Paul Chabot, s^ de Clervaulx

son entier que aultrement, qui est tout ce que je vous diray, priant Dieu, Monsieur le conte, vous avoir en sa sainte et digne garde.

De Bourges, ce ij® jour de septembre mil cinq cent soixante-deux. Signé : Gaterine. Et plus bas : Robertet.

Au dos est escrit: « A Monsieur du Ludde, etc. »

,, . 86. — 4 septembre 1562. — Lettre d'Antoine de Bourbon, Offi roi de Navarre, à M. du Lude.

Monsieur du Ludde, vous entenderez comme. Dieu mercy, nous avons reprins Bourges qui nous a tenu longuement plus que nous ne pensions, pour se estre trouvé l'assiette plus difficille que nous n'avions espéré. Toutesfois, nous avons usé de telle diligence que mes gens estoient dedans le fossé sy près d'eulx que je vous puis assurer, s'ils ne se fussent hastez de parler, ils estoient en danger d estre bien malades en peu de jour ; toutesfois, le désir que la royne a heu de saulver ceste ville du sac et du pillaige a esté cause que nous avons myeulx aymé la recepvoir à composition que de les avoir de forces, comme nous pouvions faire; de maintenant, ceste ville estant assurée et tout ce pays réduict, il n'y aura riens en tout ce quartier, que la seuUe ville d'Orléans, où le roy ne soit obéi et qui puisse tenir ung quart d'heure. De vostre cousté, il fauldra continuer comme les choses y sont en très-bons termes, de façon que j'espère que par là toutes choses seront réduictes en pareille transquillité qu'elles estoient auparavant, qui sera fin, pryant Dieu, Monsieur du Ludde, vous avoir en sa saincte et digne garde.

De Bourges, ce iiij® jour de septembre 1 562. Vostre bon amy. Signé : Antoine.

La suscription : « A Monsieur du Ludde, etc. »

87. — 7 septembre 1562. — Lettre du connétable de Montmorency

à M. du Lude.

Monsieur le conte, Tabbë de Saint-Michel-en-rair * m'a faict entendre que les huguenots avoyent assiégé et battu d'artillerye son abbaye du dit Saint-Michel, mais que par le bon ordre qu'il y avoit faict mettre, ses gens ont très-bien résisté pour ceste foys * ; et d'aultant qu'il est adverty qu'ils sont en délibération d'y retourner pour tascher d'exécuter ce qu'ils ont failly la première fois, je vous ay voullu faire la présente pour vous prier de donner ordre que la dicte abbaye ne puisse estre surprinse, qui est, comme j'entends, en lieu de conséquence, luy aidant pour la garder sellon que vous jugerez estre nécessaire ; et oultre que vous ferez chose qui sera pour le service du roy, vous me ferez en particullier grant plaisir, pour ce que j'ay faict donner ladite abbaye au dit abbé qui est de mes parens, que je recongnoistray en tous endroicts que me voulderez employer d'aussy bon cueur que je prye Dieu vous en donner, Monsieur le conte, ce que plus désirez.

De Bourges, ce 7® jour de septembre 1 562. Vostre bien bon amy. Signé : Montmorency.

La suscription : « A Monsieur le conte du Lude, cappitaine de cinquante hommes d'armes des ordonnances du roy ».

88. — 26 septembre 1562. — Lettre de François de Lorraine à M. du Lude.

Monsieur du Ludde, j'ay reçeu vostre lettre par le

1. Jacques de Billy, abbé de Saint-Michel-en-l'Herra. (Notes de Ap. Briquet, p. 321 du t. III de VHist. du Poitou, éd. 1840.)

2. L'abbaye de Saint-Michel-en-rHerm en bas Poitou fut assiégée le 20 juillet 1562 par les huguenots de Luçon et par un capitaine de mer, de la Rochelle, nommé Mesmin. Le siège avait duré quinze jours sans succès. (Chronique du Langon, publiée par M. de la Fontenelle, p. 63.)

seigneur de Fontaines, et bien esté d'advys qu'il aille devers le roy, ayant trouvé très-bon le vostre pour faire rassemblée à Chasteauneuf là où j'espère qu'elle se fera; et au demeurant, les lansquenets qui sont bien près d'icy ayant faict huict et neuf lieues par jour, m'ont requis de leur donner une journée en ceste ville, tant pour leur reppos que pour avoir ce qui leur est nécessaire, et je le leur ay accordé et donné ordre pour leurs estappes d'icy à Poictiers là où ils seront le 2® de novembre ; et de Poictiers en là, je vous prye de pourveoir à leurs dites estappes , en sorte que aucun désordre n'y puisse estre, ce que je me tiens bien asseuré que vous ferez ; et en actendant que je vous voye, que j'espère estre de brief, je priray sur ce le Créateur, Monsieur du Ludde, vous donner sa saincte et digne grâce.

De Tours, le xxvj^ jour de septembre

Monsieur du Ludde, la fourniture qu'il fauldra pour chacune estappe est de six mil pains et de douze muycts de vin. Votre entièrement et parfaict amy. Signé : Françoys*.

Et la suscription est : « A Monsieur le conte du Ludde ».