LE ROY CATOLIQUE

Monsieur mon fils, je n'é ausé plus tost vous mander l'extresme ennui que j'é de la perte que j'ai fayste de la royne ma fille, laquele je resant telement que Vostre Majesté m'escusera cet je ne l'en puis reconforter, come yl seroyt résonnable; et en dus sortes ayle m'ayst grande, la première pour m'estre tieule que je m'aseure qu'el a fayst conoystre à Vostre Majesté et l'aultre pour le bien que c'étoyt de la conservation de la pays et amytié entre le Roy vostre frère et Vostre Majesté, lequel je ne veulx penser que un si malheureus ayvénement aye puisanse de rompre ni dimineuer, veu l'inteusion que je conoys au Roy mon fils de vous demeurer frère et meilleur amy, cet que de ma part mestré pouine de lui augmenter et fayr persévérer comme cela qui luy ay resté l'aubligatiou du trétement que la royne ma fille ha eu et l'amitié que je say qu'ele portoyt à Vostre Majesté, qui ni'aublige, l'ayent tant aymaye, come j'é fayst et foys encores au lieu au elle ayst, que le plus greut plésir et désir qui m'en reste c'et de avoyr moyen de fayr servise à Vostre Majesté et le plus grent réconfort que je an puisse prendre c'et de avoyr entendu la grase que Dieu lui ha fayste d'estre morte si bonne crétienne et catolique, m'aseurant qu'el est en gloire auprès de luy et qu'ele prira pour la prospérité de Vostre Majesté et conservation du Roy son frère et de l'amitié et unions de

vos dus Majestés, qui est cet que de tust son cœur désire celle que vous sopplie avoyr tusjour en recomendation cet que la royne vostre femme vous a lésé de gage et croyre cet pourteur de set qu'il vous dira de ma part, enn atendent le personnage que nous envoyons.

D'Orléans, ce xme de novembre 1 568.

Vostre bonne mère et seur,

Caterine.

1568.— il novembre.

Copie. Bibl. nat. fonds français, n" 1075a, p. 90.

A MONSIEUR DE FORQUEVAULX.

Monsieur de Forquevauls, je ne vous puis dire assez le mal et regret que ressents de la mort de la royne ma fille, l'aymant comme je m'asseure que sçavez; et par ce porteur que je sçay pouvoir parlera son maistre,je luy ay bien vouleu escripre une lettre, laquelle lui baillerez de ma part et lui direz que c'est en attendant le personnage que luy envoyera le Roy mon fils pour le visiter de nostre part, car sachant combien la royne ma fille l'aymoit , je ne puis que ceste affection ne m'en soit demeurée et que je n'aye la mesme envie de lui servir et voir conserver l'amitié entre le Roy son frère et luy comme je sçay qu'elle désiroit , et me semble, en ce faisant, qu'elle doict voir et ressentir l'amour que je luy ay porté et porte encore où elle est, m'asseuranl qu'elle est avecque Dieu, veu la fin qu'elle a faicte, qui m'est le plus graut réconfort que j'ay et de penser qu'elle a laissé deux filles qui seront un ferme lien pour contenir ces deux Roys en l'union que je désire; à quoy, de mon costé, je n'oublieray rien de ce qu'y pourra servir et vous prie de les luy recommander, encores que, luy estant filles, il soit superflu; mais ayant tant aismé la mère et, ne m'en estant resté d'elle

que cella, je les ay mises au mesme lieu et ne me puis garder de luy supplier de les avoir en la recommandation que je ne doubte point qu'il a. Je ne vous mande rien de nos affaires, car vous aurez eu toutes nouvelles par le courrier qui partit hier, qui me faira meslre fin, priant Dieu vous avoir en sa sainte garde. D'Orléans, ce quatorzième de novembre i568.

Caterine.

1568. — i4 novembre.

Orig. Bibl. liai, fuinls français, n° 3s20 , f 96.

A MON COUSIN

MONSIEUR LE DUC DE NEMOURS

Mon cousin, oultre mon aultre lettre que je vous escrys par ce porteur, il m'a semble' vous debvoyr faire ceste-cy pour vous dire que sur l'advis que vous nous donnastesdu cappitayne Hyéronyme, des intelligences qu'il avoyt du costé de Bresse et aultres siennes qualitez, je me suys depuys enquis tant du pre'sident de Birague que plusieurs aultres de la vie dudict Hyéronyme et ai entendu d'eulx-mesmes dudict président qui m'a dict avoir tenu fort soigneusement l'œil sur luy et de bien près observer ses actions, que l'on n'a jamays rien cogneu en luy de mauvays, ny descouvert aulcun indice qu'il fust pour suyvre les vestiges de son frère, ce que voyant, mon cousin, et aussi qu'il nous pressoyt fort de son retour, nous lui avons plus voluntiers accordé qu'il s'en retournast par dellà faire sa charge sans le retenir icy plus longuement; raays ce n'a pas esté, mon cousin, sans que premièrement nous luy ayons bien dict nostre avis et recommandé surtout d'estreen sadicte charge plus fidelleet meilleur catliolicque que son frère, dont j'ay bien voulu vous faire ce petit discours, allin que par iceluy vous entendiez ce qui nous a meu à le renvoyer par dellà et vous prye,

mon cousin, luy remonstrer aussi, de vostre part, qu'il ayt à se comporter si fidellement (ju'il nous donne tusjours occasion de luy continuer sadicte charge; priant en cest endroict le Créateur vous avoyr, mon cousin, en sa saincte garde.

D'Orléans, ce xiine jour de novembre

Vostre bonne cousine,

Caterine.

1568. — ii novembre.

Orig. Bibl. nal. funds français, n° 3a9D, f* 98. A MON COCSIN

MONSIEUR LE DUC DE NEMOURS

Mon cousin, vous entendrez par la lettre que le Roy monsieur mon filz vous escript l'occasion pour laquelle nous avons pu à présent toucher à ce que le cappitaine Hiéronime nous avoit apporté des desseings de la ville et citadelle de Lyon, nous ayant semblé qu'il estoit meilleur d'attendre à l'année prochaine que l'on regardera de bailler quelque bonne assignation pour y faire besoigner, eteependant nous vous renvoyons ledict cappitaine Hyéronime pour continuer sa charge par delà, luy ayant bien remoustré combien nous désirons qu'il y serve et soigneusement et fidellement, ainsi qu'il nous a asseuré de faire; et ne vous estant faicte la présente à aultre fin, je prie le Créateur vous avoir, mon cousin, en sa garde.

Escript à Orléans, le xiih* jour de novembre 1 568.

Caterine.

1568. — i5 novembre.

Copie. Bibl. nat. fonds français, n° 1075a, p. 99.

A MONSIEUR DE FOURQUEVAULX.

Monsieur de Forquevauls, je vous ay bien

voulu faire ce mot, estant arrivé le sieur de Lignerolles, par ce porteur que vous ay despesciie' exprez pour vous advertir couime je ay receu rostre mémoire escript de vostre main et entendu par lui bien au long touttes choses, comment elles sont passées à mon grant et tel regret que de ma vie, quelque chose qui puisse estre, ne fera que je n'aye dans le cœur la perle que j'ay l'aide de la roync ma fille et encore que je désire, comme mère, de voyr, s'il est possible, sa sœur au mesme lieu, si est-ce que cella ne m'ostera la douleurquej'ensents;mais, comme j'ay dict déjà, estant mère et obligée au Roy leur père, comme je suis, je doibs chercher, non pour mon réconfort (car à tant de maux que j'ay la mort est le plus beau que sçaurois avoir), mais pour le bien de ce royaulme à qui j'ay tant d'obligations et la conservation de la paix entre ces deux roys, tous les moyens pour essayer d'y parvenir. Et ayant veu le language que le prince d'Evoli vous a tenu, je connois par là qu'ils vouldroient avoir la princesse Anne, et le Roy mon fils eust sa jeune sœur, et ma fille en Portugal. En première face cella semble beau, les voyant tous accommodez et espousant les deux sœurs, que la paix sera par elles entretenue; et cela seroit bon, si l'on n'avoit veu l'espérience, qui est récente , du Roy mon beau-père qui n'ayant aultre alliance que la sœur du feu empereur Charles, il ne laissa d'estre toutte sa vie en guerre avec lui; et ce seroit le semblable, car n'ayant l'alliance réciproque des deux maisons, sçavoir que l'un print ma fille et l'aultre sa niepce, je n'estimerois ceste alliance qu'à demi; car vous sçavez qu'elle seniroit plus au Roy Catholique qu'au Roy mon fils, pour les raisons qu'ayant la connoissance des choses du monde, comme avez, pouvez juger; car il auroit icy une personne qui làiroit par

ERINE DE MÉDICIS.

le conseil de luy et de sa femme ce qui lui seroit mandé et le Roy mon fils u'auroit personne, comme jusques icy il a eu auprès de lui, qui fist ryeii pour le bien et service de ce royaume, n'y ayant plus sa sœur, où y remettant ceste-icy qu'avons encore ce seroit une perpétuelle paix, espousant le Roy mou fils la fille aisnée de l'Empereur et la seconde le roy de Portugal, car le roy d'Espaigiie et l'Empereur c'est une mesme maison, et s'ils veulent reconfirmer leurs alliances, il a deux filles et l'Empereur des fils. Pour ceste occasion je vous ay voulu faire 'la présente, afin que reguardiez touts les moyens pour gaigner le prince d'Evoli, lequel, en ce faisant, fera pour lui, car on oubligera en un coup trois grands princes : le Roy mon fils, en lui faysant laisser la femme qu'il tient desjà pour sienne, et laquelle l'on ne luy peutoster sans qu'il pense en recevoir tort; l'autre, le roy de Portugal, luy laissant la seconde fille de l'Empereur; et un grand service qu'il faira au roy son maistre le destourner d'offenser le Roy mon fils, qui n'est pas de si peu de cœur qu'il ne s'en ressentit. Et tout cecy luy pourrez remonstrer, en luy parlant du mariage du Roy mondict fils et du tort que l'on lui fairoit, sans lui parler de ma fille si ne commissiez le pouvoir fayre si destrement qu'il ne pense nullement que j'en sache rien. Mettez peine aussi de gaigner le confesseur, luy remonstrant le mal que ce seroit pour la chrestienté s'il advenoit altération d'amitié entre ces deux roys. Rref vous estes sur le lieu et connoissez mieulx comment il s'y faull gouverner; et vous en ay seulement voulu mander mon intention et vous regarderez les moyens qu'il fauldra tenir. Surtout qu'il ne pense pas que vous en aye rien mandé. Et en ce que les pourrez gaigner soit par pressas ou promesses, n'y espargnez ryen ny à Cayes ni à

tous ceulxqui nous y pourront servir. Le Hov mon fils envoyé le cardinal de Guise pour se eondouloir de nostre perte commune, assistez-le et prenez guarde à nous sçavoir rendre compte de tout ce qui se passera et ne lui dictes rien de ce que je vous mande cv-dessus, encore qu'il vous en parle, mais aidez- iuy en ce que connoistrez nous y pouvoir servir, car je de'sire infiniment voir ma fille là et que le Roy mon fils eust la fille aisnéc de l'Empereur. Pour ce, n'y oubliez rien de ce qui y pourra servir et bruslez ceste lettre et m'en faictes response par ce porteur mesme en une lettre à part.

D'Orléans, ce xv° de novembre 1 568.

Cateiïine.

1 568. — 1 5 novembre.

Ant. Arcli. nat. collect. Simancas . K i5n. pièce 106.

A MON FILS LE ROY CATOLIQUE

Monsieur mon fils, le Roy vostre frère et moy pour l'estresnie ennui que avons eu et ay eu de la perte qu'il a plus à Dieu nous fayre avoyr de la mor si soudayne de la royne ma fille n'avons peu plus tost fayr le devoyr de vous envoyer visiter et nous condolouir de nostre mal comeun, lequel m'est tieul que, san l'ayde de Dieu et la conoysanse grende qu'ele a eu de lui à son dernier jour, je ne panse qu'i me feut posible porter le mal et ennui que je an sans; mes couoysantquec'etlui qui me l'avoyst donnaye et mise pour la consolation de ma vielles au lieu au ayieaystoit près de Vostre Majesté, il fault aussi que je me résolve qu'i me la povoytaulter, quant y lui pléroyt et, si pour mes péchés y m'a voleu léser après ayle.yl me fault conformer à sa volonté et prendre en pasiense set que je lui suplie me douner cet qui lui plest corne je replie

Votre Majesté volouir fayre de son coûté ynsiu que je prie de lui dire de ma part mon cousin le cardinal de Guise que le Roy mon fils lui envoyé pour fayre cet aufice, corne ausi je lui suplie du volouyr contineuer en sa bonne grase celc qui n'oublira jeamès le bon trelement que la royne sa fille ha reseu de Vostre Majesté et metra pouine de rendre l'aubligation qu'el an resant en luy faysant eu tûtes aucasions tus les servise qu'el aura moyen; le priant avoyr pour recomenclée lé dus vnfantes ces filles et ayscurser l'amour de mère si l'i recomende cet que set lui aystre cnn asés de recomendation,qui cera la fin, supliant Dieu donner à Vostre Majesté l'heur et félicité que lui désire.

D'Orléans, cet xve de novembre i568.

Cateiïine.

1 jijS. — iii novembre,

Copie. Bibl. nat. fonds français, n° 10703 , p. i5i.

A MONSIEUR DE FOURQIEVALLX.

Monsieur de Forquevauls, je vous ay bien voulu taire ceste lettre pour vous dire comme envoyant mon cousin le cardinal de Guise par delà, qui est personnage et de la maison et des autres bonnes qualitez que vous sçavez. nous luy avons pour tous ces respects et pour l'amitié que nous luy portons, baillé plusieurs grands points et affaires à traicter avec le Ro\ Catholique monsieur mon bon fils, desquels, comme il est très prudent et advisé, et selon la charge qu'il a de nous , il ne fauldra pas de vous communiquer et faire la part comme nous luy avons dil, comme aussi je m'en asseure et vous en prie bien que, de vostre coslé. vous luy porterez à son arriver audiences et durant son séjour par delà tout l'honneur cl respect tju'il mérite et que vous sçaurez.

bien faire, l'advertissanl particulièrement des choses que vous penserez pourvoir servir à sa négociation et des humeurs des personnes avec lesquelz il auraàtraicter, selon la longue connaissance et pratique que vous avez des affaires de delà; vousasseurant, Monsieur de Forquevauls, que vous ne nous sçauriez faire plus grand plaisir que d'en user de ceste façon pour l'espérance que nous avons que colla servira grandement à rendre le voyage de mondict cousin par delà aussi utile et profitable que nous désirons et attendons; priant Dieu, Monsieur de Forquevauls, vous avoir en sa saincte et digne garde.

A Orléans, lexvi'jourde novembre 1 568.

Catf.rine.

[1568. — 16 novembre.] Minute. Bibl. nal. foo<ls français» n" 15919, f" 122.