ANTOINE DE BOURBON A M. DE SANSAG
7 novembre 1552.
Monsieur de Sansac,
Je responds par ce pourteurà lalectre que les sieurs
deBresay et Gontay m'avoient, avant votre arrivée de ce costé-là, despêchée par luy, ne servant à ceste cause la présente que de bien bon cœur vous prier me faire le plus tost qu'il vous sera possible entendre de voz nouvelles, me tenant adverty de tout ce que auré trouvé
ou y pourra succéder en estre1
fauldray de ma part vous secourir si bien et de telle sorte de ce que je verray vous estre nécessaire qu'aurez occasion d'en prendre contentement de tant que ma puissance se pourra estendre, suppliant en cest endroict le Créateur, Monsieur de Sansac, vous donner ce que plus désirez.
D'Abbeville, ce 7e jour de novembre 1552.
Vostre bon cousin et amy.
Antoine.
Je n'ay entendu que depuis le siège dernier on ay tiré de JVIonstreulle aucunnes harquebuses à croc, qui me faict penser qu'en aura à suffisance, vous asseurant touteffois que je ne lairray pour cela à vous en secourir, d'aultant qu'il me sera possible comme de toutes autres choses que je verray vous povoir servir selon la puissance, le temps, l'heur, et la commoditté que j'en pourray avoyr.
(Arch. de M. Prévost de Touchimberl. Angoumois. — Autographe.) 1. Déchirure dans le manuscrit.
ET DE JEHANNE d'aLBRET. , 39
Ma mie, j'ay receu à mon retour de la chasse, ou j'ay eu fort beau passe temps, deulx lettres de vous, où an l'unne j'ay trouvé nouvelles de nostre filz ayné1 avecques ung petit bouchet de ses cheveulx que trouve plus beau que bouchet de jardin qui soit à Guallon ni alleurs. Je le vous renvoie suivant ce que m'avez mandé. Je vous prie le bien guarder, puisque s'est papa tout fest, car il ne s'en trouve guères de tel et cherché bien par tout le monde ; j'en crois Madame La Grant, s'il elle n'est pas de mon oppinion, se qui m'en faict demander aulx aultres, c'est que l'on extime jamais ce qui est à soy tant que l'on faict ce qui est à aultruy, par quoy je prie, puisque c'est chose sy rare, le bien conserver et guarder et mieulx que il n'a esté par le passé, et pour récompance, ma mie, je vous asseuray que sy faictes inssy, que il ne se trouvera mary qui soit plus sain et plus délibéré de vous complaire et contenter que moy, supliant Dieu, ma mie, vous en donner la grâce, avecques heureuze et longue vie.
De vostre affectionné mary et léal amy.
Antoine.
(Bibl. nat. Fr. 8746, fol. 48. — Autographe signé.)
1 . Ce fils aîné était Henri de Bourbon , duc de Beaumont au Maine, né le 21 septembre 1550 et mort à la Flècbe le 20 août 1553.
ANTOINE DE BOURBON A JEHANNE d'ALBRET.
Ma mie, suivant se que m'avez mandé, je vous envoyé le sieur de Domaisan1, vous en ferés, luy arivé, se qu'il vous plaira, car je luy ay ainsy ordoné. Cella fait, je vous prie le renvoyer, affin qu'il vienne aprendre à ung jour nous faire servisse. J'ay bien eu grant peine à luy faire abandoner les affères qui se présente et non sans raison, mais aussy tost que je luy ay fait entendre que s'estoit ma voulonté, je l'ay trouvé fort hobéissant. Je le vous recomande, despéchés-le bien tost avecques nouvelles de la mère et des enffans qui seront plus que très bien receues.
Qui sera la fin, ma mie, de suplier Dieu vous tenir et la petite bende en sa saincte guarde2.
De Jully, escript sus ung genoulx.
De vostre très affectioné amy et plus léal mary.
Antoine.
(Bibl. nat. Fr. 874G, fol. 111. — Autographe signé.)
Son second fils Louis-Charles de Bourbon, comte de Maries, né au château de Gaillon, le 19 février 1552, mourut la même année. Cette lettre ne peut donc être que de 1552.
1. Valentin de Damezan (Damesain ou Domesain), d'une ancienne maison de Biscaye, chevalier de l'ordre du roi. En 1567 il se souleva contre la reine de Navarre; cf. Olhagaray, p. 573 et suiv.
2. Antoine veut parler de ses deux fils, alors existants, Henri duc de Beaumont et Louis-Charles comte de Maries.
Ma mie, je sui se jourduy arivé en ceste court et se jour mesmes prins congé du Roy pour vous aller voir cellon se que je vous avois prommis. Je n'ay voullu faillir vous en avertir, affin que, s'il est possible, je vous puisse trouver samedy ou dimanche à Potiers, ou pour le moins bien près de là ; ce que je vous en prie n'et pas pour espargner ma peine, mais pour d'aultres raisons que je vous diray quant je vous voirés, qui ne sera jamais si tost que le désire
Vostre bien bon mary.
Antoine.
(Bibl. nat. Fr. 8746, fol. 108. — Autographe signé.)
Ma mie, sy je pansois vous povoir mander novelles qui vous fussent plus agréable que de [vous] prier de me venir trouver, de bien bon cueur je le ferois ; mes m'aiant tousjours fait connoistre que ne désiriez plus grant contentement que d'estre auprès de la persone
du monde que vous aymés le plus, je vous veulx bien aussy de ma part suplier de croire que plus grant bien et plaisir ne me sçauriés vous faire que de vous randre le plus souvent et le plus près que vous pourrés de moy ; car maintenant pour certain je congnois que je puis aussy peu vivre sans vous que le corps fait entier sans l'esprit; par quoy, aultant qu'il m'est possible, je vous prie vous en venir droit à Gongnacq, où je vous attendre en intention que vous y trouvères l'oste et la chambre aussy préparé à vous bien recevoir et fère bonne chère qu'en lieu où vous fustes oncques.
Qui sera la fin, ma mie, de suplier Dieu vous donner bonne et heureuse vie.
De vostre très affectioné amy et bien léal mary.
Antoine.
Vergier et Marguerite trouveront ycy mes recommandations de bon cueur à leurs bonnes grâces.
(Bibl. nat. Fr. 8746, fol. 105. — Autographe signé.)
ANTOINE DE BOURBON A JEHANNE d'ALBRET.
Ma mie, j'ay veu la lettre que par Chipittona m'avez escripte, par où me mandés de la deffaveur qu'a receu se pais, je n'en suis pas cause, et que je feré bien de le faire connoistre au Roy. Ma mie, il me semble que je ne me dois mestre en peine de cella, car le roy m'en a
sy bien satisfect que je ne scaurois désirer mieulx par unpropoz quil eustavecques monsieur le Connestable, luy disant : « Sy j'eusse creu monsieur de Vendosme, cella ne me fust pas arrivé, et que je luy eusse laissé les forces qu'il avoit. Vous ne l'avés voullu croire et avez esté cause que je luy ay hosté les forsses qu'il avoit pour n'en riens fères. » Il se quida excuser qui ne panssoit point qu'il deut ariver ainsy; le Roy redoubla : « Mon compère, je ne l'ayjamaistrouvé menteur en chose qu'il m'est mandé, et m'a toujours averty à la vérité. » Quant monsieur le Connestable a veu cella, il a dit au Roy que j'avois faict ce que homme de guerre du monde povoit fère, et qu'il n'estoit possible de plus diligamment et soigneusement pourvoir à tout que j'avois faict ; et jusques à dire que au château de Hédaing je y avois mis seulx qui m' avoit commandé, et que luy
et le conn 1 avoit choisy les hommes ; par coy il ne
c'en povoit prendre que à luy mesmes, et que l'eust
mieulx vallu m'an laisser 2 et que j'entendois mieulx
le pais et les hommes qui y font servisse que luy, par quoy ung aultre fois il m'en lairoit fère. J'ay espérance que sy me laisse fère, que je la remetré entre lé mains du Roy, avant qu'il soit trois semmaines pour le plus tart, et puis seray à vous, je vous donne le terme long, affin que sy plus tost je vous vois que vous le trouviez milleur. Au demourant, je vous diray que l'aultre jour monsieur de Aumalle allant à la suite du marquis le plus sottement qu'il povet, fust prins, et monsieur de Rohan tué3. Mes que je le sçache mieulx au vray, je le
