mars 1564. — Lettre de Charles IX à M. du Lude

Monsieur le conte, j'ay veu ce que vous avés escript à la royne madame ma mère, tant sur les assemblées de ceulx de la noblesse estant de la relligion prétendue refformée avec armes, que pour le regard de ce qui est

advenu avec Tun des frères du sieur de Yërat * et le eappitaine des arquebuziers de vostre garde ; à quoy je vous diray, pour ce qui touche les dictes assemblées, que j'espère que en visitant vostre gouvernement , comme vous mandés devoyr bientost faire 2, et ayant plus amplement vériffié ce qui est des dictes assemblées, vous y saurés si bien pourveoir que j'en auray contentement. Mais quant au cappitaine de vos harquebuziers, je veulx et entends que , suivant ce que je vous en ay naguières bien expressément escript, qu'il s'en vienne sans aucune excuse me trouver là part que je seray pour se justiffier de ce dont l'on le charge, et ne fault pas qu'il y face faulte, car aultrement je m'en prendroys à vous. Parquoy, donnés-y si bon ordre que je n'en tumbe en autre malcontentement, priant Dieu vous donner, Monsieur le conte, ce que désirés.

Escript à Troyes , le 27^ jour de mars 1563 (1564). Signé : Charles. Et plus bas : Robertet, avec paraphe.

Au dos est escrit : A Monsieur le conte duLudde, etc..