Rocuo lo \'k mars

gnon, pour de là reprendre celluy de Piedmont et le faire à commodité ; mais, aiant este' adverty du bruict qui estoit sy commun, en la court du dict duc de Savoie, qu'il ne ratiffieroit poinct le traicté, se sentant picqué de l'injure qui par ce moyen luy seroit faicte, d'estre recompencé avec tant d'ingratitude de la peine qu'il avoit prinse pour le dict duc et de luy avoir procuré un sy grand bien, comme il avoit faict, se résolut de partir en poste, pour l'aller trouver et, au mesme temps qu'il partit, U me depescha du dict Avignon le conte Ottavio Tassoni, pour me supplier de ne faire poinct mauvaise conjecture du dict bruict, qu'il s'acheminoit expressément pour y donner ordre, ce qu'il s'asseuroit qu'il feroit, et de vouloir cependant luy accorder une prolongation de quinze jours du temps dans lequel la dicte ratiffication debvoit estre envoyée, dont je ne le vouluz pas refuser et luy accordé le dict delay. Je n'ay poinct encores de nouvelles de son arrivée près le dict duc et seullement de celle à Gennes le xvii% n'ayant peu faire sy grande diligence en son voiage qu'il avoit présumé; mais le dict duc a bien escript à mon cousin le connestable, pour s'excuser du retardement de l'envoy de la dicte ratiffî cation, sur l'advis qu'il avoit eu de l'acheminement du dict sieur cardinal et l'oppinion qu'il prenoit que, venant ainsy diligemment, il y debvoit estre survenue quelque nouvelle proposition ou changement au dict traicté ; qu'il avoit esté aussy adverty que j'avois accordé une prolongation pour l'envoy de la dicte ratif fi cation, laquelle il ne fandroit d'envoyer dans le dict nouveau delay ; cependant, qu'il prioit que l'on feist fournir des vivres à ceulx qui sont de sa part dans la citadelle de Bourg, ausquelz, pour plus grande seuretté de la redition d'icelle, il envoyoit son contre-seing, pour la rendre et restituer, après la dicte ratiffication faicte ; ce qui confirme encores davantage qu'U y avoit de sa part mauvaise intention, ou pour le moins beaucoup d'iresolution, estant trop aisé à descouvrir, que ceste nouvelle caution, qu'il presentoit de son dict contre-seing, n'estoit qu'une subtillité, car le traicté oblige assez de rendre la dicte citadelle, après la dicte ratiffication, estant par où doibt commencer l'exécution du dict traicté; mais ce prétexte n'estoit que pour faire secourir de vivres la dicte citadelle, en cas qu'elle en feust