A MONSIEUR DE LA CHAROULIERE

Monsieur de La Charoulliere, j'ay bien entendu la bonne affection que vous portez au Roy monsieur mon filz, et comme en toutes occasions concernans le bien de son service, vous vous y emploiez très affectueusement, dont je luy porteray bon tesmoignage, suivant le bon rapport qui m'en a este faict, et pouvez croire qu'il le recongnoistra en vostre endroict, les occasions s'en présentant. Cependant je vous prye de recepvoir encores en vostre maison des Chasteigniers, comme vous avez cydevant faict, les recepveurs des aydes et tailles, ou leurs commis, afiin qu'ilz puissent recepvoir les deniers du Roy monsieur mon filz, leur tenant, je vous prye, la main à leur conservation, en l'exécution de la commission que je leur ay baillée. Et afiin qu ilz puissent avoir plus de mainforte, oultre la bonne assistance que je m'asseure que leur ferez pour le service du Roy mondict S"^ et filz, j'ay ordonné cin-

* Jetn de Alontaiiner, sg'de La Gliaroulière, en Poitou.

quante harquebuysiers à cheval, que commandera le cappitaine Tillac, auquel j'ay commandé les sy bien dissipliner et faire vivre sy doulcement, et faisant aussy payer leurs despences des deniers que j'ay pour ce ordonnez, qu'ilz ne soyent à nulle charge au pauvre peuple, pour le souUaigement duquel je sçay qu'estes très affectionné. Priant Dieu, etc.

Escript à Fontenay-le-Conte, le xx"** febvrier 1587.

[Catbrinb.]

1587. — »o février.

Orig. BiU. imp. de Saint^élertbourg.

Doeuincnti frança», vol. to, 1^* itS f>t itS.

AU ROY MONSIEUR MON FILZ

Monsieur mon filz, La Roche s'en retourna hier soir de la Rochelle, m'ayant rapporté la lettre du roy de Navarre ^, dont je vous envoyé le double et de la responce que j'y ay faicte par Tadvis des princes et seigneurs qui sont icy, laquelle j'envoieray des demain au matin audict roy de Navarre par ledict La Roche, affin que, sans plus de retardement, nous nous puissions veoir mardi prochain , comme j'espère que nous ferons; car, par ce que La Roche m'a dict de bouche de la part du roy de Navarre et du vicomte de Turenne, ilz sont fort bien disposez à faire quelque chose de bon ceste fois; mais, comme vous sçavez, se sont gens qui disent le plus souvent Tung, et font l'aultre; de sorte que je ne croiray rien d'eulx que je ne le voye par effect. Cependant je vous diray. Monsieur mon filz, qu'ilz ont pris ces jours icy ung courrier nommé Annet, François, retournant d'Espaigne, où l'avoif depesché l'ambassadeur Mandosso, auquel il

' Le roi de Navarre avait écrit deii\ fois à lu r<>îne mère. — Voir Lettm mixitMi, t. lî, p. aOi et «^yi.

rapportoit une depesche du roy d'Espaigne, laquelle ledict roy de Navarre a soudain envoyée à la royne d'Angleterre; à ce que j'entends, ladicte depesche contient charge et pouvoir audict ambassadeur et au duc de Parme d'accorder la trefve avec la dicte royne d'Angleterre pour deux ans, sans que ceulx de Hollande et de Zelande soient contrainctz ny recherchés en leurs consciences, demourans en toute liberté d'aller commercer en Espaigne et en Portugal; dont, à ce que m'a aussi rapporté le dict La Roche, icelluy roy de Navarre est bien en allarme. Si cela est vray, comme il y a grande apparence , ayant eu advis d'aultrc coslé que c'est le roy du Danemarch qui s'est entremis de cette négociation, j'ay espérance que ces gens icy seront plus traictables. Nous ne sçaurions plus gueres tarder que nous n'y voions clair, et pouvez estre asseuré, Monsieur mon filz, que si nous nous assemblons, comme je pense certainement que nous ferons le dict jour de mardi, je n'obmettray rien pour les induire à bien faire et à en venir à une bonne conclusion , ou pour en descouvrir leurs delliberations. J'ay cependant pour nous prevalloir, au bien de vostre service, de la trefve que nous avons accordée jusqu'à la fin de ce mois, donné ordre que es ellections de Saint- Jean-d'Angely, establies à Niort, Angouhnoys et Xaintonge se recepvront les deniers des restes de l'année passée et ce que l'on pourra de ce présent quartier, tant de voz tailles, aydes et taillons que des dixmes; et pour ce que les plus grandes sonmies sont deues au bas Poictou, où aussi la plus grande difficulté est, j'ay envoyé les recevoir le capitaine Tillac avec cinquante chevaulx, ayant donné l'ordre qu'il vous plaira voir par la commission que j'en ay faict expédier, dont je vous envoyé le double, m'asseurant que vous trouverez bon l'ordonnance que j'ay faicte des

deux cens escus que j'ay ordonnés, pour faire payer la despense des cinquante harquebouziers à cheval qui donneront l'aide et escorte à vozditz recepveurs et à vozdictz deniers; car aussi sera-ce une marque que voz pauvres subjetz verront de vostre bonne volunté à leur soullagement et la deffiance des gens de guerre de ceulx de la novelle opinion, qui pillent et ruynent, au lieu quelesdictz cinquante soldatz, en les soûllaigeant et gardant d'oppression, vivront modestement en payant leur despens , selon l'ordre porté par ladicte commission; en quoy, par ce moyen, ilz ne se permettront aucun abbuz. Oultre cela, j'ay si expressément commandé auxdictz recepveurs et audict cappitaine Tillac de suivre ceste mesme resolution , que ilz n'y fauldront pas et m'a-t-on asseuré que, en ce faisant, les collecteurs des villayges et paroisses viendront seurement apporter voz deniers, suivant l'advis que l'on leur en a secrètement donné ; et y en a beaucoup, principallement ceulx des villaiges qui sont prochains des villes et des lieux que ceulx de ladicte nouvelle oppinion occuppent, qui ont esté contrainctz de paier aux gens du roy de Navarre; touteffois je suis conseillée, affin d'oster l'occasion d'en abuser et pour toujours aussi maintenir vostre auctorité, de les faire contraindre à paier encores une fois; je sçay bien que c'est une chose bien dure , mais aussi la conséquence seroit trop grande d'approuver, bien que ce ne feust que par tolérance, les levées qui se sont faictes desdictes tailles au nom du roy de Navarre , et vaudra mieulx , comme verrez qu'il sera à propos, ceste présente année, leur remectre quelque chose des tailles, affin qu'ilz ne s'accoutusment point de paier à aultres qu'à vozdictz recepveurs, et que ce qu'ilz auront de bienffait et de soullaigement, ilz le reçoipvent de vostre main. Voylà , Monsieur mon filz , ce que pour ceste heure je vous diray, priant

sur ce le Créateur vous vouloir tousjours bien conserver et vous donner, en toute prospérité , parfaicte santé, très longue et très heureuse vye.

Escript k Fontenay-le-Conle, le xx" jour de febvrier 1687.

De ta main : Monsieur mon filz, pour le nioyns Ton ne dyra que nos courtes et frequantes trêves apportet domege à vostre servyse; car en cet pendent Ton reçoyt nostre argent, et quant ayle ont finy, nous les avons tousjour batu et repryns cet qu'il avoynt auparavent que je ne feusse en cet peys, si byen qui n'y reste queMeun^et S^ Michel en Lherm^ que, cet le roy de Navarre eust fayst le long à la publyer, nous les eusyons pris, et avons eu encore dé capyteynes et des drappauls du régiment de Neuvys, et dé Reaulx, lieutenant du sieur de Belleguarde, le tenoy t luy mesme asegyé ^ en cet pendent que de desà , Pignefie , du régiment de Verusan, ha deiet deus de ses compagnies qui aystoynt au bas Poicteou pour lever vos talles; lé capiteyne et lé drapauis. Ton me les a porté le souyr que je aryvys ysi. Je vous aseure que , se se n'etoyt que c'è t le byen de tout le royaume que fayrre la paix, que je vous demanderès permission de fayre isy fort et fayrme la guère; car, qui Teust fayste sans les chateuUer, cet peys feust ausi en vostre hobeysanse; je dyes (?) tout que ayst heu defianse. Yt meuret de faym à la Rochelle et à S^ Jan ; mes Dyeu , si ly plest , nous donnera une bonne pays à son honneur et vostre contentement, mes que ayés vos Suyses et des forces à vous. Tfl est veneu heun homme demender un

' Le Mung (Charente-Inférieure), à 1 G kilomètres de Pons.

* Saint-Miehel-en-rHem, è 37 kilomètres de Fontenay-ie-Comtê (Vendée).

' /*«^<?, assiégé.

hofice à monsieur de Monpansier du coté de Domarin^, que dyst qu'il s'ët fet une hasamblée à Lyon, au estoyt messieurs de Lyon, deMandelot, marquis de Canylac, de Raudan, de Chevryeres^. . . et plusyeuUs aultres, que le marquis ha jeuré et promys q'il metrèt la royne de Navarre en lyberté et en lyeu seur, et qu'il avoynt depeuté le Petiu, pour vous demender un chef pour comender en ses cartyers: je ne le puys croyre, mes je vous monde tout ce que l'on me disl.

Vostre bonne é très afectionnée et hoblygé

mère,

Catbriise.

1587. — ao février.

Copie. BiW. nal., Fond» français, n* 38oi, r* 54 v*.

[A MONSIËiR DE LA ROCHEPOT.]

Monsieur de La Rochepot, à ce que j'ay entendu du secrétaire Pinart, par la lettre que vous luy aveï escripte , que ceulx de vostre gouvernement d'Anjou sont en quelque doubte que tes régiment du s' de Villuysant ou les ti*oupes que commande mon cousin le mareschal de Biron, et pour son absence le baron de Biron son filz , tournent en ces quartiers là et entrent dedans vostredict gouvernement. Mais c'est chose que je vous asseure n'adviendra poinct pendant que je seray en ces quartiers, puis que , au dedans de vostredict gouvernement , les choses sont sy bien à repos que escripvez audict Pinart, dont je suis très ayse. Je vous ay cy-devant escript plusieurs foys que aiez l'œil , comme je vous prye, soigneusement ouvert sur lea places etlieukfortz et importans de vostre-

' Domarin, dans Tlsère, près Vienne.

* Jean de La Croix, sg' de Chevrières, conseiller au Parlement de Grenoble (aSjuin 1678), avocat général (99 octobre i585), président (3i décembre i6o3), évéque de Grenoble (1607), mort en 1619.

dict gouYemement; car il est très certain qu'il n'y a rien à quoy ceulx de la nouvelle oppinion ayent les yeulx plus tenduz qu'à la surprise de quelques places, mesmes au passaige des rivières, et encores que le Roy mondict S' et filz ayt faict des retranchemens et réduction des garnisons, qui estoyent entretenues Tannée passée, toutesfois il fault que, par ce qu'il ordonne pour ceste-cy, vous faciez faire sy bonne garde avecq Tayde et assistance des habitans des lieulx , qu'il n'y puisse rien advenir au préjudice de son service, pour lequel je vous prie de bon cœur user de toutes bonnes dilligences et vigillences, comme vous avez accoustumé, et (juil est très requis et nécessaire en ce temps.

Cependant je vous diray que le roy de Navarre et moy délibérons nous veoyr et conférer encores la sepmaine prochaine, pour regarder aux moiens d'une bonne et perdurable paix, qui soit à l'honneur de Dieu, au contantement du Roy mondict S** et filz et au repos gênerai de ce royaume , comme tous gens de bien doibvent désirer. Mais je ne sçay encores qui réussira de nostredicte seconde entreveue. Priant Dieu, etc.

Escript à Fontenay-le-Conte, le xx"* jour de febvrier 1 687.

[Catbrinb.]

1587. — 91 février.

Copie. Bibl. mU, Poodi fraoçidf , n* 3Soi, (^ 54 r«.