MONSIEUR DU PUY DU FOU

Monsieur Du Puy du Fou, combien que vostre régiment ayt este licentyé, neantmoings j'ay entendu qu'il y a quelques enseignes qui se maintiennent encores ensemble soubz vostre nom, faisant de très grandes foulles et oppressions au pauvre peuple, et qu'apr&s s'estre pourmenez eo plusieurs endroictz, où ilz ont faict beaucoup de grandz dommaiges, ilz veuilent entrer en ce gouvernement de Poic- (ou, ayant pour les causes dessusdictes advisé d'envoyer vers vous , pour vous commander et ordonner de rechef, au nom du Roy monsieur mon filz, que, suivant ce que vous avez entendu de sa part et qu'il vous a este commandé, vous aiez incontinant à faire séparer lesdictz gens de guerre, qui sont ensemble sous vostre nom et tiltre dndict régiment; sinon j'en advertiray le roy mondict Seigneur et filz, et feray pourveoir que la force et auctorité luy demeurera, comme vous entendrez de cedict porteur, par lequel vous me ferez response. Priant Dieu, Monsieur Du Puy

' Jean Du Pay du Fou, seigneur de PorUn, en Poitou.

du Fou, VOUS avoir en sa saincte et digne garde.

Escript à Niort, le viii*"* jour de febvrier

[Catebihb.]

1587. — 8 fëvriw.

Orig, Bibl. nat., Pomb français, n* 16908, 1^ 864.

A MONSIEUR DE BELLIEVRE

Monsieur de Betievre, oultre la depesche qu il a pieu au Roy monsieur mon filz me faire sur vostre retour d'Angleterre et le bon compte que luy avez rendu de vostre légation, vous m'avez, par vostre lettre particulliere, et par le double de ce que m'avez dict et baillé, signe, à la royne d'Angleterre, sur la fin de vostre négociation , par commandement du Roy mondict S' et filz, si amplement représenté toutes choses, que je pense Inen les comprendre entièrement, ne pensant pas qu'il feust possible de pouvoir plus honnorablement procedder et vous comporter que vous avez faict, et le s*" de Ghasteauneuf ambassadeur avecq vous. Aussi en remportez -vous grande louange, combien que ladicte royne d'Angleterre n'ayt faict ce que désirions; mais Dieu et les hommes seront tousjours tesmoings de ce que le Roy mondict S^ et filz a, avec tant d'honneur et de dignité de sa part, faict envers elle, suivant Tamityé qu'ilz se sont promise et jurée l'ung à l'autre, usant de si honnesles et affectionnées prières pour la royne d'Escosse, et puis pour conseiller au roy de Navarre de se renger à son devoir envers nous et tout le roiaulme, pour son plus grant heur, bien, grandeur et honneur. Je suis aussi picquée de celluy qu'elle a faiot arrester, qu'nvoit depesche ledict s*" de Ghasteauneuf, et suis très aize que le Roy mondict

S"" et fiiz ait envoyé le varlet de chambre Roger, pour savoir qu'elles occaiions prétend ladicte royne dire pour en avoir ainsi usé. J'envoye la lettre qu'elle m'a escripte 1res ample au Roy mondict S*" et filz, affin qu'il voye les termes dont elle use, pensant bien qu'elle iuy en escript autant. Je ne luy donne sur ce aultre advis, sinon qu'il fault se prendre garde et avoir l'oeil aux deportemens de ladicte royne. Et pour ce, Monsieur de Believre, que vous entendrez par ladicte depesche, que je fais au Roy mondict S' et filz, en quel estât je suis de ma n^ociation, je ne vous en diray davantaige, priant Dieu, Monsieur de Believre vous avoir en sa saincle et digne garde.

Escript à Niort, le viii* jour de febvrier 1B87.

De $a main: Monsieur de Belyevre, si se n'etoyt si tard, je vous euse aycript une plus longue letre, mes yl et mynuyt; et vous dire ceulement que j'é afayre à des aystrenge jans; et croyé que sont corne ceuls qui endeuret un souflet pour en donner deus; car yl confeset aystre perdeu : neanmoyns yl set veulet perdre pour nous mal fayre.

La byen vostre , Gatbriiib.

1587. — 9 février.

Copie. Bibl. nat. , Fonds français « n* 8801, f^ AS v*.

[A MONSIEUR DE MAUCORNE.]

Monsieur de Mallicorne, j'ay esté supplié par Madame de Fontaines de ChaUandray,que je congnois de longue main pour estre saige, très honQeste et vertueuse, et qui a esté nourrie au service de feue la Royne Leonord et à présent Tune de mes dames, de vous faire ceste lectre pour vous dire que la dame de Vaudoré,

qui est niepce du sieur de Fontaines son mary, est en une maison qu'elle a en Poittou^ grosse et preste d'accoucher; et pour ce qu'elle crainct, selon l'edict du Roy monsieur mon fiiz, que pour n'avoir obey encores, ny satisfaict à sondict edict, d'estre travaillée et molestée en sadicte maison, ce qu'elle eust voUuntiers faict, n'eussent esté quelques empeschemens qui luy sont survenuz, mesmes sadicte grossesse : ce que j'ay escript au Roy mondict Seigneur et filz, et l'ay prié de luy donner surceance, comme j'espère qu'il fera; cependant je vous prie donner ordre que, pour trois mois, il ne soit rien faict à l'encontre d'elle, et qu'elle puisse demeurer en sa maison pour faire sa couche, m'aiant esté asseurée qu'elle se comportera comme elle doibt, sans que par elle, ny à son occasion, il ne soil rien faict au préjudice du service du Roy mondict Seigneur et filz. N'estant la présente à aultre fin, je prie Dieu, Monsieur de Mallicome,

Escript à Congnac, le ix*^ jour de febvrier *587. [Catkrine.]

1587. — 10 fémer.

Orig. BiU. imp. de SainUPétenbourg.

Docamenta françaiii, vol. ao, f^' it5 etsuiv.

AU ROY MONSIEUR MON FILZ

Monsieur mon filz, vous avez vu par ma pénultième depesche que la reprinse du prieuré et fort de La Foy-Mon^ot^ qui faisoit très grande incommodité, non-seuUement à ceste ville, mais aussi è tout le pays d'allentour, que les gens du roy de Navarre qui Tavoient

* Les Vaudoré étaient prolestants et habitaient près de La Châtaigneraie.

* Petite place conquise par les troupes roydes, et que le roi de Navarre reprit à son tour en mai 1687.

surpris, au préjudice de la sauvegarde du prince de Condé, tenoient en telle subjection que personne n'ozoit sortir de cesle ville sans estre en danger d estre pris, etoultre cela, qui estoit encores un plus grand mal , ils levoienl et prenoient les deniers de voz tailles d'environ soixante villaiges circonvoisins. Vous aurez aussi veu, par la dernière depesche que vous ay faicte et envoyée par Moynelon , la reprinse de la ville et chasteau de Vouvent^ qui tenoit de mesmes vostre ville de Fontenay, qui est la meilleure recepte que vous ayez de deçà et quasi tout le bas Poictou, en subjection. Quand La Gamache la surprit, ce feust aussi au préjudice d'une sauvegarde du roy de Navarre, de sorte que comme vous avez peu voir par le mémoire que j'ay sur cela fait bailler à La Roche, et dont vous ay envoyé le double, ledict roy de Navarre ne peult dire, ny se plaindre que les deux lieulx dessusditz ayent esté reprins contre la deffense qu il m'avoit mandé par ledict Du Fay avoir faict faire de ne courre et qu'il m avoit aussi prié de faire faire; car premièrement ce sont les propriétaires et habbitans d'iceulx lieux qui se sont remis dedans, et oultre cela ceux de ladicte Foy et dudict Vouvent avoient enfraint les premiers icelle deffense, car entre la trcfve escheant le xx!!***' du mois passé et ladicte defiense de ne courre, et pendant mesmes que ledict Du Fay estoit icy avec moy, les gens du roi de Navarre qui estoient dedans ladicte Foy-Montjot et Vouvent ne laissoient de venir jusques à demy quart de lieue d'icy, où ils prinrent les chevaulx de mes gardes que ledict Du Fay promectait tousjours de faire rendre; touteffois il n'en faisoit rien: qui fut cause que Ton prit la revanche par la

> Vouvent, à i3 kilomètres de Fontenay-le-Gomte. — Voir plus haut les lettres de i586.

GaTHKIIHI DR MIdICIS. — II.

reprinse d'iceulx ville et fortz de [^ Foy-Montjot et Vouvent; et, encores que ledict roy de Navarre en face instance par le mémoire qu'il en feit bailler à La Roche ^ dont aussi je \ous ay envoyé le double, neanmoings ledict La Roche me dist de bouche que le viconte de Turenne luy avoit asseuré que pour cela nous ne romprerions pas nostre négociation; vous ayant bien voulu représenter ce que dessus par ceste depesche particulliere , d'aultant que vous depeschant ledict Moyneton ung peu à la haste, je ne vous en dys qu'ung petit mot par la lettre que je vous escripviz de la main de Pinart. Us sont, à ce que j'entends, après en prendre revanche où ilz pourront : ce que je pensois bien dès ceste heure là; mais j'escripviz aussi tost par tout ce gouvernement et en ceulx de Saintonge, Angoulmois etBrouaige, que Ton ne se tint pas seullement sur ses gardes, ains que l'on leur fit la guerre tant que l'on pourroit; aussi aurez veu, par une depesche portée par ledict Moyneton , ce que , suivant cela , le sieur de Bellegarde a faict exploicter, ayant deiïait trois compaignyes de gens de pied de Neufvy, et sont en possession d'estre toujours bastuz. Hz ont envoyé douze enseignes de gens de pied et quelques cuirasses, avec ledict La Gamache, vers les marches de Bretaigne , au bout du bas Poictou, et ontsurprins, à ce que j'entendz, le bourg et chasteau de La Gamache, et tenoient encores avant hier assise Beauvais sur la Mer^, qui

* Le roi de Navarre écrivait à la fin de janvier à M. de Saint-Gcniès : «r Ayant envoyé Des Beaux avec La Roche pour me plaindre de la publication de la trêve, qui avoit esté faicte sans qu'elle eust esté arresté entre la Royne et moy, ladicte dame a depesche les sieurs de Rambouillet et de Pontcarré pour venir résoudre avec moy Tcntrevue ou la rompre. . . v, Leltre$ mi$$ive$, t. Il, p. a59.

* Beauvais -sur- Mer (Vendée), arrond. des Sablesd'Olonne.

est aussi à ladicte dame de ladicte Gamache , en faveur de laquelle vous entreteniez garnison es dictz lieux, dont celle dudict lieu de la Garnache a fait fort mauvais debvoir. Je doubte qu'il y ait de la volunté et consentement de ladicte dame, combien que Ton dye qu'elle soit ung peu en mauvais mesnaige avec son filz^. J'ay fait incontinant envoler une partie de la compaignye de Mercure et quelques harquebouziers à cheval, et aussi des gens de pied du régiment de Villeluysant, pour secourir ceulx dudict Beauvais, dans lequel j'ay entendu qu'il y a ung capitaine Portugais, qu'ilz appellent Maure, que y entretient le sieur de Mezieres et qui en a la charge , lequel a promis de faire bien son debvoir à garder ladicte place pour vostre service, de sorte que je pense qu estant secouru, comme il le sera, les gens du roy de Navarre ne la prendront pas; mais il y a danger que de là ils s'estendent en la Bretaigne: c'est pourquoy j'ay advisé de vous en faire ceste depesche, aflin qu'il vous plaise parler à mon nepveu le duc de Mercure, pour faire pourveoir si bien en son gouvernement, qu'ilz n'y puissent rien entreprendre, car estant le sieur de Fontaines^ du costé de S^-Malo, qui est bien loing de là, et le sieur de La Hudaunaye en quelque doubte que ledict sieur de Mercure ne trouvast bon qu'il vint à Nantes pour y pourveoir, il est donc nécessaire que parliez à icelluy s** de Mercure, pour donner ordre à ce que dessus et que les forces dudict pais de Bretaigne tournent de ce costé-là, pour empescher lesdictz de la nouvelle oppinion d'y rien entreprendre au préjudice de vostre ser-

* Henri de Savoie, seigneur de La Garnache, et Françoise de Rohan, sa mère. II a été question de ce personnage au t VUI, p. 9.83.

' Honorât de Bueil, seigneur de Fontaines, plus tard gouverneur de Bretagne.

vice. Je vous diray aussi. Monsieur mon filz, en attendant le retour dudict sieur de La Roche, que je pensequi reviendra aujourd'huy au soir, que j'ay entendu que Monglas de Harlay est de retour à la Rochelle ^ venant d'Allemaigne, d'oà il leur a rapporté que toutes leurs levées d'un grand nombre de reystres et d'AUemans sont accordées, et que ce sera le duc Gazimir qui les conduira bientost en France; ce seroît ung grand mal, si cela estoit veritaMe. J'avois bien touqours pensé que la longueur dont ilz m'uzoient estoit à quelque mauvaise fin, et craignois tousjours à ceci. Si ainsi est, je n'ay pas grande espérance de rien faire avec eulx pour la trefve, encorea qu^eulx mesmes ayent dict qu'il falloit commencer par là; car, s'ilz ont leurs forces si prestes qu^on dict qu'elles seront, et mesmes le mareschal de Biron dict avoir bien certainement sceu depuis quatre ou cinq jours qu'ilz font leur compte de les faire entrer en ce royaume à la my-may pour le plus tard, par le costé de Montbelliart, et qu'ilz veulent descendre en Gevaudan, ilz ne voudront plus traicter de ladicte trefve, et diront que leurs levées et forces leur seront inutilles, et faudra traicter à mon advis de la paix; n'ayant voullu tarder à vous avertir de ce que dessus, affin que, s'il vous plaist, vous me mandiez vostre intention; car je pense bien que, s'ilz ont leursdictes levées asseurées, qu'ils se feront tenir et qu'il y aura beaucoup de peyne à les faire ranger à leur debvoir, veu que vous n'avez point encores pourveu à voz forces, lesquelles, comme je vous ay escript, en tous cas vous sont très requises et

> Robert de Harlay, baron de Monglas ou Monglat, buitième fils de Robert de Harlay, seigneur de Sanry, envoyé par le roi de Navarre en Allemagne, vers Ségur, et ensuite en Languedoc. H fut premier mattre d'hAtel de Henri IV et mourut en i6o5.

neeessaires* Priant Dieu, Monsieur mon filz, vous avoir en sa saincte et digne garde et vous donner, en toute prospérité, parfaicte santé, très heureuse et très longue vye.

Eseript à Niort, le x" jour de febvrier

Monsieur mon filz, depuis ceste lettre escripte La Roche est arrivé et avec luy Des Beaux, que m'a envoyé leroy de Navarre, avec le mémoire dont je vous envoyé le double , ensemble de la response que f y ay faicte, par Tadvis des princes et seigneurs de vostre Conseil qui sont icy, et renvoyeray demain matin lesdictz de La Roche et Des Reaux ^, lequel à son arrivée, hier soir, me feyt ung grand discours de la part dudict sieur roy de Navarre, qui se plaignoit de ce que, non contente (se disoiUl) que j*eus6e faict prendre La Foy-Montjot et Vouvent et deifaire encores une partie du régiment de Neufvy, je Tavois cuidé samedi dernier faire prendre, estant à la chasse, près Mozé, par les Albanoys du cappitaine Mercure, qui estoient en embuscade dans ung bois, où, sans le temps qui estoit ung peu froid et qui le feit retirer, il alloit sans y penser donner dans eulx et tumber entre leurs mains; et que du commencement je cuidoys que feust vray, et respondant audictDes Reaux, je Tasseuray que c'estoit chose que je n'avois point commandée : mais que j'eusse esté fort aize si die feust advenue; car il ne luy en eust que bien pris estant en noz mains, et depuis, m'estant enquize où estoient lesdictz chevaulx légers du cappitaine Mercure, ledict jour de samedi, il s*est trouvé que ce ne peut estre eulx, et qu'ilz estoient d'aultre

^ En effet, noiur avons k celle dale du 1 1 février une pièce intilolée : tr Mémoire baillé à M. de La Roche, aUant avec M. Des Reaux de la pari de la royiie niere trouver le roy de Navarre.?»

costé, une partye retournant de conduire ma cousine la duchesse de Nevers, et le reste de ladicte compaignye en bas Poictou, avec les harquebouziers à cheval et partie du régiment du sieur de ViUeluysant, que j'ay fait envoyer pour secourir Beauvais^ui^Mer; de sorte (fue je pense que c'est artifice dont le roy de Navarre et ceulx qui sont avec luy ont voullu user, pour prolonger encores nostre seconde entreveue, de laquelle je ne sçay encores que vous dire, sinon que ledict La Roche estime et ledict Des Reaux croit et m'asseure que je verray le roy de Navarre entre cy et la fin de ce mois, qu'il aura nouvelle de toutes partz de ses parents et amys etaultres vers lesquelz il a envoyé en vertu de mes passeportz; mais je crains tousjours que tout cecy ne soit pour gaigner le temps de Tapprest des estrangers, dont ils espèrent estre secouruz en très grand nombre, comme de douze mil reystres, six mil lansquenetz, deux mil autres iansquenetz pour servir de pionniers, six mil Suisses et cinq mil Angloix, avec le nombre de trois mil chevaulx françois et hommes de pied aussi françois, et que lesdictz reystres, Suisses et lansquenetz amèneront avec eidx vingt-deux grosses pièces d'artillerye, et qu'il y aura encore après une seconde levée de six mil reystres pour raffraichir les aultres; disans que Montglas leur a apporté asseurance de tout ce que dessus, ce qu'ilz font sonner et publier bien hault; aflSn, se disent-ils, qu'ung chascun le sçaiche, reservans seullement i dire le temps et l'endroit par où ils délibèrent de venir. Je ne les croys pas, puisqu'il en font tant de bruit; au contraire, je cuide qu'ilz n'en ont pas de si bonnes nouvelles qu'ilz dient, veu que le secrétaire Rrulart m'a encores dernièrement eseript qu'il n'estoit nulle bruict d'aucunes levées en Allemaigne. Toutteiïois. Monsieur mon filz, je crains tousjours

qu il leur en vienne; mais je pense bien que se ne sçauroit estre si to8t,h cause deia grande nécessité de vivres qu'il y a en vostre royaume. A cela ilz respondent que Tartillerye que lesditzestrangers doibvent faire amener est pour leur faire ouvrir toutes les petites villes, qu'i contraindront de les nourrir, et disent davantaige que , par les cappitulations faictes avec lesditz reystres et autres estrangers, ils doibvent amener avec euk pour six sepmaines de vivres; aussi leur est-il promis qnUIz auront le pillaige des villes qui leur résisteront, disans aussi que se sont les Princes protestans qui souldoyeront lesdictz estrangers et que la pluspart d'iceulx sont les reysmestres et reystres ausquels est deu argent pour le service quiiz ont faict en ce royaume, dont ilz ne doibvent pas sortir qu'ilz ne soient entièrement payez, et disent en oultreque, ceste armée là diminuant, ilz auront encores après une seconde levée, sans qu'il couste riens à voz subjectz de la nouvelle oppinion. Si toutes ces choses estoient véritables, ce seroit le plus grand malheur qui pourroit jamais arriver en ce royaume; et, encores que je ne les croye pas, je ne laisse pourtant de demeurer en grand peyne, car je crains fort que de ce grand bruict qu'ilz en font' courir, encores qu'il n'y ait point apparence de vérité, il n'y en ait qui seront bien ayzes de prendre ceste coulleur pour faire aussi d'aultres levées; et c'est pourquoy je serois d'advis que vous pourveussiez à voz affaires et asseurassiez pour le moings une levée de Suisses. Et cependant. Monsieur mon filz, crois que, si je puis parler audict roy de Navarre, je feray tout ce que je pourray pour arrester cest oraige, et n'obnicttray rien de tout ce qu'il me sera possible pour le bien de vostre service, au grand besoing et nécessité, où je veoy que nous en sommes.

Escript h Niort, le xi. febvrier 1 687, tu soir tard.

Vostre bonne et très afectioné et hobligée mère ,

Catbriiib.

1587. — 11 février.

Copie. Bibl. nat, Fondt françtis, n* 8loi« t^ A9 1^. A MONSIEUR