FRERE ET COUSIN, LE ROI CATHOLIQUE DES ES- PAGNES

Très hault, très excellent et très puissant prince, nostre très cher et très amé bon frère et cousin, Les fréquentes plainctes que, depuis la paix d'entre noz deux royaumes, nous avons receues de noz subjectz trafficquans es terres de vostre obéissance, notamment de ceulx de nostre pays et duché de Bretagne, nous ont donné cy-devant occasion d'envoyer exprès vers vous Sancerre, controlleur gênerai de nostre argenterie, pour prier Vostre Majesté en nostre nom de faire faire raison et justice âmes dictz subjectz, sur le mauvais procéder de voz officiers allencontre d'eulx, lesquelz, à l'instigation d'aucuns leurs malveuillans et ennemys, ont faict arrcster, en plusieurs des portz et havres de Vostre Majesté, leurs navires, mariniers et marchandises, jusques à la valleur de V m hvres, emprisonné les uns et travaillé les autres de gesnes et questions extraordinaires, au préjudice du traicté de paix et de la foy publicque, soubz laquelle ils ont trafficqué, mesmes durant les troubles, es pais de vostre dicte obéissance; sur quoy le dict Sancerre n'ayant peu obtenir la main levée des dictz navires, personnes et marchandises, comme nous nous le promections, nous vous en avons depuis faict faire instance, et à vos dictz officiers, par le sieur de la Rochepot, nostre ambassadeur par delà; mais, tant s'en fault qu'il en ayt peu tirer raison et justice, comme nous l'espérions des dictz officiers de Vostre Majesté, qu'au contraire nous aA^ons esté adver-