mars 1569. — Lettre du duc d'Anjou à M. du Lude

Monsieur le conte, j'ay receu les lettres que vous m'avez escriptes par le sieur de la Frézelière et veu le mémoire que vous luy avez baillé contenant plusieurs articles ; et pour le regard de ce qui concerne la réduction des places en Tobéissance du roy monseigneur et frère dont il faict mention, vous verrez par ma première lectre comme je désire que vous ne faictes aucune entreprinse sur icelles que nos ennemis ne soint plus esloignés qu'ils ne sont à présent, ce que je vous veulx bien encores dire par la présente, mesmes pour la place et chasteau de Coué, lequel pour les grands maulx, pilleries, larcins et volleryes qui ont esté tousjours faictes par ceulx qui l'ont tenu, tant sur les subjects du roy mon dit seigneur que sur ceulx des autres princes, passants par la dite place, mesmes pour avoir par eulx en temps de paix et de guerre prins et tués plusieurs courriers et gentilshommes du dit seigneur, du roy catholicque et autres princes, je veulx et vous ordonne que vous ayez, incontinant que nos dits ennemys s'en seront esloignés, en sorte qu'il n'y ait plus occasion de craindre qu'ils y puissent ou veuUent retourner et que je vous le feray entendre avant toutes autres choses, aller droict au dit Coué et y faire une si bonne bresche et du tout tellement