Ces deux dernières lignes paraissent autographes

veullez estre moyens et intercesseurs, et tant faire envers le roy à ce qu'il s'acorde et condescende à mettre à plainne et entière délivrance ledit W^ Wolfgang, et qu'il le tiengne du tout quitte et entièrement deschargié des foy et serement qu'il a à lui : en quoy faisant, vous ferez moult grant service et plaisir à nostredicte dame, comme bien savons. D'autre part, révérend père en Dieu, noz très honnourez seigneur, quant à ce que Mons' du Solier dit à moy, Jehan de Aynnatten, en partant de Tours, afin de trouver moien d'avoir les chiens du seigneur de Boussu, incontinent que j'ay esté arrivé par deçà, j'ay tellement fait que ledit seigneur de Bossu a esté et est content de baillier et délivrer lesdiz chiens au roy, moyennant que ledit messire Wolfgang soit délivré comme dessus est dit, jà soit ce qu'il ait fait bien enviz, pour ce que lesdiz chiens sont fort requiz d'un chascun et sont si très bons que ne le vous serions escripre. Et, à ceste fin, avons fait despeschier ung sauf conduit que vous envoyons avec cesles, où ne reste que mettre le nom et surnom de cellui que on vouldra envoyer en ces marches pour choisir lesdiz chiens, auquel Ton les délivrera, pourveu qu'il aporte les lettres de délivrance dudit messire Wolfgang expédiées en forme deue. Sy vous prions de rechief de en ce vous employer en manière que nostredicte dame puisse parvenir à son désir, en nous signiflant par le porteur de cestes vostre bonne response sur ce. Ensemble, s'il est chose que pour vous faire puissions, et nous l'acomplirons de très bon cueur, nostre benoît Créateur en aide, qui vous, révérend père en Dieu, noz très honnourez seigneurs, ait en sa très saincte et digne garde. Escript à Bois le Duc, le xxiii® jour de may l'an IlII" et ung. Les tous vostres,

Mattron de Polhaim.

Jo. DE Atnnatten, doctor.

A révérend père en Dieu et noz très honnourez seigneurs Mons' l'evesque d'Arby et Mons' du Bouchaîge.

LETTEE DU SBIG^CEUE DE BOSSU AU SBIGXBUE DB KOT (d.).

B08SU, 25 juillet 1481.

Promesse de donner des lévriers au roi contre la mise en liberté du sieur de Polheim. — (Orig. Bibl. nat., Ms. fr. 15540, fol. 26.)

Mons' de Moy, je me recommande à vous. J'ay, par œ porteur messaiger de Walincourt, reçupt voz lettres par lesquelles me signifyés que le Roy vous avoît envoyé la quittance de la raenchon de Polhan, moyennant que vous eussiés une grande levriere de poil roux tirant sur le cler que j'ay, laquelle ledit Polhan a promis au Roi lui délivrer; et moyennant ce, il debvoit estre quitte de sadicte raenchon.

Mons' de Moy, il est vray que Mons' le duc d'Octriche, dès devant Noël derrenier passé, m'y fist request et pressa tant que je ly accorday ladicte levriere, et lors me dist que c'estoit pour la raenchon dudit Polhan; et je cuide savoir que mondit seigneur sera prest d'envoyer ladicte levriere moyennant que ledit Polhan soit renvoyé et quitté de sadite raenchon.

Et, en cas que me veuUiés renvoyer ledit Polhan, ensamUe la quittanche de sadicte raenchon, j'envoyeray hastivement quérir ladicte levriere où mondit seigneur la fait garder, pour acquiter ledit de Polhan.

Toutesfois, adfin de tout bien faire, tant pour acompllr le désir du Roy comme pour aydyer ledit Polhan à estre quitté et délivré de sadite raenchon, j'ay envoyé les lettres que m'avez escript devers mon dessusdit seigneur le duc, adfin qu'il en conclue à son bon plaisir-, car, au partement que ledit Polhan a fait pour tirer devers le Roy, mondit seigneur envoya lors quérir ladicte levriere, et Ta devers ly. Et, sa response et son bon plaisir estre venu à ma congnoissance, je le vous fbray savoir; car, alors que Jehan de Bostuze party d*icy, ladicte levriere estoit encore entre mes mains; et, quelque chose que ledit de Bosluze ay dit par delà qu'il a veu deux lévriers venans d'elle, je vous asseure que non a, et les deux lévriers qu'il vit estoient

englès, dont ly ung est mort, qui esloit le plus beau, el l'autre vil encore, qui n'est pas grant chose à mon gré.

Mons' de Moy, je prie à Dieu qui vous ait en sa sainte garde.

Escript à Boussu, ce xxv« jour de juillet M IIII" et ung {sic].

Touchant les lettres qu'envoyés audit Polhan, ensemble le sauf conduit, j 'envoyé tout par delà devers mondit seigneur, car, comme dessus, ledit Polhan est par delà, passé a xv jours.

Je prie que je soy bien recommandé à Madamme de Moy.

Vostre cousin,

P. DE Boussu.

LETTRE DU SEIGNEUR DE BOSSU AU SEIGNEUR DE MOT (d.).

26 juillet 1481.

Même affaire de lévriers. — (Orig. Bibl. nat., Ms. fr. 15540, fol. 25.)

Mons' de Moy, je me recommande bien à vous. Que moy, que ma femme, avons recupt deux lettres de vous, et, pour response en brief, se j'eusse vollu tromper le personnaige que vous savés des chiens dont faites mention, je ne les eusse point souffert envoyer premiers que je n'eusse reu ma maison; car enssi m'astoit il promis, comme vous savés. Touttesfois, la levriere blance que avez eubt est fille de celle qu'on appelle Ma mie, que à présent ont demande pour Polhan; et au regart des deux roux lévriers, il vous promet qu'il viengne de la meismes raisse, mais le père estoit peti, et non pas jonne; oultre Tensaigne, bon estoit, et sy say bien que l'en ne peult boutter en colliers deux plus vaillant lévriers que les deux roux sont; cela sai ge bien. Je ne vouldroie, pour nulz biens terriers, tromper moy ne aultrui. Je vois bien que ma maison demora encore là où elle est, et qu'elle m'est mal prest. Par avantture qu'elle eult peu faire plus grans service en mes mains qu'en es mains de ceste qui Ta. Je vouldroie qui fust possible que j'eusse parler à vous deux motz; je vous prie au mains, puisque je ne puis ravoir madicte maisons, que tenés la mains qu'elle ne soit point mise YUI 84

ès mains de nulz des seigneurs de la Marche, ne des seigneurs de Luxemborcq, car je ne la raroie jamais. Quant à la levriere appellée Ma mie, je n'en saroie comment faire pour le présent, car en vostre fait il y a tousjours des nouveau pourpos. Se ma maison refust en mes mains, on poroit faire plus seurement beancop de chose que Ton ne fait, et par aventure que plusieurs maulx en eust peu estre eschivés, et j^atens de madicte maison ce qu'avenir en pora.

Escript ce xxvi® jour de jullet M IIII" et ung (sic),

PlEROT.

A Mons' de Moy.