LETTRES DE HENRI TV

Milan, avec un pouvoir extraordinaire, accompagne d'argent el de gens de guerre en grand nombre, exprès pour s'opposer à la restitution du dict marquisat, ou se venger de luy, sy l'exécute, chose que je ne puis bonnement croyre, car il me semble que le dict roy d'Espagne engageroit sa réputation et ses forces, en la defîense d'une cause très injuste, soit qu'il l'entreprist contre moy ou contre le dict duc ; car ce seroit s'opposer à l'exécution d'un accord, que nous avons faict ensemble, d'une chose dont nous estions en difîerent, sur laquelle le dict Roy n'a aucun droict ny prétention ; se seroit aussy ouvertement contrevenir au dernier traicté de paix que j'ay faict avec le feu Roy, son père, lequel il m'a faict dire par son ambassadeur voulloir entretenir : en somme, se seroit entreprendre de gayeté de cœur une guerre contre moy, qui ne luy on ay donné aucune occasion. Je ne puis croyre aussy que le dict Roy vueille s'engager en ce fait, pour ne m'avoir si voysin de ce costé-là, comme le dict Roncas m'a dict que c'estoit la seulle considération qui le mouvoit, car je ne suis moins son voysin ailleurs que là, et, si je sçay \ivre en paix avec luy d'un costé, je le pourray bien faire de l'autre, comme ont faict les roys mes prédécesseurs aA^ec les siens. Or je désire estre esclarcy de son intention sur ce faict, affm de prendre ma résolution. L'ambassadeur du dict Roy, qui réside près de moy, a déclaré quesonmaistre ne se embarasseroit point, avec le dict duc, en ceste occasion, quoy qu'en dict Roncas et tous autres ministres du duc de Savoye ; touttefoys, on m'a escript de Rome, que le dict Roy a donné un advis tout contraire à ses ministres, de façon que le Pape en est en peyne. Vous sçavez que c'est ung des principaulx articles de l'instruction que je vous ay baillée, à vostre partement, à quoy si a'ous n'avez satis faict, quand vous recepvrés \à présente, vous ne fauldrés de le faire, incontinant que vous l'aurez receue, ainsy que vous jugerez estre pour le mieulx, prenant garde de ne rien dire de ma part au dict roy d'Espaigne ny à ses ministres, contre le dict duc, qui luy puisse servir de prétexte, luy estant raporté, de s'altérer, et suffira que vous trouviez moyen de descouvrir l'intention du dict Hoy et d'en tirer, s'il est possil)lo, assurance. Vray est que j'estime, quant il auroit envie de secourir le dict duc, qu'il ne vous en dira rien,

mais je me prometz qu'il ne pourra estre si fin, qu'il vous desniaise avec tous ses serviteurs. Travaillez doncques à ce poinct, de préférence à tous autres, sur tant que vous desirez me faire ser\dce agréable. Encores que le terme de l'accort que j'ay faict avec le dict duc soit passé, toutefoys je patienteray encores jusques à la fin de ce moys, dans laquelle je me randray sans faulte en ma ville de Lyon, où si je ne trouve mon compte, je le chercheray par les voyes que je jugeray estre les plus convenables à ma dignité, quoy qn'U en puisse arriver. Les depputez du dict roy d'Espagne et de l'archiduc Albert sont' en ma ville de Boulongne, avec ceulx de la royne d'Angleterre, où ilz traictent la paix, laquelle plusieurs estiment qui ne sera si difti cille à accorder que plusieurs differens intervenuz entre eulx, tant sur la presceance que sur la forme de laquelle l'on proceddera à la negotiation de la dicte paix, à laquelle s'il s'advance quelque chose, je vous en tiendray adverty, comme je le désire estre par a'ous dilHgemment de touttes occurances, jusques aux moindres. Je vous recommanderay, pour fin de la présente, la juste poursuitte de mes subjectz de Bear, de quoy je vous faictz une lettre à part, que vous recepvrés avec la présente ; priant Dieu, Monsieur de la Rochepot, qu'il vous ayt en sa saincte et digne garde. Escript à Fontainebleau, le xv'' jour de juing 1600.

DE NEOFVILLE.