Rofuo lo 18 août

de la peine en laquelle j'estois, de n'avoir aulcunes lettres de vous, depuis celles que vous m'aviez escriptes de la dicte ^dlle de Bayonne, le v^ de juing, ausquelles j'avoys faict responce, dès le XV'' du dictmoys. Vous aurez estéadverti aussi des termes ausquelz je meretrouvois avec le duc de Savoye et comme j'attendois quelque responce, sur le commandement que je vous avois faict parla mienne du dict xv' de juing; mais, le xxii'= de ce moys, je receuz la vostre du premier, comme nous avons faict deux jours après celles du xii% par lesquelles j'ay apris la cause de vostre scillance et de la longueur et incertitude en quoy vous avez esté entretenu à Burgos, quelque poursuite que vous ayez faict faire pour vostre secrétaire, ensemble vostre délibération sur ce, si vous n'estiez mandé et receu par le roy d'Espagne, en la forme que je vous ay ordonnée par vostre instruction, de quoy je m'atendz d'estre esclaircy par voz premières, tenant pour signe certain, si le dict Roy vous esconduict, qu'il se sera engagé au duc de Savoye, pour me faire la guerre ensemblement ; mais, s'il est vray, comme vous nous avez escript, que le dict roy d'Espagne ait tant de faulte d'argent et de conseil, comme il se recognoist, et que luy et ses subjectz ayent plus de crainte de mes armes que d'envye de me faire la guerre, je ne m'atendz pas que le dict roy d'Espagne y entre ouvertement, dès le commancement, ains qu'il se contentera de donner secourage soubz main au dict duc de Savoye, lequel a continué, depuis mes dernières, à me vouloir faire croyre, que le dict roy d'Espagne est seul cause qu'il ne satisfaict à l'accord de Paris, pourl'avoir menacé de soninimityé, s'il me rendoitle marquisat de Saluées, ne luy conseillant aussi de me bailler la recompense convenue, ayant pris prétexte sur cela de me faire prier par le marquis de Lulinet par Roncas, son secrétaire, de donnera ung de ses enfens l'infeodation du dict marquizat, pour le tenir soubz la couronne de France, pour terminer du tout noz differendz et avoir occasion de s'excuser envers le dict roy d'Espagne, s'il demeuroit mon amy et me monstroit affection ; mais, j'ay rejecté son ouverture, leur disant que le dict duc ne me donnoit pas occasion, par ses actions et langages, d'acbapter si cher son amityé, ny de luy faire don du dict marquizat, soubz couleur de

sortir d'affaires avec luy, et (raultant plus qu'en luy accordant sa demande, devant que je feusse remis en possession du pays, telle action seroit interprétée plustost à foiblessc qu'àliberallité; car il se diroit que je l'auroys faict par nécessité et par faulte de meilleur moyen de recouvrer le mien : au moyen de quoy, j'insistois que le dict marquizat me feust rendu et après j 'ad viserois ce que j'aurois à faire, mais ne pouvoys croyre que le dict roy d'Espagne feust cause de me faire reffuserle dict marquizat, puisque ses ministres contynuoyent à m'asseurer qu'il vouloit vivre en paix et amitié avec moy et (piil faisoit profession d'équité, à l'exemple du feu Roy, son père, ny de faire mancquer le dict duc à sa foy et parolle, qu'il m'avoyt pour ce donnée entre les mains de Sa Saincteté, pour faire une injustice et allumer ung feu qui se commanceroit par embraser les pais du dict duc et pourroit après s'estandre en ceulx que le dict Roy possedde en Itallie; mais, comme le dict sieur de Lulin et Roncas n'avoyent cliarge que de faire la susdicte proposition, entendue ma responce, ilz m'ont pryé de leur permettre d'en advertir leur maistre et je leur ay donné sept jours, pour ce faire, qui escherront à la fin de ceste sepmayne. Or, je recongnois bien que le dict duc de Savoye, usant de ses ruses et dissimulations naturelles et ordinaires, ne m'a escript les lettres dont je vous envoyé le double, ny faict faire les dictes ouvertures, que pour m'endormir et abuser, affin d'attendre le conte de Fuentes, qui n'est encores arrivé en Italie, veoir ce qui réussira de la négociation de paix qui se traicte à Boulogne, gagner le récolte en Bresse et Savoye, aussy bien qu'on Picdmont, et, s'il est })0ssiblp, l'hiver, pour se fortiffier on l'usurpation du dict marquisat de Saluées. Daventage, je sçay qu'il a donné au dict roy d'Espagne telle impression et jalousie de moy, d'inquiétude et de convoitise, qu'il luy a faict croire que je suis incompatible et que, si je rentre au dict marquisat de Saluées, j'entreprendray après sur ses estalz et vouldray m'estandre et accroistre, au donnnage d'un chescun et mesmes du dict roy d'Espagne, à cause de nos prétendons, tant du costé de Navarre que du duché de Milan et ailleurs, affin de l'esmouvoir à son secours et nous mectre ù la guerre l'un contre l'aultre, espérant en proffitor, se persuadant que le dict roy d'Es-

pagne luy donnera la principalle charge de la guerre, à cause de son expérience et pour la commodité du Piedmont, et où il fauldra qu'elle se desmesle. Or, je veulx que vous voyez le roy d'Espagne et le duc de Lerme, incontinant que vous aurez receu la présente, pour leur descouvrir les ruses du dict duc de Savoye, tant envers moy qu'envers eulx, et le but auquel il aspire, leur disant que je suis prest de leur donner toutes les asseurances de ma foy, à l'observation de la paix, qu'ilz peuvent honnestenient désirer, s'ilz la veullent observer de leur costé cincerement ; que je ne doubte poinct que le dict duc de Savoye ne leur ayt faict faire plusieurs raportz de moy, qui l'ont deu mectre en umbrage de mes intentions, m'ayant luy-mesme proposé plusieurs moyens d'entreprendre sur les estatz du dict roy d'Espagne, quant il m'est venu trouver, pensant obtenir de moy par ce moyen ce qu'il pretendoit, mais que ce qu'il n'y a rien gaigné est un tesmoignaige irréprochable de la cincerité de ma foy, à l'endroit du dict roy d'Espagne, à l'entre tenement de la paix publicque ; car, il est certain que, si j'eusse voullu m'agrandir, au dommage du dict roy d'Espagne, je n'eusse faict difficulté d'accorder au dict duc de Savoye une partie de ses demandes, pour m'asseurer de l'amitié et assistance qu'il me promectoit contre le dict roy d'Espagne, et hazarder les grâces qu'il pretendoit de moy, pour facilliter mes desseings contre le dict roy d'Espagne, en m'ouvrant par ce moyen le chemin du Piedmont, pour passer et entreprendre au duché de Milan; mais, j'ay plus prisé ma foy et le recouvrement de mon marquisat, qui m'apartient justement, que les moyens ilhcites de m'agrandir, dont procedde le despit et l'animosité du duc contre moy; et, comme il se cognoist trop foible pour seul l'exercer, il a recours au dict roy d'Espagne, lequel il veult rendre ministre de l'un et de l'autre, à la ruine de toute la Ghrestienté, sans avoir esgard qu'il engage la réputation et les pays et les forces du dict roy d'Espagne, en la defîence d'une perfidie comme d'une usurpation très injuste et notoire à tous, toutesfois que les affaires du dict roy d'Espagne ne requièrent pas moings qu'il l'esvite que les miennes, pour les perUz et accidens que la guerre engendre, principallement quant la cause en est injuste et pour telle reco-

gnue de tout le monde, comme est celle-cy. Je désire doneques que vous remonstiiez au dict roy d'Kspague et au dict duc de Lermc ce que dessus, que vous leur donniez toutes les asseurances de la cincerite' de ma foy à l'observation de la dicte paix et de mon amitié que vous pourrez, que a'ous mectiez peine de leur lever les umbrages que le dict duc de Sçavoye leur a donnez de moy et les divertissiez de l'assister en ceste cause, si faire ce peult, et descouvriez leur intention. Toutesfois, faictes-le avec telle considération et industrie, que le dict roy d'Espagne et les siens n'ayent occasion de croire que je redouble leurs armes ny veille, pour m'en garentir et les contanter, remectre et qaicter au dict duc de Savoye un seul poinct de l'accort que nous avons faicl à Paris; car ma réputation y est sy avant engagée, que j'ayme mieulx bazarder ma personne et ma courronne, que de me faire ce tort. Il est vray que, si vous recognoisscz que, en leur parlant de ma resolution moins socbement, cella puisse servir à les retenir d'assister le dict duc de Savoye, conduisezvous y plus doulcement, pourveu que vous ne m'engagiez à venir aux effectz, car je ne le veulx faire aulcunement ; et fault que vous sachiez que, si le dict duc de Savoye ne cbange de langage et ne me satisfaict dedans ceste sepmaine, je luy declareray et commanceray la guerre, sans plus différer et attendre aultre esclarcissement de luy ny d'aultre. Partant, vous vous réglerez sur cela et serez soigneux de m'advertir de ce qui se préparera et fera par delà; mais, plus vous descouvrirez qu'ilz fomentent et assistent le dict duc de Savoye, plus vous le dissimulerez avec eulx, après leur en avoir faict plaincte une fois ou deux et leur avoir remonstré les malheurs qui en arriveront; car je ne désire i)as ([u'ilz croyentqueje cognoisse avoir occasion de rompre avec culx, puisque je ne le veulx faire encores, désirant de veoir devant quel sera le cours que prendra la iHcte guerre de Savoye. Toutesfois, j'entendz tousjours que vous suiviez ce que je vous ay ordonné par vostre instruction, si le dict roy d'Espagne refuse de faire le serment d'observation de la dicte paix, qu'il est tenu de faire, comme j'ay veu par vostre dernière estre bienAOstrc délibération, estant très mal satisfaict de leurs longueurs en vostre endroicl, encores (juc vnus en acusiez plustost

leur inexpérience et confusion que leur volunté ; mais il s'en discourt ja partout aultrement, à mon desadvantage. Le dict de Villeroy vous a envoyé ung mémoire du succès de la bataille, qui s'est donnée le ii'= de ce moys en Flandres; toutesfois, y-àj commandé vous en estre envoyé ung' dupplicata. Depuis cela, le prince Maurice s'est préparé pour assiéger Nyeuport; toutesfois, il n'avoit commancé encores à le battre, le xv*' de ce moys, l'Archiduc ayant jecté dedans jusques à trois mil hommes et remis sus de nouvelles forces, avec lesquelles il s'est logé auprès de l'armée du dict prince Maurice, comme s'U vouloit luy livrer une seconde bataille. Depuis la première, les députez de la paix, qui se traicte h Boulongne, ont faict contenance d'en vouloir plustost advancer que prolonger la conclusion ; toutesfois Uz attandoient encores quelque responce de leurs princes, sur les difficultez fondées sur leurs rangs. Je vous envoyé le double des lettres que Jehan-Baptiste de Tassis m'a nagueres escriptes et de la responce que j'y ay faicte, pour vous en prevalloir par delà. Au reste, sçachez que je persévère à vouloir faire mes nopces à Marseille, à la fin de septembre ou au commancement d'octobre, soit que je face la guerre ou non, et parce qu'il fauldra que la princesse se serve de la mer, pour s'y rendre, je doibz prandre garde àla seureté de son passage, duquel il ne peult arriver faulte, si le dict roy d'Espagne ne voulloit s'y opposer, chose que je n'estime pas qu'il face ; neantmoings pensez-y et advertissez-moy de ce que vous en jugerez, sans toutesfois leur faire paroistre de là que j'en aye aulcun soupçon; et d'aultant que j'ay deUberé de marcher en personne en ceste guerre, s'il fault que je la face, je ne m'eslogneray de ces provinces, tant qu'il y aura moyen de le faire, affin que vous m'y addressiez voz pacquetz. Je prie Dieu, Monsieur de la Rochepot, qu'il vous tienne en sa saincte et digne garde. Escript à Lyon, le xxvii'^ jour de juillet 1600.

HENRY

DE NEUFVILLE