AUTRE JEU-PARTI

Cuvelier, j'aim mius ke moi 1^ feme à un cevalier ; Ele m'aimme en boine foi Et ses sires m'a moult chier Et forment en moi se fie.

Doi-je, se Dius vous bénie, Pour lui la dame eslongier, Ou j'en doi le dosnoier Prendre, s'ele le m'otrie ?

— Sire, se bien par otroi En poés vo désirier Avoir, n'ayés pas effroi Ne doutance d'embracier S'amour et sa compaignie, Koi ke ses maris en die; S'ele vous veut otroier Son déduit par bel proyer, Donc ne le refusés mie.

— Cuvelier, moult graut anoi Me loés il pourcacier :

Se de li preng le dosnoi.

J'en perdrai sans recouvrior Mon ami par ma folie ; Et s'iert la dame laidie De lui pour moi courrecier :

Lors porrai vis esragier.

Et s'iert celé malbaillie.

— Gamart, à chou ke yous voî, N'avës pas le cuer entier:

Vous ne devriés pour un roi La vostre amie laissier.

Trop est pau de vous prisie Quant si tost Fariés guei*pie Pour un honme acompaignie ; S'ele vous aimme et tient chier.

C'est bontés mal employé.

— Par le foi ke je vous doi, Sire Jehan Cuvelier, De traïson vous mescroi Que me volés consillier, Ke face teil vilonnie Ke prengé la druerie De celi qui est moullier A celui qui sans tricier M*aimme autant comme sa vie.

— Gamart, ses maris, che croi, Vous aimme sans losengier, Mais mius le vous vient un poi Destourber et courrechier Ke perdre tel signourie Tamour de vostre amie, Se vous Famés sans boisicr.

Faisons-ent le droit jugier A teil que le voir en die.

— Cuvelier, de ma partie Je preng la dame jolie De Fouencamp sans largier ; S'en voeille le droit jugier, S'iert no tenchons apaisie.