A MONSIEUR LE COMTE RHINGRAVE

Mon cousin, le Roy monsieur mon filz et moy avons receu grand conlantemenl d'entendre que mon cousin le marquis de Bade n'avt voulu en aucune façon secourir ses ennemys et qu'ayant congneu la vérité des trouilles où nous sommes il ayt mieulx aviné faire service au Roy monsieur mon filz, ce qu'il n'oublira jamais, et la bonne volunté qu'il a faicte au royaume monstre bien qu'il veut succéder à ses prédécesseurs , qui ont esté de tous temps si bons amys et alyés de ceste couronne. Je veus que l'asseuriés de ma part que je tiendray la main en tout ce qui le concernera , de sorte qu'il en aura contantement. Cependant le Roy monsieur mon filz lui envoyé une lettre de retenue pour quinze cens chevaux, lesquelz il lèvera, quant on le luy mandera et (jue nous en aurons plus de besoing que nous n'avons pour le présent et, aussy qu'ilz viendraient trop tard s'il ne vouloit desbaucher de ceulx qui sont avec le duc de Casimir, lesquelz estant desjà tous portez en ce royaume, serions bien contantz de les recevoir et soudoyer soubz sa charge jusques à tel nombre qu'il pourrait retirer d'avec ledict duc Casimir, qui serait d'autant alféblir noz ennemys et fere très signalé service à ceste couronne duquel il serait

a jamais mémoire. Toutesfois, si c'est chose qu'il ne puisse fere, le Roy mondict filz est très contant qu'il vienne avec sa petite troupe , s'asseurant qu'il sera receu comme il mérite et qu'il luy fera si bon Iraictement qu'il congnoistra n'avoir faict peu de chose de se mettre en la bonne grâce d'un si grand prince qu'est mondict filz.

(Au dos.) A Mr le comte Reinlgrave, du xvie janvier 1 568.

iq mai.

Imprimé dans le lome III de VHisloire de Bretagne, de dom Morice. p. i358.

- Catherine, par la grâce de Dieu royne de France, mère du Roy, à tous ceux qui ces présentes verront, salut : savoir faisons que, nous mettant en mémoire les grandes, dignes et recommandables services que ceux de la maison de Rohan ont faits à cette couronne et de combien leur postérité en est aujourd'hui recommandable; considérant aussi les grandes, rares et louables vertus qui sont en la personne de nostre très chère et amée cousine Eléonore de Rohan dame de Guemené, qui nous meuvent de l'approcher auprès nous en quelque lieu et garde , qui soit condigne à sesdites vertus ; pour ces causes et autres considérations à ce nous mou vans, nous avons icelle nostredite

cousine cejourd'hui retenue et retenons en Testât et place de l'une de nos dames, pour par elle doresnavant nous y servir aux honneurs, autorités, prérogatives, prééminences, privilèges, franchises, libertés cl émoluments accoutumez et audit estât el place appartenant et aux gages que luy seront cy après ordonnez par les estais de nostre maison, tant qu'il nous plaira. Eu tesmoin de quoy nous avons signé ces présentes de nostre propre main et à icellcs l'ait mettre et apposer nostre scel.

Donné à Paris, le xixe jour de may i568.

Caterixe.

Brulart.

1568. — 1 8 juin.

Copie. Bibl. nat. fouets Moreau, n° 761, f° 70 *'.