AUX GÉNOIS (V
Montreuil-Bellay, 27 mars 1473.
Prière de faire restituer à Philippon Rousseau une galée armée en Roussillon et capturée par Julien de Maignary. — (Orig., Grènes, Archivio de stato. Materie politiche n^ 2780. Publ. par Galmette, Louis XI, Jean II et la révolution catalane, p. 581.)
Loys, par la grâce de Dieu roy de France. Très chiers et grans amys, nous avons sceu que Ju[llie]n de Maignary, capitaine de deux de vos gallées, a nagueres prins [à] v leue près du port de Marseille, une de noz gallées, que nostre amé et féal conseiller et chambellan le sire du Lau, gouverneur de nostre pays de Roussillon, a voit fait armer pour nous servir en nostre guerre dudit pays, et icelle menée de fait et de force en nostre cité, jaçoit ce que Teust baillé sauf conduit et seurté à nostre très cher et bien amé Phelippon Rousseau, nostre serviteur et contreroUeur du péage du Rosne, cappitaine et conducteur d*icelle gallée, et qu'il lui eust fait beaucoup de belles promesses; et que combien que ledit Phelippon s'en soit plaint à vous et vous ait requis que luy voulsissiez faire rendre et restituer ladicte gallée, ensemble tous les biens estans en icelle, et qu'il ait protesté devant vous des dommages et interestz, néanmoins vous ne luy avez faict aucune raison, ainçoys l'avez longuement tenu en parolles, et, à la fin, a convenu qu'il s'en soit venu sans riens faire, dont nous merveiihons fort, actendu que ledit Phelippon vous a remonstré que ladite gallée estoit nostre et qu'il estoit nostre serviteur et officier.
Et nous semble la chose bien estrange, dont vous voulons bien advertir, afin que vous y doniez provision. Si vous prions tant acertes que faire povons, que faites rendre et restituer audit Phelippon ladite gallée et tout ce qui estoit au dedans à Feure de la prinse, et tant en faites que ayons cause d'en estre contens. Et de vostre vouloir et intention sur ce nous escrivez par ce porteur, lequel à ceste cause envoyons par devers vous. Donné à Monstereol Bellay, le xxvu** jour de mars. Loys.
TiLHART.
MMLXI.
