A MONSIEUR DE FOURQUEVA.UX

Monsieur de Forquevauls, je vous ay bien voulu faire ce mol pour vous dire que je désirerais que feissiez trouver façon à Monsieur de Sainct-Estienne 1 de venir jusques icy me trouver et que personne ne se double que ce soit de mon mandement non seulement où vous estes, mais icy mesme, d'autant que personne ne sçait ceste despeche que moy seulle, qui me faict vous prier que cecy soit mené secretlement et qu'incontinent la présente resceue trouviez le moyen qu'il parle. Je l'escripts à la royne ma fille par la lettre icy enclose. Dictes-luy que nul ne le sache et luy faictes lire la lettre en vostre présence et la reprenez pour la brusler en vostre logis. Je m'asseure vous en avoir assez dict pour entendre ma volonté que vous mettrez peine d'en suivre, qui sera cause que fairay fin, priant Dieu vous avoir en sa saincte garde. De S'-Maur, ce xxie jour de may 1 567.

Caterine.

1567. — 37 mai.

Copie. Bibl. nat. fonds français, n° 10751, f° 811.