EIU.NE DE MEDICIS

advisé d'envoyer un pouvoir au cardinal d'Armaignac et de le faire assister par le président des Arches pour y faire poser les armes, ainsy que je m'asseure (|ui leur sera aizé, car les fréquentes dépesches que j'y av laides auront disposé et préparé les ungs et les aultres à cela. Le grand Prieur m'a encores ces jours icy escript de Narbonne qu'il me viendra incontinent trouver, comme il eusl fait il y a desjà quelque temps, s'il eust eu de l'argent : il vous plaira avoir souvenance de la prière que vous ay faicte dernièrement de luy en donner. Je verray, estant audit Castelnaudarry, l'acheminement qui aura esté fait en l'exécution de vostredit édit en ce gouvernement de Guyenne , et regarderay aussy à pourveoir pour le Languedoc, afin de me résouldre, selon que je verray les choses, à prendre le chemin de mon retour, pour vous aller retrouver par les lieu\ où ma présence pourra le plus servir pour le bien de voz affaires. Cependant, Monsieur mon filz, je loue bien fort qu'ayez derechef renvoyé devers vostre frère et qu'ayez clioisy le s' de Bellièvre; car je m'asseure qu'il s'en acquitera dignement, ayant, comme il a , grande congnoissance des affaires de vostre royaume; et puisestans, ainsy qu'il est, amateur du repos et si bon et affectionné serviteur, je ne double pas qu'il n'y face beaucoup; mais je ne laissay pourtant de craindre la folle jeunesse de ceulx qu'il a auprès de luy : \oylà pourquoy il sera toujours bien faict de persévérer d'envoyer souvent vers luy et continuer l'amityé que luy portez. Cependant, oultre la lettre que luy escripviz et la charge que je

cent hommes d'armes. On sait la part active qu'il prit à la Saint-Barihélomy. Il devint maréchal de France eu 1673 et gouverneur de la Provence, puis général des galères en iS-g. Nous le retrouverons, en i58o, lieutenant au marquisat de Saluées, après la mort du maréchal de Bellegarde.

donnay au s"^ d'Estizon de Bourgongne, comme je vous ay faict entendre, je iuy envoyé pre'sentement i'abbé Gadaigne, qui y demeurera auprès de Iuy, auquel j'ay donné charge très expresse, oullre les lettres que j'escripviz par luv à mondit filz, de ne laisser passer une seulie occasion, qui ne Iuy représente le conseil que je Iuy donné, et toutes les occasions que je Iuy ay mandées, pour le retenir en son debvoir envers vous, dont ledit Dinthevilie vous discoura (sic) amplement , et pareillement de ce que j'en ay dit à ma fille la royne de Navarre et de ce qu'elle m'a asseurée qu'elle Iuy a escript et persuadé par le jeune Masseparet, qu'elle renvoya vers vous. Si vostredit frère crovoit mon conseil et ce que je Iuy escriptz et mande par ledit abbé Gadaigne, il yroit franchement vous trouver, pour demeurer troy ou quatre jours seullement avec vous, et après vous demander congé de venir au-devant de nioy, pour delà s'en retourner en ses maisons; cela aporteroit ung bien incroyable à vos affaires et aux siennes aussy, et, comme je Iuy mande, ayderoit beaucoup au mariage d'Angleterre, que il ne fault pas espérer qui se face jamais, si la royne dudit pays ne veoid que il soit en vostre endroit comme il doibt, et que vous et Iuy n'ayez la bonne et vraye amitié et intelligence requise entre vous deux. J'en ay fort amplement et bien souvent discouru avec madicte fille, la royne de Navarre, auparavant mon parlement de Nérac, et depuis qu'elle est icy avec moy, Iuy aiant aussy bien expressément dit et chargé de faire, comme elle m'a asseuré qu'elle fera en cecy et en toutes auUres occasions envers mondit fils, tout les bons oifices qu'elle doibt, ainsi que j'ay pareillement donné charge audit s'' Dinthevilie de vous dire.

Monsieur mon fils, veoyant que le s' de

Beauvais est si long à venir, je me délibère d'envoyer l'évesque de Comminges en Portugal, suivant ce que vous ay escript cydevant et que me mandez par vostre dernière letlre, avec laquelle je receuz aussy le règlement que m'envoiastes d'entre les parlemens et les chambres de l'édit de pacillication, et duquel, avant que de l'envoyer à ceulx de la Chambre de ceste ville, j'ay envoyé le double à mon filz le roy de Navarre, et en ay faict ester par l'advis de ceulx de vostre Conseil qui sont icy le dernier article faisant mention des causes dont la congnoissance est attribeuée aux Courtz des aydes, lequel ilz n'ont pas estimé y devoir estre, pour ce qu'ilz dientque par ledit édit de paciflication il est seullement porté que ceulx de la Relligiou prétendue refformée auront leurs causes, des parlemens et non des généraulx, commises auxdiles chambres ; lesdits de vostre Conseil n'ont pas aussy esté d'advis que l'on parlast de la remonstrance qu'ont baillée ceuk du Grand Conseil. Priant Dieu, Monsieur mon filz, vous avoir en sa saincte et digne garde.

Escript à Agen, le X¥° jour de mars 1679.

1579. — i5 mar?.

Orig. Collection BagucnauU de Puchesse.