Reçue le 2U janvier

considération; mais ma foy et le bien de mon service estoyent si avant engagez à faire la dicte desrnolition, que j'ay esté contrainct de l'effectuer; car, dez le commencement de la guerre, pour divertir les Bernois de faire la conqueste des balliages de Ghablais, Tonon et Terny, dedans lesquelz est assize la dicte forteresse, comme ilz vouloyent faire, ayant ja préparé dix mil hommes et dix canons pour y employer, Je leur feiz promesse que je ferois abbatre le dict fort, s'il tumboit entre mes mains, moyennant laquelle promesse j'ay empesché qu'ilz ne se soyent saisiz des dictz balliages, desquelz, s'ilz se fussent emparez, ilz eussent banny la religion catholique, qui y a esté restablie, depuis qui les ont renduz, et si je n'eusse peu en disposer maintenant, comme je puis faire, en les restituant au dict duc de Savoie, si nous nous accordons. Davantage, le dict fort demeurant debout, je demeurois aussi à la discrétion de la garnison que le dict duc y eust entretenue, tant pour le passage d'Allemagne que pour la soureté du pais de Bugé, qu'il offroit de me délaisser, pour parfaire l'eschange du dict marquisat, de façon que j'eusse esté contrainct d'en bastir ung aultre à Topposite d'iceluy, car il n'est distant de la rivière du Rosne que d'une demie lieue. Plus, c'eust esté ung continuel subject de querelle avec ceux de Genève, lesquelz, estant de longue main en la protection de la couronne de France, comme ilz sont, j'eusse voulu deffendre, non pour cause de rehgion, mais pour considération d'estat, si bien que ceste estincelle eust esté cause de rallumer entre nous ung nouveau feu de guerre, chose que nous esviterons à présent, puisqu'il est par terre, comme il est; et, s'il fault que pour cela nous falhons à faire la paix, j'en seray très marry, mais ceux qui en seront causes acquerront plus de blasme que de gloire. Les conditions pour y parvenir, que j'avois accordées au dict sieur légat, sont moins advantageuses pour moy que celles de l'eschange du marquisat qui furent accordées à Paris, comme vous pourrez veriffier par la confrontation d'icelles, et toutesfois chascun voit l'advantage que Dieu m'a depuis donné sur le dict duc ; mais j'ay a'ouIu contanter Sa Saincteté, en la personne du dict légat, lequel, s'il ne recognoist en cela la sincérité de mon intention, selon son mérite, ne respondra à Testât que

j'avois faict de son amitié et equanimité, et, s'il fault après cela que la paix se rompe, je suis asseuré que le Pape y aura regret; dadvantage, je crois que le roy d'Espagne n'y proffitera gueres plus que moy, ny aussi le dict duc de Savoie. Or nous A'errons dedans deux jours à quoy il se resouldra, car je veux aller à Bourg, où je me fusse acheminé, il y a trois sepmaines, sans le dict légat, sa présence m'ayant arresté en ceste ville, et j'espère avoir aussi bonne issue de la dicte place que des aultres, car eUe est aux abois et partant contraincte de capituler, et estime (|ue la première nouvelle que vous aurez de moy sera qu'elle l'aura faict; puis, Dieu me conseillera ce que j'auray à faire. Je laisseray icy mon connestable et mon chancellier, pour faire compagnie au dict légat, avec charge de conclurre le dict traicté, s'il le veult faire aux conditions ja convenues, et non aultrement. Ce sera ce que vous direz du traicté à ceux que vous jugerez par delà estro bon de le faire entendre, sans toutesfois faire paraistre que je me plaigne du dict légat, car j'espère qu'il changera de conseil et se modérera. Je prie Dieu, Monsieur de la Rochepot, qu'il vous ayt en sa saincte et digne garde. Escript à Lyon, le x^ jour de janvier KiOl.

HENRY

DE NEU FVILLE.