Yoir ci-dessus, p. 370, no MMLXXXYI

gens d'armes dont le roi a fort à se plaindre. — (Minute. Bibl. nat., Ms. fr. 20489, fol. 77.)

Mons. le Mareschal*, vous savez le grant desordre qui est ou fait de mes gens d'armes tant en leur manière de vivre que en leur train de gens et de chevaulx qui, selon les ordonnances sur ce faictes, ne doit estre pour lance fournie que de vi chevaulx, et toutes voies il en y a la pluspart qui en ont x, xn et les aucuns xiii et XV, qui redonde tout à la fouUe et charge du peuple.

Vous savez aussi la petite provision qui est donnée du cousté des cappitaines, et comme ilz fortrayent les gens les ungs des autres, dont vient plusieurs questions et debaz, par quoy je n'en suis pas si bien servy; et bien y a paru ceste année, car j'en ay esté très mal servy ou quartier de delà, tant par ce qu'ilz n'en ont gardé bon ordre, mesmement ceulx qui en avoient la principalle charge, comme par ce que les aucuns des diz cappitaines n'a voient pas tout leur nombre, et dont ilz prainnent bien le paiement pour les relievements de monstre qu'ilz requièrent de quartier en quartier.

Or, Mons. le Mareschal, mon amy, je suis ennuyé d'estre mal servy, car il dure trop, et suis délibéré, moyennant la grâce de Dieu et de Nostre Dame et l'ayde de vous et de mes autres bons serviteurs, de y pourveoir en manière que mes besoingnes viendront mieulx. Et pour le commancement j'ay fait aucuns statuz et ediz touchant le fait de mesdiz gens d'armes^, dont je envoyé le double signé de , mon secrétaire.

Je vous prie, Mons. le Mareschal, comme cely que