Argentan, chef-lien d'arrondissement de TOrne

4. Datées de Tours, le 17 décembre 1464. (Bibl. nat., Ms. fr. 20430, fol. 14.)

invite à se défier de ceax qu'il pourra leur euToyer. — (Copie moderne. Bibl. nat., Coll. de Languedoc, vol. 90, fol. 36.)

Ghierset bienamez, nous avons sceu comme nostre amé frère le duc de Berri soubdainement s'en est allé et desparti de nostre compaignie et au moyen d'aucuns qui Tont séduit s'en est allé devers le duc de Bretaigne sans nez sceu et vouloir, et nous donnons grant merveille qui [l'a] à cela meu, car, depuis que sommes venu à la couronne, nous l'avons tousjours traicté en toute douceur et faveur, et comme bon frère doibt faire; et mesmement lui avons puis nagueres creue sa pension de vi" frans par an ainsi qu'il nous avoit fait requérir; et en outre lui avons dit de bouche et fait dire par aucun de noz principaux et privez officiers que incontinent que l'appoinctement de Bretaigne seroit fait, nous lui fairions et baillerions tel apanage et provision qu'il en debvroitestre bien content. Et pour ce que, attendu la manière de sondit despartement, et qu'il est plus à présumer que ceulx qui l'ont à ce induict tendent à mauvaise fin que autrement, voulons obvier aux inconveniens qui pourroient advenir par les exhortations et choses que l'on pourroit dire et faire à l'occasion et soubz ombre de nostre dit frère, nous avons bien voulu vous advertir et autres noz subgetz des choses dessusdictes et de la manière de faire, afin que se inconvénient en venoit au royaume, que Dieu ne vueille ! vous ne cuidés pas que se soit à nostre faute, combien que nous avons intention et sommes délibérez, moyennant l'ayde de Dieu et de noz bons et loyaulx subgectz, de y obvier et donner provision par toutes manières possibles. Si vous

mandons bien expressément et sur la loyaulté et obéissance que nous devés, que à nostre dit frère, ne à ceulx qu'ils envoieront^ de par lui devers vous, vous ne faites ou donnez aucune ouverture, faveur ne obéissance sans noz (sic) congé et que aiez mandement exprés sur ce de nous ; ainçois se aucuns venoient de par lui devers vous, les arrestez et mettez en lieu seur, sans en faire aucune délivrance jusques à ce que ayez de noz nouvelles ; et du surplus vous vueillez si bien maintenir et gouverner envers nous, en continuant tousjours et persévérant en la loyaulté et obéissance que nous devez, comme en vous en avons parfaite fiance, et par manière que en doyez tousjours de bien en mieulx estre envers nous recommandez comme bons et loyaulx subgetz doivent estre envers leur souverain seigneur. Donné' à Poitiers, le ix^jour de mars. Loys.

De là Loere.

 noz très chers et bien amez les consulz, bourgeois et habitans de nostre ville de Montpellier.

Recepte œxvj mars M CCCC LXV.

MDCCCCLXXIV.

AU PAPE (y.)*

Mars 1465.

Priôre de vouloir autoriser la levée sur le clergé des subsides nécessaires pour réprimer les révoltes qui se sont produites dans le royaume. — (Minute. Bibl. nat., Ms. fr. 18703, fol. 44.)

Beatissime pater, pridem Sanctitati Yestre scripsisse