EXTRAITS DU REGISTRE CRIMINEL
niT PARLEMENT, X, 8884 (aux archives de l'empire^ Trouvés sur les indications de M. Vallet de Viriville.
Audience du 10 mai i486.
Sur les requestes baillées à la Court par Henrv Baude, bourgeois demourant à Paris, et Regnanlt Sauviu, clerc, prisonniers ou Chastelet de Paris, par ordonnance de maistre Jehan de la Porte, lieutenant criminel de la prevosté de Paris , par laquelle ilz l'equeroient estre amenez prisonniers en la Consiergerie du Pallais à Paris, attendu qu'ilz sont appelans dudit lieutenant, et que deffense fust faite audit lieutenant de ne les transporter hors ceste ville de Paris ; veues par la Court lesdites requestes; oy sur ce ledit M"" Jehan de la Porte, lieutenant; veues aussy les lettres patentes du roy, desquelles la teneur s'ensuit :
« Charles, par la grâce de Dieu roy de France, à nostre amé et féal conseiller. M* Jehan de la Porte, lieutenant criminel en nostre Chastelet de Paris, salut avec dilection.
« Pour ce que nous avons esté informez que en nostre ville de Paris , le premier jour de ce présent mois, uucuns, soubz umbre de jouer ou faire jouer certaines moralitez et farces, ont publiquement dit ou
l'ait dire plusieurs paroUes séditieuses sonnans commotion , principalement loiichans à nous et à nostre estât; pour laquelle cause et affin de obvier aux inconveniens qui en pourroient advenir entre noz bons et loyaulx subjets, aussy savoir et attaindre la vérité qui les a meuz de ce faire, est besoing et chose très nécessaire y donner provision : Vous mandons el, pource que estes juge ordinaire en nostredit Chastelet , commectons par ces présentes que et de faict , attendu la notoriété , vous prenez et saisissiez ou faictes prendre et saisir au corps quatre des plus couppables que pourez savoir et trouver avoir fait ce que dessus est dit; et iceulx faictes mener prisonniers soubz bonne et seure garde en nostre chastel de Melun , pour illec y estre procédé comme de raison ; et tous les autres de ce coulpables et que pourrez trouver ou faire trouver et appréhender, détenez prisonniers en nostredit Chastelet, et d'iceulx enquérez et saichez bien et diligemment la vérité de ce que dit est; et tout ce que y aurez fait et trouvé, nous renvoyez pour en ordonner ainsi qu'il appartiendra et verrons estre à faire, nonobstant oppositions ou appellations quelzconques, pour lesquelles ne voulons aucunement estre différé. De ce faire vous avons donné et donnons plain povoir, auctorité, commission et mandement espécial par cesdites présentes. Mandons et commettons à tous noz justiciers, officiers et subjetz que à vouz et à voz coniniiz et députez, eit ce faisant, soit obéy et entendu diligemment, prestent et donnent conseil, confort et prisons, se mestier est et requis en sont.
