SCR LE MAUVAIS COMPORTEMENT DE LA COURT

J'allasse en court, se j'eusse de l'argent. — A quoy faire ? — Pour avoir ung office. — Les y vent-on? — Ouy, très-chèrement.

— Pourquoy est-ce ? — Par faulte de police. — Je m'en plaindroie. — Et à qui? — A justice. — Justice dort, encor n'est esveillée.

— Dont procède ? — Le quoy ? — Ceste malice. — De nostre court qui est mal conseillée.

Qui gouverne? — Le seul consentement.

— Qui a bruyt ? — Damoiselle avarice.

— Qui a ce fait? — Ruzé entendement.

— Mais à quel fin? — Pour avoir sacrifice. — Où est raison? — Avec l'Appocalipse.

— El vérité? — Elle est toute enrouée, — Dont, etc.

Durera-il? — Non, pas trop longuement.

— Pour quoy ? — Pour ce : c'est mauvais édifice.

— N'est-il tout neuf? — Sur mauvais fondement.

Il ployé au vent par mauvais artifice.

— Et où est paix? — Elle quiert sa nourrice,

^Tout va donc mal? — Trop pis que Vautre année .

— Dont procède, etc.

Prince, qu'as-tu ? Doulx comme régalice Sera de maintz ceste drogue avallée.

Dont procède, etc.