janvier i570. — Lettre de Charles IX à M. du Lude

Monsieur le conte, désirans pourvoir à la seureté et conservation des villes de mon roiaulme, ainsi qu'il est bien raisonnable, et qu'en ce faisant mes subjects ne soient travaillés d'entreténement des garnisons comme ils ont esté par le passé, j'ay ad visé de donner là dessus certain règlement que j'entends estre gardé et observé en toutes les provinces de mon dit roiaulme, le vous envoyant à ceste fin et vous priant, sur tant que vous est chère ma satisfaction et le bien de mon service, que le faciez entretenir pour regard de ce que touche vostre gouvernement, sans permettre qu'il soit aucunement enfrainct; et d'ailleurs, Monsieur le conte, parce qu'il s'est trouvé une grande et excessive despense faicte l'année passée en volages, laquelle

reculle beaucoup des aultres importantes despenses quje j'ay à Paris, je vous prye ne me despes cher personne exprès, ci ce n'est pour telle et si importante occasion qu'elle ne se puisse seurement commectre à la poste par laquelle vous donnerez addresse à vos lettres quant vous aurez quelque chose à me faire entendre et je vous y donneray la mesme response que si ung homme exprès en estoit portans, qui est Tendroict où faisant fin à la présente, je priray Dieu qu'il vous ayt, Monsieur le conte, en sa saincte garde.

Escript à Angers, le xxvj^ jour de janvier 1 570. Signé : Charles. Et plus bas : de l'Aubespine.

Et la suscription est : A Monsieur le conte du Ludde, etc.