I,EÏTRES DE HENRI IV

meureray contant. Toutesfois, je ne m'en asseureray que je n'en voye l'efTcct, tellement que je contynue à assembler mes forces et me préparer à faire la guerre, le plus dilligemment qu'il m'est possible, pour estre prest à tous evenemens, résolu d'assaillir le dict duc, sans plus marchander, s'il n'acomplitce qu'il a promis. Aulcuns escripvent qu"il n'a eu telle asseurance de secours, du costé d'Espagne, qu"il s'atendoit et que c'est cella qui l'a faict resouldre de me contanter, se disant que le connestable de Castille ne luy a faict offre que de deux mil hommes de pied et de quarente mil escuz, en attendant la venue du conte de Fouentes, lequel on adj ouste maintenant ne debvoir passer qu'avec sa maison, à cause de la peste qui s'est mise sur les gallaires, ou parmy les gens de guerre qui le debvoyent acompagner ; mais j'estime que rien ne luy a faict changer de langaige, que ma resolution et mes armes, qu'il a veues plus tost prestes pour l'attacquer, qu'il ne s'estoit promis; et fault que je vous die, que je ne suis encores sans soupçon, qu'il a ainsy changé de stille, plus pour m'amuser et faire perdre le temps, que pour envye qu'il ayt de bien faire, de quoy je m'esclarcyray bientost, par une voye ou par autre; de quoy vous serez adverti, comme je le désire estre de vostre arrivée et de la réception qui vous aura esté faicte auprès du (licl roy d'Espagne, ce qu'il vous aura dict sur les affaires du duc de Savoye et ce que vous luy aurez recogneu et apris de sa conduicte. Cependant, je vous diray que le prince Maurice n'a recueilly tel fruict de sa dernière ^'ictoire que l'on s'atendoit, tant pour n'avoir peu, à cause de sa perte, assiéger Nieuport assez dilhgemment, que pour le debvdir, qu'a faict l'Archiduc, de mettre des gens dedans et assembler d'autres forces, avec lesquelles il s'est approché du dict prince, tellement qu'il n'a mesmes peu prandre les fortz de Sainte-Elizabel et de Clara, construictz et gardez parles F-lspagnolz entre Ostande et le dict Nieuport. Aussy commence — l'on à dire que le dict prince debvoit repasser en Zelande et porter ses armes d'ung autre costé, quoy faisant, tout l'adventage qu'il aura tiré de ce voyage aura esté la gloyrc de sa victnire, qu'il aura tué quatre ou cinq mil des meilleurs hommes qui estoient au service du dict Archiduc, niyné une partye de la Flandre et faict la guerre hors de son pays, ayant faict

congnoistre à son ennemy, qu'il n'est pas si facille à vaincre que plusieurs s'imaginoyent ; mais aussy, il aura esté cause que le dict Arcliiduc aura reuny à son service les cœurs de toutes les provinces et villes qui le recongnoissent et de ses gens de guerre mutinez, dont il ne pouvoit chevir, devant le dict passage, qu'il aura faict preuve de son courage, qui luy reconcilliera la bienveillance d'ung chascun et relie vera sa réputation, qui estoit auparavant fort abattue, qu'il aura aussy esprouvé la fldellité de ses dictz subjectz, lesquelz, au lieu de se bander contre les dictz Espagnolz, comme aulcuns estimoient qu'ilz feroient, après la dicte victoire, ont faict de très grandz effortz et debvoirs, pour secourir et servir le dict Arcliiduc contre les autres. Ainsy Dieu départ ses grâces et faveurs, pour nous apprandre à tous, que toute la prudence, prévoyance et industrie humayne n'est que pure vanité et tromperie. Je le prie, Monsieur de la Rochepot, qu'il a'ous ayt en sa saincte et digne garde. Escript à Lyon, le nu'' jour d'aoust 1600.

HENRY

DE NEUFVILLE

Orig. — Bibl. nat., Ms. fr. 16137, fol. 131.

A MONSIEUR DE LA ROCHEPOT, CHEVALIER DE MES ORDRES, CONSEILLER EN MON CONSEIL d'eSTAT, CAPPITAINE DE CENT HOMMES d'aRMES DE MES ORDONNANCES, GOU- VERNEUR ET MON LIEUTENANT GENERAL EN ANJOU ET MON AMBASSADEUR EN ESPAGNE.

Monsieur de la Rochepot, Je vous envoyé le dupplicata de la dernière depesche que je vous ay faicte, auquel j'adjousteray ce