JEHANNE D'ALBRET A M. DE BEAUVOIR

11 mars 1572.

Monsieur de Beauvoir, la lettre de mon fils ou j'ay mis toutcequejesçavois, et le discours dont j'ay baillé le mémoire au porteur, que je m'asseure qu'il les vous scaura bien redire, me gardera de vous faire longue lettre. J'ay esté bien aise d'avoir veu par vostre lettre comme vous avez trouvé bon mon discours. Si j'eusse eu le loisir de mettre cestui-cy dernier par escript, vous l'eussiez trouvé mieux faict; mais la nécessité du temps et la bonne mémoire de ce porteur m'en acquitera. Et de vray, vous avez grande occasion d'avoir pitié de moy et me plaindre, car jamais je ne fus menée à la court comme je suis avec desdain. Quant aux honneurs externes, l'on m'en faict assez encores, comme vous scaurez par ce porteur. Ils me voulurent bien faire perdre, par subtilité, celuy que j'avois accoustumé, que le Roy viendroit au devant de moy, et me ramèneroit jusques vers la Reyne. Mais par contre finesse je l'emportay. Car ce que l'on veult avoir de bon icy, il le faut avoir par surprise et avant qu'ils y pensent ; et encores ce qu'ils promettent, ils ont leur dict et leurs dedict, comme du contract d'Angleterre.

Car, parce que la Reyne cuidoit qu'il ne fust vray, elle m'asseura que le Roy ne feroit difficulté de faire pour mon fils ce que le roy Henry avoit faict pour le roy d'Angleterre. Maintenant qu'elle le trouve vray et mesme qu'elle est pressée par les ambassadeurs d'Angleterre de me l'accorder, ayans charge de la Reyne leur maistresse de fonder l'asseurance de leur négociation et de

la nouvelle ligue qu'ils font, sur la probité de quoy l'on usera en ce mariage. Les Allemans autant, qui est cause quelle bransle, tantost par leur crainte, tantost par celle du Pape et des catholiques; elle voudroit bien les pouvoir tous tromper. Quant à moy, je me fortifie d'heure à aultre par la grâce de Dieu, et vous asseure que je retiens bien vostre leçon de ne me mettre en colère, car l'on m'en tente jusqu'au bout. J'ay la plus belle patience que vous ouistes jamais dire ; je pense bien que l'on me rebutte ainsy pour me faire rapporter à des arbitres.

J'ay esté contente que l'on mist par escript , mais à la charge de n'en croire pas ce qu'ils diront, sinon d'autant que ma conscience m'y conduira. Et parce que je voy que cette disputte vient en longueur, n'ayant homme icy qui sache mettre la main à la plume comme faict Monsieur de Francourt, j'ay pensé l'envoyer quérir : vous priant , Monsieur de Beauvoir, qu'il vienne le plustost qu'il sera possible. Je voudrois bien aussy que Monsieur du Lac, Vivier ou La Mire, peussent venir : car il y a des gens assez icy qui s'offrent à moy, mais je ne m'y fie pas : Cavayne1, Brodeau et d'autres qui tiennent, et entretiennent fort la Royne et puis ils me disent ce qu'il leur plaist de leur parlement , mais je vois bien qu'ils ne marchent point droict.

Cela est venu de la Royne d'envoyer quérir le sieur de Francourt, lorsque je lui dis que je n'avois

1 . Arnaud Cavaigne ou de Cavagne, célèbre capitoul et conseiller au parlement de Toulouse, homme habile, ferme et entreprenant, protestant zélé, fut chancelier de Jeanne d'Albret. Ayant échappé à la Saint-Barthélémy, il fut découvert peu de temps après et exécuté en même temps que Briquemault.

icy personne de mon conseil et que j'avois tout laissé avec mon fils. Elle me dict aussy qu'il falloit que vous vinssiez ; je luy dis que vous ne pouviez laisser mon fils; mais nous avons advisé, Monsieur de Beauvoir, que si le faict de la religion s'arreste, que, pour les articles du contract, il sera nécessaire que vous y soyez. Car quant à mon fils, encores qu'ils ne traictent que pour le faire venir, si est-ce qu'il n'est pas besoing que tout ne soit bien résolu. Et encores, s'il faut qu'il espouse par procureur, comme il s'en parle, il ne bougera de là qu'il ne vienne faire l'office qui ne se fait point par procureur.

Vous me mandez que cuidez que le faict sera bien advancé avant que j'aye vostre lettre, mais vous verrez bien par cette cy que non, parce que l'on a changé tout ce que l'on m'avoit mandé et me veut-on coupper toutes les espérances soubs lesquelles ils m'ont faict venir. Vous sçavez combien de fois je vous l'ay dict, je m'y attendois bien.

Quant au faict de Navarre et Béarn, vous voyez comme vos présences y sont requises, vous priant que mon fils s'en approche et tienne tousjours la main que ce que j'ay faict tienne.

Quant à ce que me mandez, que le retour de mon filz donneroit alarme icy, cuidant que mon filz feroit ce que je luy avois mandé , j'avois desjà dit à la Royne qu'il y estoit retourné ; et luy ay dict encores à cette heure , qu'ayant veu Monsieur le Prince, son cousin, il le meneroit voir le pays de Béarn, qui vous est la plus belle excuse du monde. Elle me dict bien tousjours qu'il faut qu'il s'approche, mais je ne suis nullement de cest avis : et, plus je vois les choses, plus je crains qu'il y vienne, si ce n'est pour

un bon effect. Je suis bien aise aussy de quoy vous vous contentez de mon filz : sur tout, tenez la main qu'il persiste en la piété,. car on ne le croid pas icy et dict on que l'on s'asseure qu'il ira à la messe et que pour luy, il n'en fera pas la difficulté que je faicts. Quant au ministre, je pense vous avoir mandé que les églises de Béarn vous en pourvoiroient ; praticquez de bonne heure Monsieur Serarier, pour si mon filz vient.

Quant au faict que je vous ay mandé, advisez ce qu'il faut faire. Quant aux artisans de mon filz, je les envoyeray quérir, je verray comme l'on s'habille icy. La Royne m'a presque voulu confirmer ce queBrodeau m'avoit dict de vous, disant que vous luy avez baillé des espérances de mesmes pour faire espouser mon fils à la messe, par procureur. Je luy dis : «Madame, j'ay grande peine (à croire) que Monsieur de Beauvoir vous ait dict cela, car luy mesme me dict qu'il vous avoit asseuré que cela ne se pouvoit faire. — Elle me dist : Il m'a donc dict qu'il le vous diroit? — Je croy que non, Madame, luy dis je. » A la fin, se voyant pressée et que je ne la croyois pas: « Il m'a donc dict quelque chose, je croy bien qu'ouy, Madame, mais c'est quelque chose qui n'approche point de cela. » Elle se prist à rire, car nottez qu'elle ne parle à moy qu'en badinant, comme vous verrez par le propos que nous avons heu ensemble. Elle m'a bien desdict beaucoup de choses qu'elle avoit dict à Mr de Biron et en sa présence mesme . Ledict sieur de Biron est au bout de ses finesses, il ne sçait ce qu'il doibt dire : car d'un costé, il craint la Royne, de l'autre, je luy reproche, mais en riant, qu'il m'a trompé; il lève les espaules et tasche à bailler des excuses pour la Royne au mieux qu'il peut.

Quant à l'office de juge-mage, j'ay veu ce que m'en

escript aussy Monsieur de Francourt ; Monsieur de la Mire m'en a escript et Monsieur de Fontrailles m'en importune pour ledict La Mire : mon filz et vous autres m'en manderez vostre advis. J'ay remis cela à scavoir des nouvelles de mon fîlz.

Monsieur de Beauvoir, vous verrez bien par le discours de cette dépesche, qu'il y a trois jours quelle est commencée : durant ce temps et voyant l'importunité que la Royne me faict de mettre par escript par l'advis de ceux que j'ay icy, j'ay commencé ce que j'envoye à mon fils, et la Royne mère m'a dit qu'elle le monstrera au Roy après demain, car il ira demain à la chasse, et je fais continuer d'escrire. Il est plus que nécessaire que Monsieur de Francourt vienne, car ceux que j'ay icy, hormis les reservez, qui sont fort uniques et que connoissez, le reste je ne m'y puis fier, car chacun gouverne la Royne à son tour, et ne rapportent au butin que ce qu'il leur plaist. Tant plus je voids le Roy et sa court, tant plus je trouve à dire de ce que l'on nous avoit dict. Je trouve Madame toute refroidie depuis deux jours; l'on dict que l'on s'en va à Paris. Je dis la Royne mère et mon frère, car le Roy demeure, qui faict l'amour extrêmement, mais c'est d'une façon qu'il cuide que personne n'en sache rien. C'est qu'il a faict loger sa maistresse, Mademoiselle Datrie, en une chambre à part, où il va de son cabinet, et est sur les neuf heures ou dix du soir, il feint d'aller escripre en un livre qu'il compose, et va la où il demeure quelque fois jusques à une heure après minuit. L'on dict qu'il feraladiette, mais que ce n'est pour aultre cause que pour avoir plus de liberté d'aller là. C'est pitié que de cette court, je m'y fasche extrêmement.

Le Roy fist hier un beau combat.

Monsieur de Lansac veut laisser l'évesché et le Roy luy doibt donner récompense.

Quant à la beauté de Madame , j'advoue qu'elle est de belle taille, mais aussy elle se serre extrêmement; quant au visage, c'est avec tant d'aide que cela me fasche, car elle s'en gastera ; mais en cette court le fard est presque commun, comme en Espaigne. Vous ne scauriez croire comme ma fille est jolie parmy cette court, car chacun l'assault en sa religion; elle leur faict teste et ne se rend nullement. Tout le monde l'ayme.

Monsieur de Vaux1, le ministre, est arrivé aujourdhuy : La Roche Chandieu2 n'est pas de l'opinion de son compagnon. J'ay retiré tous ce que je voulois, tout va bien de ce costé là. Madame Dusor est une faulse femelle ; elle ne faict que me prescher. Il vous souvient bien de quand elle me voulloit faire donner mon bien? elle m'en fait de mesme pour ce mariage, et je l'escoute et ne sonne mot. Ce qui me fasche le plus, c'est qu'on ne parle que d'avoir mon filz ; encores ce soir la Royne m'a dict qu'il faut qu'il vienne et que l'on veult avoir à faire à luy , parce qu'il est bien sage.

Monsieur de Beauvoir, pour le fonds de ma lettre, je vous prie, plaignez moy pour estre la plus travaillée personne du monde. Car, comme vous m'escripvez, je suis assaillie estrangement d'ennemys et d'amys, et

i. Gilbert Devaux ou De Vaux, ministre protestant de Milhau vers 1561. Après avoir joui d'une certaine influence dans son parti, il l'abandonna à la suite de la conférence de Mantes en 1593.

2. Antoine de Chandieu, seigneur de la Roche-Chandieu, élève de Calvin et de de Bèze, fut reçu, à l'âge de 20 ans, pasteur de l'église de Paris. En butte à d'incessantes poursuites, il dut quitter Paris et se retira en Béarn où il fit de nombreux prosélytes.

ET DE JEHANNE d'aLBRET. 351

ne suis assistée de guière de gens. Monsieur le comte Ludovic de Nassau1 me sert infiniment, et se range tout à moy. Ce porteur vous dira ce que l'on luy en a dict et qu'il en a dict. Je vous recommande mon fils. Renvoyez-moy ce porteur incontinant sans le retenir, car encores que la Roy ne m'ait dict que j'envoyasse quérir mon chancellier et ceux que je voudrois, si est-ce que je ne luy ay point dict la depesche de ce porteur. Je vous diray encores que s'il me falloit estre encores un moys comme je suis, je serois malade, et ne scay si je le suis, car je ne me trouve point à mon ayse. Je vous en manderay plus amples nouvelles par Richardière que je vous depescheray dans huict jours, où j'attendray à le depescher que ce porteur revienne. Il m'a promis de faire bonne diligence ; renvoyez le bientost, je vous prie. Plaignez moy, et je prie Dieu, Monsieur de Beauvoir, qu'il vous donne sa saincte grâce.

De Blois, ce unziesme mars 1 572.

De par

Vostre bonne maistresse et meilleure amye.

Monsieur de Beauvoir, depuis ma lettre ecripte, j'ay parlé à Madame, comme j'escris à mon filz ; je baillay au soir ce papier que nous vous envoyons. Quant à vostre seconde lettre, je vous prie de m'envoyer les besongnes de mon brodeur. Je suis bien aise de la venue de Monsieur le Prince, mon nepveu ; ce sera un moyen

1. Ludovic de Nassau, frère de Guillaume IX, prince d'Orange, fut tué à la bataille de Moock, le 14 avril 1574.

sans soupçon que mon filz luy meyne voir le pays de Béarn, veu mesmes que les choses tournent en longueur de deçà. J'ay veu la lettre de Monsieur de la Gaze1 qui est très-meschante, et ce mot importe tant qu'il me semble, sauf meilleur advis, que mon filz en debvroit avoir l'interprétation. Je le luy mande et à Monsieur de Francourt, afïîn que vous y advisiez ensemble ; car il semble par cela qu'il veuille entendre que ce mariage luy apprestera à rire de ceux de qui il parle. Cela m'a autant fasché que chose que j'aye veu depuis longtemps ; cette crainte n'est pas pour moy seule, comme pouvez penser. Je vous ay mandé touchant le faict du jugemage, je m'en remectz à ce que vous en adviserez avec mon filz; voilà pourquoy, quand Monsieur de Fontrailles m'en a parlé, je l'ay mis à la responce que j'en faicts à mon fils; j'ay bruslé vostre lettre.

Je suis en grande peine avec les reystres; car ils sont après, voians leur argent qui ne peut venir, à pourchasser leurs congez.

L'on n'a point encores accordé le faict de Monsieur l'admirai, car ils le voudroient faire d'ailleurs pour luy laisser une querelle pendante soubz l'ombre d'accord 2 : Monsieur l'admirai peut faire

Je vous diray encores que je m'esbahis comme je peux porter les traverses que j'ay, car l'on me gratte,

1 . Le sr de La Gaze, de la maison de Pons , frère du baron de Mirambeau. Il tint la campagne en Béarn, avec une petite troupe armée de quatre canons, pendant les années 1572 et 1573.

2. Il s'agit de sa querelle avec les Guise pour sa prétendue participation au crime de Poitrot de Méré.