JEHANNE D'ALBRET AU SIEUR DE LUXE

19 décembre 1571.

Mon cousin , pour déclarer à mes subgects, qui ont ces derniers troubles porté les armes contre moy et mon estât, la grande affection que j'avoys de les réunir soubz mon obéissance, et qu'il ne tiendro^ qu'à eulx seulz s'ils n'obtenoyent ma bonne grâce, j'ay tousjours faict ceste responce à toutes les requestes qu'ils m'ont cy-devant présentées et particullièrement aux vostres, que j'estois preste à les recepvoir au rang et nombre de mes bons subgectz, moyennant que, premièrement ilz me recognoyssent comme ilz doibvent ; car sans ce poinct c'est en vain qu'ils se travaillent d'obtenir rien de moy ; et affin que vous cognoissiez, et les aultres aussy, en quoy consiste ceste recognoyssance que je requiers de vous au préallable que de passer oultre, c'est que je veulx estre satisfaicte des crimes et faultes passées, et que pour icelles on implore ma grâce que j'impartiray lors d'aussy bonne volonté que j'ay faict à tous ceulx qui l'ont implorée comme ilz doibvent, ce que faisant de votre part vous jouyrez de voz biens et honneurs comme les aultres, sans aulcune difficulté. Et voilà ce que je vous ay accordé par cy devant sur voz requestes, comme encores je le vous accorde soubz la condition susdite. Et quant au point de la relligion, duquel m'escripvez, j'y pourveoiray comme je doibs à mes estats, ainsy que j'ay tousjours resolleu et faict responce à tous ceulx qui m'en ont sollicité sera faict.

Priant Dieu, mon cousin, vous avoir en sa sainte guarde.

Escript à Ayguescaudes1, ce xixe jour de décembre

Vostre bonne cousine.

Jehanne.

Mon cousin , affin que vous ne vous abuziès poinct aux maulvais conseilz que l'on vous donne et vaines espérances, je vous prie me croire cellon la resollution de ceste lettre que je ne puis ny ne veulx changer et vous vous en trouverez bien.

(Bibl. nat. Fr. 15553, fols 340 V. - Copie.)