Village du Poitou

seray que tout se conduira, Dieu aydant, à son honneur, au bien et repos de vostre service, et à la punition des méchantz ; estant desplaisant que je ne suys en santé pour y aller en personne.

(Bibl. de Sl-Pétersbourg, collect. d'autographes, vol. LU. — Autographe.)

ANTOINE DE BOURBON A HENRI II

8 juillet 1559.

Monseigneur , j'ay receu la lettre qu'il vous a pieu m'escrire par Lavaur, présent pourteur, et de luy entendu ce qu'avés remis sur sa créance me dire ; sur quoy je ne me puis bonnement persuader par qui les propos qu'on vous a rapporté ont esté inventez, ne penser autre chose de ceulx qui les tiennent, sinon que c'est pour me conseiller plustost ce que je debvrois faire selon les tortz que je reçoy du roy d'Espaigne, que pour nulle occasion que j'aye depuis la paix cherché de renoveller aucunne praticque; en quoy je ne serois jamais si mal avizé de venir à l'exécution, sans vous en donner au préalable avys. Mais où la fortune me vouldroit estre si propice que de me faire, sans aucunne mienne poursuitte, offrir par quelcun de mon bien, encores que je n'en saiche point de si consciencieux, je croy, Monseigneur, que vous trouveriez plustost mauvais que bon si j'estois si desdaigneux de le renuzer. Et parcequ'il vous a pieu cy devant, ce me semble, me mander qu'il y avoit six moys de terme

pour faire déclairation de ceulx qui seroient compris en la paix, vous me feriez beaucoup d'honneur, quant il vous plairoit, comme je vous en supplie très humblement, me faire avertir du temps de l'expiration pour me donner moien de conseiller à ma femme et à mon filz ce que le debvoir de mary et de père m'ordonne, si je puis, estant mesmement question de leur bien et non du mien, lequel ne me dominera jamais tant que de faire d'un seul point détourner le désir que j'ay de continuer à vous faire paroistre que vous n'eustes et n'aurez oncques subgect ny parent qui vous obéisse et révère mieux que je feray; m'estimant encore heureux de ce que ceulx qui vous veulent inprimmer ses oppinions , ont prins quelque estirnme et crainte de moy, qui me repputteray tousjours grandement favorizé, si cela, mon bien et ma vie peuvent servir de quelque chose au bien de vostre service, pour lequel je n'ay chose en ce monde tant chère que j'y veuille aucunnement espargner ; ce que je vous supplie croire, et au créateur vous donner, Monseigneur, après m'estre tant et si très humblement comme je puis, recommandé à vostre bonne grâce, en parfaicte santé, très heureuse et fort longue vie.

Escript à Nérac, ce viijc jour de juillet 1 559.

Vostre très humble et très obéissant frère et subject.

Antoine.

(Bibl. de S'-Pétersbourg, collection d'autographes, vol. LU. — Original signé.)

GXXXVI.

ANTOINE DE BOURBON AU DUC DE GUISE

10 octobre 1559.

Monsieur mon compaignon,

Monsieur le duc de Guise, Monsieur mon compaignon, parcequeje désirerois, comme meshicy il en est temps et fort raisonnable, de mettre fin au procès d'Alençon1, qui a, comme scavez, prins ung si long traict, et ne reste plus à cela que d'en passer la transaction suyvant l'accord qui en feut faict du bon plaisir du feu Roy, Monseigneur, que Dieu absolve, je vous ay bien voulu prier par ceste lettre, vouloir mander les gens du Roy de se trouvera Volinsaut ou Vallery, lorsque ledit seigneur y pourra estre, afin d'en faire une résolution. Et espérant que vous en voudrés prendre tel soing et y faire si bon debvoir que si c'estoit pour vostre propre fàict, je lairray ce propos pour vous dire et asseurer, Monsieur mon compaignon, que si j'avois moyen de m'en revancher en quelque chose pour vous par deçà ou ailleurs, vous me trouveriez prest et disposé à y faire tout ce qu'il me seroit possible; mais ce seroit d'aussi bon cueur comme de semblable affection je me recommande à vostre bonne grâce, priant le Créateur vous

i. Le duché d'Alençon, confisqué et restitué successivement plusieurs fois par les rois de France, possédé jusqu'en 1549 par Marguerite, reine de Navarre, mère de Jeanne d'Albret, était réclamé par la couronne. Une transaction survint en 1559, par laquelle il fut attribué comme douaire à Catherine de Médicis.

donner, Monsieur mon compaignon, bonne et longue vie.

De Paris, ce xe jour d'octobre 1 559.

Vostre plus affectionné cousin et milleur compaignon.

Antoine.

(Bibl. de Sl-Pétersbourg, collection d'autographes, vol. LU. — Original signé.)

ANTOINE DE BOURBON AU DUC DE GUISE

15 janvier 1559 (1560).

Monsieur mon compaignon, ce gentilhomme estant prest de partir, j'ay receu lectre du Roy1, du deulxiesme de ce mois, avecques la vostre que m'a envoyée Monsr de Jarnac , par lesquelles ayant congneu la suspition en quoy vous êtes de delà, que les rebelles d'Escosse, avecques l'aide de leurs voisins, entreprennent quelque chose sur la Guienne, j'escris présentement à Monsr de Burye qui m'avoit accompaigné en ce voiage de Bourdeaulx , s'acheminer le plus diligemment qu'il pourra, du costé de la Rochelle, et ce pendant y faire tousjours marcher sa compaignie pour favoriser ledit sieur de Jarnac à la Rochelle, ou les aultres endroitz de la coste de la mer qui en auront besoing, de tout ce qui luy sera possible. Toutesfois, pour que, s'il y a en leur entreprinse de l'intelligence, il me semble qu'il seroit bon d'esloigner tous ceulx qui