Rcf'ue le 11 janvier

6i LETTRES DE HENRI IV

de Savoie au contù de Bourgongne, toulesfois, je ne suisencores d'accord avec le dict cardinal, lequel insiste tousjours que je quite Chasteau-Daufin, chose que je ne puis, car estant du Daufiné, qui est, comme vous savez, afTecté aux premiers cnfans de France et partant inaliénable, il n'est en ma disposition. Davantage, nous sommes encores en débat de certains vilages et passages, qui sont sur la rivière du Rosne situez delà la dicte rivière, desquelz, pour faire partie du dict pais de Bugey, qu"ilz accordent de me laisser, je demande jouir comme des autres, dont ilz font dificulté, voulans me restraindre et partager deçà la dicte rivière, icelle comprise, sans que je puisse m'estendre de l'autre costé. D'ailleurs ilz refusent de me payer la somme de deniers que je leur ay demandée, pour les fraiz de la guerre. Il fault que je vous die, que je suis sy mal ediflié de ceste procédure, que, n'estoit le désir très grand que j'ay de contanter Sa Saincteté et le besoing que je cognois que a mon armée do la paix, je romperois du tout le dict traicté et conserverois l'adA'antage que Dieu et mes armes m'ont donné sur le duc de Savoye, car je conois bien que ilz traictent très mal volontiers et que je n'auray jamais paix ny amityé avec luy asseurée ; et c'est pour ceste seule considération que j'ay consenty à l'eschange du dict marquisat de Saluées, d'autant que, par ce moien, j'auray moins à debatre avec luy, non que je redoute sa puissance, comme je fais sa mauvaise foy.Nous serons esclairciz dans deux jours par où nous en deverons passer, dont vous serez incontinent averty. Cependant vous ne ferez cognoistre au nunce du Pape qui est par delà, que je me plaigne du dict légal ; seulement vous luy direz que je suis marry que un autre n'a esté chargé par Sa Saincteté de ceste légation, parce que j'en eusse usé plus librement, sans me donner tant de peine du succez du dict traicté, comme je faiclz, pour la seule considération de Sa Saincteté on sa personne, et partant que la Ghrestienté luy devera la paix qui s'en ensuivera, mais que le dict duc de Savoye luy devera du tout son salut, sa ruine entière estant inévitable, la guerre durant. Mais, ne croiez pas que le dict duc soit sy mal contant, quo le vous a faict dire le dict nunce; toutosfois, ne laissez à vous cntrotonir avoc luy et biy monslrcr toute conlianco, neantmoins avec la circonspcc-

tion qu'il convient, car je suis très offensé des injustices qu'ilz font par delà à mes sujetz, dont vous continuerez à vous plaindre et demander la réparation, les menaçant de l'interdiction entière du commerce entre noz royaulmes, s'ilz n'y pourvoyent, quand ce ne seroit que pour justiffier davantage ce qui s'en ensuivera cy-après. J'en feray dire autant à l'ambassadeur résident icy. Mandez-moy aussy ce que a aporté la flote que vous m'escrivez estre arrivée, sy le dict Roy se saisira des deniers d'icelle appartenantz aux particuliers, quelles levées de gens de guerre ilz feront, où ilz les employeront, comment ce jeune Roy ce gouverne et sont ses affaires conduictes, s'ilz persistent à voulloir retirer par delà les enfans du dict duc, avec tout ce que vous jugerez estre à propos que je sache. Quant à Picoté, il n'obtiendra son pardon que par vostre moyen, mais je veux que vous luy faciez dire que je luy accorderay, s'il me veuU descouvrir les menées qu'il a faictes en mon royaulme et amander le passé, en me bien servant par delà, car il pourroit vous donner de bons advis, s'il voulloit, en monstrant toutesfois d'estre mal avec vous. Il y a aussy un moyne de Soissons, qui a esté à Pierrefonz, que l'on m'a dict avoir grande envye de se rapatrier. Servez-vousen aussy et faictes-luy dire que je oubliray le passé, s'il s'en veult rendre digne. Je prie Dieu, Monsieur de la Rochepot, qu'il vous ait en sa saincte et digne garde. Escrit à Lyon, ce dernier jour de décembre 1600.

HENRY

Monsieur de la Rochepot, J'aurray bien agréable que vous favorisiez la poursuite que va faire par delà Chastelain, pour le sieur Zamet, autant que honestement vous le pourrez faire, affîn qu'il puisse estre payé de ce qu'il prétend luy estre deub'.

DE NEUFVILLE