LETTRES DE HENHI IV

di' la fi-uerrc de Savuyo, avec charge de vous arrester à la frontière et y attandre mes commandemens ; toutesfois, estimant que ce prince vous deust donner audiance bientost après, je pris conseil d'attendre voslre première depesche, que vous me mandiez que A'ous m envoiriez par homme exprès, espérant veoir plus clair en l'intention du dict Roy et sur ce fonder ma resollution. Cela doncques a retardé mes commandemens jusques à présent, qu'ayant apris jiar voslre dernière les remises de la dicte audiance et les indignitez que l'on vous a faictes, depuis vostre arrivée à Madrid, j'ay ad visé de vous commander de vous hcentier du dict Roy, incontinant que vous aurez receu la présente, que je vous envoyé par ce courrier exprès, si, à son arrivée, il n'a esté faict punition exemplaire et rigoureuse de ceulx qui assailHrent voz gens par les rues, allant visiter le nunce, et des comédiens qui ont esté si téméraires que de me tenir sur les rancs, ainsy que vous m'avez escript; de quoy neantmoings je vous deffendz de faire aulcuue poursuite, après la réception de la présente; car, s'ilz ont attandu d'en faire justice jusques alors, l'instance, que vous en feriez, après avoir receu mes commandemens, seroit plus honteuse que l'injure qui m'a esté faicte en vostre personne; mais si, à l'arrivée de ce dict porteur, le chastiment avoit esté i'aict des ungs et des aultres,tel qu'il convient, en ce cas, vous attandrez encores mes commandemens par delà, devant que d'en partir, soit que vous soiez tombé d'accord avec culx de la forme et du temps de la prestation du serment, que le dict roy d'Espagne doibl faire, ou non, car je veulx, devant que de prandre ma resoUution sur ce, sçavoir la dicte responce sur la remonstrance et instance que vous en aurez faicte. Le conte de Fouentes et les ambassadeurs et autres ministres du dict roy d'Espagne secourent et assistent ouvertement le duc de Savoye contre moy. Le dict conte l'a de nouveau renforcé de vingt-deux compaignies espagnoUes, qu'il a amenées avec luy, oultre celles ({ue le connestable de Caslille avoit faict advancer jusques en la \ allée d'Aoste, devant l'arrivée du dict conte; l'on faict, au royaulme de Naples et au Milanoys, des levées de gens de guerre, au nom du dict roy d'Espagne, pour servir le dict duc, et verrez, par 1(; double de la lettre que je vous envoyé, comment se com-

porte Tambassadeur du dict Roy résidant en Suisse. Davantage, Federic Spinola, qui commande aux galleres que le dict Roy entretient en Flandres, a commancé à arrester mes subjectz prisonniers, soubz prétexte du commerce de Hollande, au moyen de quoy je n'ay aulcune occasion de doubter de la volonté du dict Roy en mon endroict, encores que son ambassadeur contynue à m'asseurer qu'il veult vivre en paix avec moy et qu'il n'approuve les actions du dict duc de Savoye. Daventage, les dictz Espaignolz joinctz aux Savoyartz ont tant importuné et intimidé le Pape de ceste guerre, qu'il a faillu qu'il ayt délégué le cardinal Aldobrandin, son nepveu, pour traicter la paix. Il arriva à Thurin, lexxn^de ce moys, et je l'attandz icy, dedans trois ou quatre jours, ayant pris les postes, pour s'y rendre plus promptement. Je recongnois bien que les dictz Espagnolz et Savoyartz ont grande espérance au voyage du dict cardinal et ne doubte plus que le roy d'Espagne ne reculle à faire le dict serment, jusques à ce qu'il aye veu ce qui en succeddera, et je tiens aussy pour certain, sy la guerre continue, qu'il se meittera de la partye du dict duc de Savoye, encores qu'il ne le puisse gueres secourir plus ouvertement que les siens ont commancé, s'il n'en faisoit une déclaration publicque ou n'assailloit mon royaulme en aulcuns endroictz, comme aulcuns des siens publient qu'il fera par mer, du côté de Provence, et par terre, en Languedoc et en Guienne; toutesfois, je ne puis croire qu'il s'engage sy avant, s'il le peult esviter, pour plusieurs raisons generalles ou particullieres que vous pouvez très bien recongnoistre, où vous estes. Une chose, entre plusieurs aultres, me faict croyre qu'U est conseillé de venir à la dicte déclaration publicque, c'est que les archiducz de Flandres font ce qu'ils peuvent, pour me faire croyre qu'ilz ne trempent poinct aux conseilz de la dicte guerre et qu'ilz veullent vivre en paix avec moy, quoy qui arrive, affin de se tirer de bonne heure de la presse, et je dissimuUe avec eulx, comme ilz font avec moy. Or, si vous descouvrez que le dict roy d'Espagne se tourne à la guerre, advertissez-en secrètement et dilhgemment tous noz marchans qui sont par delà, aifin qu'ilz troussent bagage et se puissent retirer à temps, avec leurs marchandises et vaisseaux. C'est pour cela principallcment que je