I. De Corinthe

A la sonete par ces rues.

Dont orrez autres geiiz menues Poires d'angoisse crier haut.

L'autres pommes rouges qui vaut.

Aiglentier por du pain Ten crie, Verjus de grain à fère aillie, Li uns borgons li autres veilles, Cornilles meures, cornilles.

Alies i a d'aliïer, Or i a boutons d'aiglentier, Proneles de haie vendroie, Oiselés por du pain donroie.

Nates i a, et naterons; Cerciaus de bois vendre volons.

L'autre crie : gastiaus rastis, Je les aporte toz fétis ; Chaudes tartes et siminiaus.

L'autres crie chapiaus, chapiaus.

Gastel à fève orroiz crier.

Charbon le sac por I. denier.

Nèfles meures ai à vendre.

Le soir orrez sanz plus atendre, A haute voiz sanz délaier:

Oiex! qui apèle l'oubloier?

Quant en aucun leu a perdu, De crier n'este mie esperdu.

Près de Tuis crie où a esté :

Aïde Diex de Maïsté !

Com de maie eure je sui nez !

Com par sui or mal assenez !

Et autres choses assez crie.

Que raconter ne vous sai mie.

Tant y a danrées à vendre.

Tenir ne me puis de despendre ; Que se j 'a voie grand avoir.

Et de chascun vousisse avoir De son raestier une denrée, 11 auroic moult corte durée.

Tant poi i a mis que j'avoie, Tant que povretez me mestroie.

Après mise ma robe ;é, Lécherie m'a desrobé ; Si ne sai mes que devenir, Ne quel chemin puisse tenir.

Fortune ma mis en sa roë; Chascune me gabe et fet la moë ; Si ferai, puis que sui en queche, Du meillor fust que j'aurai flèche.

Expliciunt les Crieries de Paris.