Bibl.Mazarine,ms. 2087, fol. 125 v» etsuiv

escrire deux lettres, lune pour consentir que ladicte Comtesse mère du Duc de Bouking-uam y entre, pour les considérations contenues en ladite Lettre; l'autre pour donner pareil consentement en faveur de ladicte Comtesse et de la Duchesse sa belle-lille, en cas que l'on ne se vueille contenter que ladicte Comtesse y entre seule.

Cette seconde lettre ne doit tenir [sic] que lors que lesdicts Sieurs Ambassadeurs auront perdu toute espérance de faire valoir la première, et, où il leur sera nécessaire d'avoir recours à la seconde, il faudra qu'ilz feignent de l'avoir receue avec quelques autres despeches, et bien observer <C les conditions ^ la condition portée dans ladite lettre, sçavoir que, où deux desdites Dames seront admises, que toutes autres en demeureront excluses à l'advenir.

Mais avant que se porter à ce dernier consentement, ils employeront tous leurs efforts pour faire en sorte qu'on se contente de ladite Comtesse Mère du Duc de Bouckinguam, que Sa Majesté aggrée, tant en considération dudit Duc, comme aussi, qu'estant Catholique, ce sera moins innover aux choses conclues et arrestées.

A l'effect que dessus, ledit Sieur de Bais mettra en main desdits Sieurs Ambassadeurs lesdites deux lettres desquelles ils se pourront servir, ainsy qu'ilz jugeront estre du bien et advancement des affaires; mesmes les pourront faire voir au Roy de la Grande Bretagne, si besoing est. Mais avant que rien proposer du contenu d'icelles, ils en parleront à la Royne de la Grande-Bretagne et en communiqueront avec les Sieurs Evesque de Mande et le R. P. BeruUe pour, d'un commun advis, faire ce qui sera trouvé plus à propos.

Et quand aux lettres que Sa Majesté escrit au Roy de la Grande Bretagne et à la Royne sa sœur, elles seront présentées parledict Sieur de Baix, par l'ordre néantmoins desdicts sieurs Ambassadeurs et ainsi qu'ilz adviseront.

Il sera bon que ledit Sieur face venir à propos de parler, aux lieux où il se trouvera, de l'esloignement de Madame du Vernet ^, et dire que, depuis la mort de feu son (frère) -, le Roy avoit tousjours eu dessein de Tesloigner, et que cela s'est passé avec toute douceur sans rien altérer en leurs affections, le Roy estant plus content que jamais delà Royne sa femme, comme il se verra par les événemens et que^ de Monsieur le Conestable le Roi avoit tousjours eu volonté de l'esloigner.

Et d'autant que Sa Majesté n'a rien plus à cœur que l'exécution du traicté de mariage et soulagement des Catholiques, ledict Sieur de Bais poursuivra avec soing l'accomplissement d'iceux, tant près lesdits Sieurs Ambassadeurs qu'ailleurs oui il sera besoing, ausquels Sieurs Ambassadeurs il fera entendre comme Sa Majesté ne veut permettre leur retour qu'après avoir achevé cette poursuitte à son contentement.

Faict à Fontainebleau le 23'' Jour de Juillet 1625. Signé: Tronson.

Mesmoire envoyé par M^ le Cardinal de Richelieu pour le voiage du S"^ de Bais.

Sur ce que le Roy de la Grande Bretagne a fait instance à la Royne sa femme de prendre trois Dames de lict, sçavoir est la Mère et la femme du Duc de Bouckinguan et la Marquise D'amilton, ce que la Royne a dict ne pouvoir, atten(du) que cela concerne le Traicté faicte [sic] entre le Roy et celuy de la Grande Bretagne, par lequel il n'en est point parlé, il est nécessaire que Sa Majesté escrive à ses Ambassadeurs deux lettres, l'une qui porte qu'encore que la Royne ne soit point obligée par leTraitté de prendre autres Dames

1. Antoinette d'Albert. Cf. plus haut, pp. 400 et 401, note 2.