ÀU CONSEIL EN LA QRANT CHAMBRE

« 5 mai 1478.

« Sur la requeste baillée à la court par messire Geoffroy Gueur, par laquelle il requeroit que certains extraictz et copies qu'il avoit fait faire ou greffe criminel de la court de céans feussent collacionnés aux originaulx en l'absence du procureur du roy en la Chambre des comptes, actendu que, par vertu de certaine autre requeste baillée à ladicte court, commandement lui avoit esté fait de comparoir oudict greffe pour veoir faire lad. coUacion, lequel n'y estoit comparu, à ce que desd. extraictz ou copies led. Cueur se peust aider en certaine cause pendant pardevant certains commissaires dud. seigneur entre ledit Cueur, d'une part, et led. procureur du roy, d'autre part, veue^ par la court lad. requeste, ensemble les commandemens faiz aud. procureur du roy et tout considéré, la court a ordonné et ordonne que lad. collacion sera faicte en l'absence dud. procureur du roy pour servir et valoir aud. Cueur ce que de raison. »

i08 LETTRES DE LOUIS XI.

eflect, délaissant toute faveur, parenté et amitié, qui sont tant pourvingiés^ en tous endroiz à oestre préjudice (|uc merveilles, nous, confîans de vous, vous mandons et expressément enjoignons et à chacun de vous et commectons par ces présentes que toutes et (juantesfoiz (}ue requis serez par nostre amé et féal conseiller Jelian de la Driesche, chevalier, premier président de noz comptes et trésorier de France, vous et chacun de vous, toutes charges et occupacions arrière mises, assistez avec nostre dit conseiller et autres ses adjoincts et jugez le procès qui est pendent par devant lui entre nostre procureur, d'une part, et messire Geoffroy Cueur, d'autre, pour raison de certaines sommes de deniers que ledit Cueur nous doit lealment, ainsi qu'on dit. Et en ce vous emploiez et, pour nostre droit garder, si bien que puissions congnoistre par efifect et par voz euvres que vous estes telz comme par rapport avons de voz personnes estimacion et confidence.

MMCXV.

A JEAN DE LA DRIESCHE ET AUTRES COMMISSAIRES CHARGÉS DU PROCÈS DE GEOFFROl GCEUR (v.).

Ordre de procéder au jugement du procès de G^ofiFroi Cœur, malgré les fins de non recevoir proposées par celui-ci. — (Minute. Bibl. nat., Ms. fr. 20428, fol. 46.)

De par le roy.

Noz aniez et feaulx, nous vous avons dés pieça

1. Lisez : pourvigniés, pour provignés, dans le sens de multipliés.

commis pour, avec nostre amé et féal conseiller Jehan de la Driesche, chevalier, premier président de noz comptes et trésorier de France, assister, juger et décider le procès dont lui avons baillé la charge en chief, d'entre nostre procureur, d'une part, et Geuffroy Cueur, d'autre, pour raison et à cause de grant somme de deniers, que loyalment nous doit ledit Cueur ; et cuidions que la matière deust de pieça avoir prins fin, touteffois, nous avons entendu que pour troys choses elle a esté délayée :

La première, pour ce que l'arcevesque de Bourges, qui conduit ceste matière pour son frère, et ne quiert que délayer, et par controuvées invencions à nostre préjudice, comme il est bien coustumier, a baillé ung escript à aucuns d'entre vous, par lequel il reffuse vous président comme suspect en la cause.

Quant à ce point, nous avons veu ledit escript, et faisons à vous président response sur chascun point, et en conclusion n'y trouvons coulleur, ne matière de suspection comme verrez, et pour tant que estes beaucoup de gens notables, et que encores avons depputé autres, pour avec vous, président, assister et fayre le jugement en ceste partie, nous vous mandons que, non obstant ledit escript, vous assistez audit président, et avec luy, noz autres depputez et ceulx que advisera ledit président, jugez et décidez ledit procès, ainsi que par nostre commission principalle l'avons ordonné, car à ce faire nous declayrons ledit président et vous cappables et soufïisans.

Le segond point si est que ledit arcevesque, pour nous oster le nostre, divulgue et a mis avant que n*avez puissance de recouvrer et à nous faire restituer

les deniers que trouverez es comptes renduz avoir esté mal ou sans cause prins, parce que ce seroit diminuer l'auctorité de noz gens des comptes et corriger leurs arrestz.

Touchant cest article, nous entendons vous avoir donné plain povoir de recouvrer sur ledit Cueur telz deniers, nonobstant que nosdiz gens des comptes les eussent allouez, et de rechief et de nouvel, en tant que mestier est, la vous donnons et commectons par cestes signées de nostre main, et vous mandons et enjoignons bien expressément et acertes que se, en veant les comptes de Nicolas de Voisines, grenetier en son vivant du Pont Saint Esperit, vous trouvez aucunes parties deux foiz prinses, mal prinses ou par noz mandémens à faulce cause ou par donner entendre non véritable, vous, non seulement en tant que touche ledit Cueur, mais tous autres, faictes réaniment et de fait recouvrer tous telz deniers pour nous et à nostre prouffit, en contraignant à ce tous telz qui seront à contraindre comme pour noz propres debtes, nonobstant que aient esté allouées, car en tel cas Tallocacion erronée ne prejudicieroit à ung privé, aussi ne fera elle à nous. Quoy que ce soit, nous n'entendons point que noz gens de comptes nous puissent par telles voies faire aucun dommaige.

Le tiers point que ledit arcevesque n'a point de honte de mectre avant, que nous estant à Paris ou mois de mars en l'an LXXIIII, le xx® jour d'icely mois, nous feismes don audit Cueur des sommes dont est présentement question, et qu'il en a lettres signées de M"" Jehan Legoux, la vérité est au contraire; et si tost que estions advertiz des dictes lettres, declayrasmes

que jamès n'avions fait commandement au seeretayre d'aucun don touchant ledit Gueur, mes seullement de la part et porcion des héritiers de Guillaume de Varie, en faveur et contemplacion de nostre amé et féal chancelier^, et ainsi le dismes publiquement à nostre dit chancelier, nous estant en nostre hostel des Tournelles, et commandasmes à vous, président, que ausdictes lettres ne fiist obtempéré, sinon pour la part des héritiers dudit de Varie, et que au mois de juing aussi en Tan LXXV, nous estant à Creil, mandasmes par noz lettres closes aux gens de noz comptes abréger les comptes dudit de Voisines. G'estoit à la pourssuite de M^ Estienne Petit, sans que voulions en riens avantaiger ledit Cuer; aussi noz lettres closes n'en font point de mencion. Et pour ce, et que telle est la vérité, et d'icelle sommes bien souvenans, nous vous mandons que ausdictes lettres, données le xx® jour de mars LXXIIII, nous estans à Paris, ne obtempérez ne adjoustez aucune foy, en tant que touche ledit Gueur, mes seullement pour la part dudit de Varie. Et ce vous signiffions pour vérité par cestes signées de nostre main, et que en tout que lesdictes lettres parlent du don fait audit Gueur, ce a esté au dehors de nostre sceu et sans nostre commandement.

En conclusion, abrégez la matière et vous y acquitez, et, pour nostre droit garder, tellement et si bien que ayons cause d'estre content. Le roy, nostre père, cui Dieu pardoint, et nous, avons beaucoup fait pour ledit Guer et sa generacion, et sont mal advisez de

1. Pierre d'Oriole avait épousé Charlotte de Bar, veuve de Guillaume de Varie, jadis associé de Jacques Cœur, nommé par Louis XI, dès son avènement, général des finances de Languedoc.

vouloir retenir le nostre. Et pour tant, ne vous arres- U»z à telles invencioiis, mes y donnez fin qu'il ne faille |>as (|ue plus vous en escripvions. 11 nous touche beauoou{) et à noz ouvraiges du Pesseiz que avons, et que soient achevez à grant et singulier désir. Donné...

A noz amez et feaulx conseilliers Jehan de la Driesche, chevalier, premier président, de noz comptes, M** Jehan Baudri, Phelippe Des Plantes, Jehan Guetteville, Jehan (le Paris, noz conseilliers en Parlement, Gilles Flameng, gênerai sur le fait de noz aydes, PheHppe Le Bègue, vis président. M® Loys Toustain, W Jehan Guedon, Jehan Le Moyne, clers en nostre Chambre des comptes, André du Lys, commissaire en Chastelet à Paris, et autres commissaires de par nous ordonnez au procès de Geuffroy Cueur.

MMCXVI.

A BERNARD, BATARD DE GOMMINGES (v.).

Plessis-du-Parc, 7 février 1479.

Ordre d'expulser du Gomtat-Venaissin un nommé Bernard de Guerlands qui y avait commis force méfaits en se prétendant au service du roi. — (Orig. Arch. d'Avignon, série A A. Publ. par Rey, Louis XI et tes États pontificaux de France au XV« siècle, d'après des documents inédits (Grenoble, 1899, in-8*), p. 246.)

Nostre amé et féal, nous avons sceu par noz chiers et bien amez aliez les consulz et habitans de la cité d'Avignon, que ung nommé Bernard de Guerlandz^

1. D'après M. Rey {op. laud,, pp. 192 et suiv.), cet aventurier aurait été originaire de Tlsle en Venisse. Subventionné par des réfugiés italiens, émigrés de Florence après l'afifaire des Pazzi, il se prétendait envoyé par Louis XI, à la tète d'une troupe d'An-

avecques xv hommes de guerre, tant à pied que à cheval, soy disant estre en nostre service et soubz umbre de nous, comme se à iceluy en eussions donné congié ou exprès mandement, que desadvouons expressément parces présentes, de fait, par force et violence, c'est mis avecques lesdites gens dedans le conté de Venycy, prins places, tuez gens, violez femmes et filles pucelles, brûler maisons, desrober marchans et faitz autres infinitz maulx, dont sommes fort mal contens de luy et de sesdits complices. Et pour ce que n'entendons aucunement ladicte cité ne les habitans d'icelle et dudit conté, comme noz confederez, aliez et devotz de nostre couronne, soient vexez ne opprimez en quelque manière que ce soit, meismement comme de terre de saincte mère esglise, à cuy nostre désir ne sache que servir, obeyr et complaire, et que aussi en justice tous excès, violences, forces et autres maulx et roberies ne se doibvent souffrir, nous vous mandgns que, veues ces présentes, sur tant que desirez nous complaire, que incontinent et sans delay faictes vuyder ledit Bernard avecques sesdits complices hors ladicte conté, à quoy vous donnons plain povoir et mandement especial par ces présentes, en réintégrant ou faisant réintégrer ung

glais, au secours de cette cité, menacée par le pape. Il ravagea les environs d'Avignon, et, malgré les injonctions du roi de France, peut-être avec sa complicité inavouée, il réussit à prolonger jusqu'au mois de mai son occupation violente des terres papales. Sur une nouvelle intercession des Avignonnais, Louis XI intima alors au parlement de Grenoble Tordre d'en finir et les troupes royales expulsèrent les routiers: Une lettre datée du 30 janvier (1479 et non 1483), par laquelle les consuls d'Avignon sollicitent Ymbert de Batarnay d'intervenir auprès du roi afin qu'il fasse arrêter Bernard de Guerlands, est impr. dans Mandrot, Ymbert de Batarnay, p. 320, Pièce justificative n^ XV.

chascung à vostre povoir, selon debvoir et justice, et ce par toutes voyes deues et raisonnables ; et se ilz ne vous obeyssent incontinent, se y procédez par maio armée jusques ad ce que ladicte conté du tout en soit à pleine délivrance, et tellement qu'ilz n^ayent plus cause d'en revenir plaintifz à nous, mandans et commandans à tous noz justiciers et officiers que, en ce faisant, vous obeyssent et entendent; et faictes, cessantz toutes exqusations, qu'il n'y ait point de faulte et que plus n'en oyons parler. Donné au Plesseys du Parc lès Tours, le vn^ jour de février.

LOYS-