A MONSIEUR LE DUC DE BOUILLON
Mon cousin, j'ay grande occasion de me plaindre de la faulte qu'ont faicte aucuns gens de guerre partiz , à ce que j'entendz , de Sedan , et ont este brusler Tabbaye de La Vauldieu ^ et deux bourgs et villaiges, dont Tung est appelle Broq, des terres de ma niepce la duchesse de Guize; y ayans faict beaucoup de desordre et de scandalles, mesmes bruslë un prestre en leglise de ladicte abbaye. C'est trop peu respecter le commandement du Roy monsieur mon filz et le mien. Au lieu de se contenir pendant la négociation que j*ay envoie faire par devers vous par le S' de Verac, pour establir le repos en voz terres. Ion ait faict exécuter ladicte entreprinse, dont loffense, à dire vray, demeure au Roy et à moy, sy ainsy est que cela se soit faict depuis ladicte négociation commencée, comme madicte niepce m'en a faict la plaincte; car j'avois aussy commandé icy à mon nepveu le duc de Guize de faire cesser toutes courses et que chacun demourast en estât pendant ladicte négociation. Cest pourquoy je vous envoyé ce porteur expressément, affin que vous fassiez arrester les chefs de ceulz qui ont commis telz actes pour en faire faire justice. Il fault aussy envoyer sur les lieuz informer du dommaige qui a esté faict, à ce que Ton le puisse reprandre sur le bien de ceulx qui ont commis une telle faulte. A quoy, je m'asseure, D[ion cousin, que, comme chose raisonnable, vous tiendrez la main qu'ainsy il en soit faict, affin qu'il ne soit poinct usé de revenche,
' La Vaudieu, ou Valdieu, près Sedan, au diocèse de Reims, vieille abbaye de Prémontrés située à la Bouche de Semoi , confluent de la Meuse.
an
comme à ce que f entends mondict nepveu le duc de Guize eust faict, sans la deffense que je luy en ay faicle et Tasseurance que j'ay donnée à mondict nepveu que je vous en escrirois et qu'il y seroit remédie promplement, comme il est cy-devant declairé. A ceste cause, je vous prie doncques derechef, mon cousin, tenir la main à ce que dessus; et la justice et exemple qui en sera faicle servira de beaucoup k empescher que telles choses, qui sont si pernicieuses, ne se facent plus. Vous priant me faire responce par ce porteur et vous rendre facille à Teffect de ce que le Roy mondict S' et fiiz et moy vous avons escript et mandé, tant par le S' de Cussy- Remon, que par le S' de Verac; car aussy est-ce pour vostre grand hien. Priant Dieu, mon cousin , vous avoir en sa saincte et digne garde.
Escript à Reims, le jour de juing
[Catëeine.J
1587. — Juin.
Copie. Bibl. ntl., Fonds frtoftis, n* 8894, f> t4 t*.
[A MONSIEUR DE VERAC]
Verac, je vous envoyé une lettre que j'escriptz à mon cousin le duc de Bouillon, laquelle fay faict mettre à cachet voilant, affin que puissiez veoir le contenu en icelle, pour lequel vous vous emploierez envers mondict cousin et ferez en sorte, suivant madicte lettre, que Tordre soit si bien donné que Ton puisse faire justice exemplaire d*ung tel faict et que le dommaige se puisse reparer des biens de ceulz qui Tout commis. J'attendz aussy à grand désir quelque bonne resoUution sur l'occasion de vostre veoyage par delà, affin que Ton y puisse establir le repos promp-
tement; car je faiz mon compte de m'en retourner trouver le Roy monsieur mon filz bientost. Priant Dieu, etc.
Escript à Reims, le jour de juing
[CATBaiHE.]
1 587. — 16 juin.
Ani. Bibl. mL, Fonds franftis, n* 8S64, ^ 7.
A Moir coDsm MONSIEUR LE DUC DE NEVERS.
Mon cousin, je retyns ce jantyhome, que vostre homme m^avoyt envoyé, jusques aujourd'huy que je suys partye de Reyms pour pouvoyr par luy mender cet que j'aurai fayst touchant Mesyere; et, voyant que je vous voyré si tost, je panse moy mesme le vous dyre, et croy que ann aurés contentement : ce que je désire de vous en donner; ayant trové Mons' de Guyse tretable, de fason qu'yl me dyct [estre] vostre amy, comme je luy ay asseuré qu'étiez le syen. Et remetantle surplus à quant je vous voyré, ne vous fayré la presante plus longue, et pryré Dyeu vous conserver.
De Fere-en-Tartenoy ^ an cet xvi* joayn • Votre bonne cousine,
Catbriiië.
1587. — 19 juin.
Orif . MaDUme. Archivio Gonaga.
A MON COUSIN LE DUC DE MANTOUE
Mon cousin , ayant eu mon cousin le cardinal de Joyeuse^ commandement du Roy
' Voir les lettres du cardinal de Joyeuse à Henri III de cette année 1887 dans le ms. fr. 16066 et aussi dans la Vit du cardinal de Joyeaêê par Aubery.
mons' mon filz de vous visiter de sa part en s'achemenant à Rome, je luy ay bien voalu donner charge de fere et accomplir semblable office de ma part à vostre endroict, m'asseurant qu*il s'en acquitera si bien et dignement, que vous recevrez plaisir et contentement de ceste démonstration de ma bonne volunctë, ainsy qu'il vous fera plus particuUierement entendre, et sur quoy vous luy adjousterez, s'il vousplaist, telle fiance qu'à moy mesmes, qui prie Dieu, mon cousin, qu'il vous ayt en sa saiocte et digne garde.
Escript à Paris, le xix* jour, de juing
Vostre bonne cousine, Caterinb.
1587. — 19 juin.
Orif. Arthitn» d« Toria.
