LB MARBSCHAL DE BOUSSAC

Et moy, ô roy de hault tiltre immortel,

Et qu'ay-je fait pour toy dont gré j'atende,

j^non qu'en cueur je me suys monstre tel

Comme honneur veult qu'en propre honneur je pende I

On doit à Dieu sacriffîce à l'autel

Et à son roy service par prébende :

Lors oîi com plus l'homme est de hault hostel,

Com myeulx lui siet qu'à ce feit je entende.

Jadis me feis ton mareschal indigne;

Et m'obligea nature avec service,

Sy voix de peuple auchun los m'y assigne.

Gela j'ignore et ay plus peur de vice.

Le bien j'en offre à ta grâce bénigne :

De bon vouloir j'ay exercé l'office;

Se j'ay moins fait qu'au devoir est condigne,

Du non-povoir Dieu, espoir, m'est propice.