LA ROYNE DE NAVARRE A SON FILS

21 février 1572.

Mon fils, le long discours que je vous envoyé de tous les propos que j'ay eu avecq la Roy ne et Madame, me guardera de vous faire longue lettre, et suis bien marrie que je ne vous puis mander une bonne résolusion. J'ay veu par ce que vous m'avés escrit que vous vous aprochés à Tartas, sellon ce que nous avions aresté. May s, parse que les affaires se doibvent manier au doit et à l'œil, je vous prie et recommande ne bouger de Béarn que vous n'ayés une segonde dépèche de moy. Et sy vous estiés desja en chemin prenant quelque couverture que vous saurez bien treuver vous en raprocher et y retourner ; c'est mon avis et de ceus qui voyent cler aus affaires d'isy . Car l'on ne parlle que de vous faire venir et haster, mesmes avant la conclusion que la Roy ne m'a dit deux] ou trois foys, despendre de vous, et parse que je voy bien que la dite Dame cuide que tout ce que je lui dis vient de moy et qu'avés quelque opinion à part, comme vous savés que le Roy lui dist, je vous prie quant vous m'escrirés, mandés moy que vous me supliés de me souvenir bien de tous se que m'avés dit, et surtout de scavoir la

voullanté de Madame l sur le faict de la religion, et qu'il n'y a que cella qui vous empêche de vous résoudre, afin que lui monstrant cella de vostre main elle croye mieulx vostre voullonté et cella servira à la bien advenser. Je vous assure que je suis en grand peine, car l'on me brave extrêmement et j'ay toutes les passiences du monde.

Je vous diray que Madame m'a faict tout l'honneur et bonne chère qu'il est possible et m'a dit franchement combien elle vous a agréable ; de la fascon de quoy elle est, et du jugement qu'elle a, avecq le crédit vers la royne sa mère et le Roy et messieurs ses frères, si elle embrasse la religion, je puis dire que nous sommes les plus heureus du monde, et non seullement notre mayson mais tout le royaulme de France aura part en ceste heur. Aussy veu sa prudence et jugement, sy elle demeure opiniastre en sa religion qu'il ne peult estre y estant affectionnée, comme l'on dit qu'elle est, que ce mariaige ne fust la ruine premièrement de nos amis et de nos pays, et ung tel suport aux papystes qu' avecq la bonne voullonté que nous porte la royne mère, nous serons ruinés avec les églises de France. Parquoy , mon fils, si jamais vous priastes Dieu, je vous prie que se soit maintenant ; vous asseurant que je le prie incessamment, afin qu'il m'assiste en ceste négosiasion et que ce mariage ne se fasse en son ire pour nous punir, mais en sa miséricorde pour sa gloire et nostre repos. Au reste, ma seur la Princesse et ma niepse2 sont isy qui s'acordent comme les deus doitz de

1. Marguerite de Valois, fille de Henri II, devenue l'épouse de Henri IV quelques mois plus tard.