août 1570. — Lettre de Charles IX à M. du Lude

Monsieur le conte, je croy que vous avés peu entendre la négotiation qu'il y a quelques moys quej'ay commancé à faire traicter pour la paciffication des troubles de mon royaume, et en estant les choses aujourduy réduictes à tel point que la dicte paciffication est conclue et arrestée avec les depputés des princes qui sont icy près de moy ^,

1. Saintes, défendue par le marquis de Cavillac et le capitaine Tourne-Couppe, fut obligée, après une belle résistance, de se rendre aux s^^s de Soubise et de Pontivy, commandants des assiégeants. (La Popelinière, p. 446, v°.)

2. Puygaillard, qui était à Saint-Jean-d'Angély, tenta, mais en vain, de dégager Saintes. (La Popelinière, p. 448.)

3. Paix conclue à Saint-Germain-en-Laye, dite paix boiteuse et mal assise.

je vous en ay voullu donner advis, vous priant et néantmoings ordonnant que, en attendant que la publication de rédict d'icelle paeiffieation se face en mes courts de parlement, comme elle sera faicte dans peu de jours, vous ayës à faire cesser toutes voyes d'armes et d'hostillitës allencontre de mes subjects qui sont de la nouvelle relligion, ainsi qu'il sera faict de leur part allendroict de mes bons subjects catholicques, maintenant les ungs et les aultres soubs ma protection et sauvegarde pour y demourer au mesme repos et tranquillité qu'ils estoient auparavant l'ouverture des présents troubles, ordonnant à tous cappitaines, gouverneurs, maires et échevins et habitans des villes qui sont au dedans de vostre charge de faire le semblable de leur part et de se comporter doulcement avec ceulx de la ditte relligion, comme avecques leurs bons concitoyens ; et sur ce, je prye Dieu, Monsieur du Ludde, qu'il vous ayt en sa saincte et digne garde.

Escript à Sainct-Germain-en-Laye, le 4** jour d'aoust 1570. A costé est escript : Monsieur duLudde, j'ay voullu que le sieur de Beaumont fust porteur de ceste lettre, affin qu'il vous fist entendre plus particullièrement mon intention ; vous le croyrez de ce qu'il vous dira, comme moy mesmes. Signé : Charles. Et plus bas: de Neufville, avec paraphe.

Au dos est escript : A Monsieur du Ludde, etc..