se on faict la galle A mener dancer ses bourgeoises.

Ces dorelotz , ces gorgias Menoient les meilleures galoises* On ne sentoit que muglias .

Marjolaines et romarins , Giroflées , armeries , bouquetz.

Arrière ! arrière , rustarins !

Nous entretenons les banquetz.

Quant nous eusmes dancé tous trois , Nous nous reposons ung petit Et regardons tous les fatras , Les danceurs et le bas deduyt ; Et de railler, et de dancer.

— L'ung est trop grant — Taultre petit : — L'ung est trop lourd à desmarcher :

— L'autre a failly bien de deux pas :

— L'ung ny sçet rien ne hault ne bas Et Fautre, ce n'est qu'un lourdault ; 11 la meine trop lourdement

Et faict ses saulx ung peu trop hault.

— L'une contrefaict la mignotte :

— L'autre a la manière trop sotte :

L'une parle trop grossemment :

Et l'autre si est ung peu torte , Et se besse ung peu en avant.

Quant nous eusmes bien coppié ,

là

Et bien lardé et devisé , Je m'en viens droit au tabourin :

— Je vous prie , sonnés moy le train ; Je veulx mener ma Damoyselle.

— Incontinent je vins à elle :

Ma Dame, vous plaist-il dancer ?

— Et grand mercy, se me dist-elle, Ënnement je ne puis aller.

Et de rire, et de railler ; Se me dist l'un : hau perrucquet I.

Et je m'en voys sans grand caquet ; (1) Tant en somme je me tapis Et m'en voys derrière ung tapis , Tant que le bruit se fust passé.

Je fuz si lourdement farce , Par tel' façon et tel' manière , Qu'eusse voulu avoir esté Dedans img sac en la rivière.

Quoy ! se disoient tous les danceurs , 11 sembloit qu'il n'y eust que pour luy : G'estoit le plus fort copieux Qui fust en ceste feste icy.

Je m'en revins tout bellement , Tout quoy , par derrière le banc.

11 y avoit ung cordonnier Qui s'estoit trouvé à la feste ; Si s'en va ma Dame prier :

Sans aultre prière ou requeste , S'en va avecques luy dancer. (2)

Je vis cela, et d'enrager De deuil ; je fuz si très honteux ; Et ne suis je pas bien malheureux , Qui cuydoye estre si rusé , D'avoir esté si refusé',

Moy , qui suis gorgias , mignon ,

Franc , fraiz , A*asé comme ung ongnon ?

Je ne sçay pourquoy c'a esté

Que j'ay esté tant reculé.

Ha ! par ma^foy , je suis bien sot ;

Je croy bien que c'est pour ung mot

Que j'ay failly à la nommer;

Car , quant la priay pour dancer ,

Je vous l'ay appellée ma Dame,

Et devoye dire : ma Demoiselle.

Là où j'ay failly , par mon ame.

Pourquoy el' la me bailla belle.

Quant je veiz cela , je m'en voys Sans dire adieu aux compaignons ; llz n'avoyent garde de me reveoir , Ne que je leur disse : dsmsons.

Mais m'en alay mon paige et moy , Sans vous dire ne si ne quoy , Veoir ma Dame par amours.

Je vous viens , sans plus de séjours ; Allant tastant encontre l'uys, Je regarde par ung pertuys ; Je veis venir la chamberiere Qui me vient ouvrir le guichet :

J'entre dedans , moy et Jacquet , Et m'en viens droit à la chambrette Qui estoit bien fort mignonnette.

Comme j'entre , voicy le chien Qui sans dire ne si ne rien , Et me vient saillir au beau col :

Et qu'esse cy , bon gré sainct Pol T (1) Je croy que je suis malheureux ; Quant je suis levé au matin ,

Je ne pensoye pas à telz jeux.

Or ça, parlons d'autre latin :

— Comment vous va , mon musequin ?

Où est Monsieur vostre mary ?

— Par ma foy , Monsieur mon amy Il s'en va en commission.

— Or, ça, ça, j'ay occasion De coucher ennuit avec vous.

— Ha ! Monsieur , que dictes vous ?

Je seroye deshonnorée.

— Ne faictes point tant la sucrée ; Sçavez pas bien que m*avés dit :

— J'aymeroye mieulx estre noyée Que vous en fussiez esconduyt.

Quant nous eusmes bien cacquetté , Et bien brouillé , et tempesté , Unze heures si s'en vont sonner.

— Sus, sus , allez vous-en Jacquet , Et pensez le petit hacquet ,

Et luy faictes bien sa littiere. On allume belle bourrée :

Je me despouille mon pourpoint De beau satin , moult bien à point ; Nous nous chauffons entan nous deux , Devant et puis après derrière :

N'avoye garde d' estre honteux , Car je faisoye bonne chiere.

Vecy venir la chamberiere Qui va faire la couverture : , Et ma Dame s'en va coucher.

Et moy après à Tadventure, Sans plus cacqueter ne prescher.

Quant nous fusmes tous deux couchez ,

L*ung près de Faultre approchez, Monsieur s'en revint sans blason ; Qui avoit oublié des lettres De ladicte commission , Et luy estoyent fort nécessaires.

Si frappe à Thuys , à coup , à coup , Tout esperdu , tout morfondu.

— Mon aniy, vous estes perdu!

Qu est-il de faire? — je suis mort !

Je n'eusse osé dire ung seul mot.

Or , y avoit-il une fenestre Qui respondoit dessus la court ; Je n'avoye garde d'estre sourt Et je vous prens tous mes habis , Mais je ne sçavoye où les mettre.

Je vous sailly dedans le puys Qui estoit devant la fenestre :

Je fiz ung grand flac dans Teau.

Je cuiday estre là gellé ; Mais se n'eusse trouvé le seau , Par ma foy , j'estoye noyé.

Tautost après on vint tirer De Teaue , pour gayer les chevaulx.

Je ne sçavoye où me bouter , Car je souffroye plusieurs maulx. On prend la corde, et de tirer ; — Vecy eaue moult fort pesante , Se dit celluy qui la tiroit ; Se seau en pesé plus de trente.

Et croyez qu'avoye grand froid ; Et se d'adventure il m'eust veu , Comme estoye ainsy tout nu , Il eust laissé la corde aller Pour me faire dedans noyer.

Dieu in*ayda bien à^celle foys :

(Aussi estoye bon Chrestien I ) Je ne prisoye ma vie deux noix , Ne faisoye plus compte de rien.

Quant je vous fus jucquez en hault , Et]|moy de sortir ung beau sault ; Et celuy qui m'avoit tiré] Fut si lourdement effroyé Que il cria : alarme I alarme I Vous eussiez oQy tel vacarme Courir parmy ceste maison ; Car je vous jure sur mon ame , Sembloit que fusse ung larron.

Et de saillir , pour abréger « Tout fm nu en belle chemise ; De mes abbis , sans plus parler , Ne faisoye compte ne mise.

Encore, qui pis est, en allant Je vous rencontre bec à bec Deux ou troys ribaulx sergens Qui me mennent en C4astelet ; Car on venoyt de rompre ung huys (1) Où il y avoit marchandise ; Et s en estoyent trestous fouys Tout fm nuz , en belle chemise.

Pour ce qu'on me trouva tout nud , Tout esperdu , tout morfondu , Je fus prins en lieu de ceulx-la.

Je nentendoye pas bien cela ; Je y allois, sauf mes bons droits. (2) — Et qu'est cecy , bon gré ma voys ? (3) La mort bieu ! vous y viendrez.

Vêla comment on nous chastie , Entre nous gallans amoureuLx.

C'est une droite frainaisie D'en tant parler ; j'en suis honteux.

C'est une merveilleuse peine ; Je n'y veulx plus mettre ma cure En ceste folle vie mondaine.

Je vous ay dit mon adventure :

Ung homme qui est endurci , Se luy semble toute plaisance.

Au fort ne parlons plus mesbuy :

Donnés moy une basse dance.

Fin du Monologue du Pays.

ConifluBte de Bcho, qui le pesU jolir de ses anoBrs; «onneBce de Echo et de NirdsBs.

Echo querant ses mondaines plaisances ,

Guidant venir de son fait au dessus ,

Non regardant les très dures vengences

Que les baux Dieux contre elle avoyent conceuz

Fut siu'prise de Tamour Narcisus ;

Par quoy depuis endura maintz travaulx :

Désir d'aymer passe tous autres maulx.

Tant y ficha son cueur et son courage, Et tellement à Taymer s'employa , Que sans garder d'aultres Dames l'usage D'estre priée , elle mesme pria.

Vers Narcisus assez se humilia , Mais rien ne fit pour son humilité :

Grand' privaulté engendre vilité.

Après plusieurs amoureux passemens, Regards , euillades , petis charivaris Qui tous servent aux grans embrasemens De cueurs humains et mondains espritz , Echo sans plus , après plusieurs soubzris , Ung seul baiser requist à Narcisus :

Riens n'est si dur en amours que reffus.

Par son orgeûil fier et presumption , Dépit , outrage et felonnie nature , En se mirant par grant elacion , A sa beaulté et plaisante stature, Eust en desdaing la povre créature , Sans la laisser parvenir à son esme :

C'est bien congneu , qui se congnoit soy-raesme.

Et eu effet , par T inhumanité De Narcisus qui le baiser desnie , La povre Echo , par grande austérité , Usa en pleurs le surplus de sa vie.

En gémissant fut en voix convertie Et endura mutation subite :

Dng cueur piteax en larmes se délite.

Ce Narcisus , après considérant Que par ca Dame avoit esté prié , S'en orgueillit, et tout en se mirant , Après qu'il eust glorifié , Pour le vouloir des Dieux fut tost mué En une fleur qui es fontaines croist : Orgueilleux cueur soy-mesme se deçoypt.

Notez , enfans ; car comme la beaulté De la fleur esf incontinent passée , L'honneur du monde , qui n'est que vanité. En un moment est aussi abaissée. Si a esté ceste histoire brassée Pour ceuk qui fiers et trop orgueilleux sont ; Dieu et Nature sans cause riens ne font.

Ters cNiposés par Mllane CoqiiHirt eo 14S3, et placés à la b de sa tniielioB de b Gierre des Jaiis.

nJuaoM 9u vuAMUJkTmn^

Grâce , louenge , honneur et jubilation Vous doy rendre en la fin de ma translation , Jhesus , vray rédempteur d*umaine nation , Largiteur de salut et consolation.

L'istoire de Josepbe , des guerres de Judée , En langage françois du latin translatée , Rude en stile et façon, simplement aoumée, Mon povre sens a mis , comme elle est cy couchée.

Veuille la prendre en gré vostre grâce et clémence, Supportant les deflauls de mon insipieoce ; Car Teuvre requeroit homme de grant science , Orateur bien expert de sens et d'éloquence.

Qui la veult doncques lire en lieu d'un passetemps. Viser doit à comprendre seulement le vray sens , Imaginant que j'ay selon mon petit sens Le texte translaté ainsi que je l'entens.

Les lisans je requiers pour toute retributoire Avoir mon esprit en dévote mémoire , Requerans à Jhesus qu'il lui soit adjutoire, Tant qu'après ceste vie le transfère en sa gloire.

Amen.

TABLS«

Pagen.

Biograpbie de CoquiUart i

Le Plaidoyer de la Simple et de la Rusée 5

L'Enqueste 37

Les Droits nooTeaax 71

— De Jure nalnmli 75

— De Statu hominum 86

— De Pmumptionibus M

Deuiième partie : De Pactis i09

— De Dolo 120

— De hnpensit 131

— De Injuriiê 133

Le Monologue du Gendarme cassé 147

Ballade de la Paii 165

Vers faiU pour rentrée de Charles YllI è Reims. . 166

Ballades des EUts-généraux 167

Le Blason des Armes et des Dames 171

Le Monologue de la Botte de foin 189

Le Monologue du Puys 2(m

La Complainte de Echo 216

Vers mis à la fin de la traduction des guerres de

Judée 218

LES OEUVRES

DB

OUILLAIME COOUIILIRT.

Cette édition est tirée à 375 exemplaires, dont 325 sur carré vergé , 5 sur papier jonquUIe, 5 sur papier bleu, 40 sui* Jésus vergé.

Imp. de GÉRARD, Litbog., rue Cérès, 8, à Reims.

LES OEUVRES

DE