GUI

JEHANNE D'ALBRET AU CONNÉTABLE DE MONTMORENCY

Mon cousin, je n'ay voulu faillir, Dardonet m'advertissant qu'il envoyoit devers vous, vous escrire ce mot pour vous suplier, mon cousin, continuer envers le Roy mon mary et moy, ceste bonne voulonté acoustumée, et maintenant que je m'asure qu'il aura à faire de vostre bon conseil1, luy estre tel comme il espère, et à moy, me tenir en sa bonne grâce. Dardonet atendra vostre commendement. Je vous suplie, mon cousin, l'avoir tousjours pour recommandé, car il vous est serviteur et bon subjet au Roy mon mary, et à moy.

Espérant avoir bientost de voz nouvelles, je supliray Dieu vous donner ce que vous desirez.

Vostre bonne cousine et parfaicte amye.

Jehanne.

(Bibl. nat. Fr. 3152, fol. 19. — Autographe signé.)

1. Cette lettre paraît être de 1556, de l'époque où Henri II, fidèle au plan d'abaissement de la maison de Bourbon suivi par son père, venait de démembrer la Guyenne dont Antoine de Bourbon était gouverneur et de montrer par mille moyens au roi de Navarre son mécontentement. On sait que le but de ces vexations était la suppression du royaume de Navarre et son annexion à la couronne de France.

ET DE JEHANNE d'aLBRET. 139

GIV.

Ma mie, j'ay receu la lettre que par ce porteur m'avez escripte, par où me mandés que je monstre à Caries ung lieu pour planter voz mouriez, ce que je feré. Il me semble bien qu'il n'i a lieu plus propre que le long du coustaulx des prés ou nous joions aux barres. Quant aulx miens, vous les ferés planter au bout du pont de Guave1, où déjà il y a des fosses faites que le président Bertomio a fait faire. Voilà pour les mouriés ce que vous ferez ; mes pour le jardin da hault, sy Perguade n'aporte les aubres, ne touchés audit jardin, pour ce que il fault premièrement faire le plant du bastiment. Touttesfoys s'yl estiont venus, faistes les planter à l'alée du milieu et aux allés qui traversent ladite allée du milieu. J'arivé des hier à disné an ce lieu, et n'ay encorres novelles du révérendissime. Je ne scay sy ce movez temps luy aura point diminué sa collère pour apetissé ses journées. Je croy bien que, sy ne se trouve pas mal, que il sera ce soir ycy, pour le moins je luy attemptz. Quant au pacquet touchant le fait de ma cousine que vous escrivez à nions1" de Mande et de Royssy2, je bailleray au filz de Loseret pour le bailler à protenostère de Miocenlx ou luy

1. Le Gave, rivière qui baigne les jardins du château de Pau.

2. Henri, seigneur de Roissi, de la maison de Mesmes en Béarn, chancelier du royaume de Navarre.

mesme le porter seurement a Monsr de Mande. Il me tarde bien que je ne soie de retour vers vous pour faire bonne chère et aussy pour mon petit mesnaige. Je ne pers heures qui ne me vallent jours.

Qui sera la fin, ma mie, après vous avoir asseuré que la diligence ne sera pas moindre à mon retour qu'à l'aller, de suplier Dieu vous donner et à noz anffans longue et heureuze vie.

Vostre bien affectioné amy et plus loial mary.

Antoine.

Ma mie, je ne vous feré la présente fort longue par ce que j'ay déjà ung pied a l'estrié et mal acomodé pour escrire, seullement vous diray qu'à la lettre que le prince Grizon m'a escripte, je ne lui feré responce que ce soir par ung hérault exprès ; et à vous je avertiray que nous serons aujourduy qui est dimanche, à S. Justin1, lundy àHaire2, mardy à Arzacq3, mercredy à Morlas4. Je ne sçay sy nous pourions par noz grandes